شنو شريتي وليش ؟؟

[Nokia N95]

قوة بنات ... شلونكم ؟
ان شاء الله بخير

وانا اتصفح بالنت لقيت موضوع باحد المنتديات ان كل وحدة تشتري شي تحط صورته و ليش شرته وتفاصيل عنه .. سواء بالسعر او المكان و شلون نستخدم هالشي
ودام احنا بمنتدى الاشغال اليدوية .... ياريت كل وحدة تشتري شي تحط لنا صورته ومعلومات عنه

وانا اول وحدة راح ابتدي






3 بكرات .. الوحدة فيهم 100 جرام .... وكل بكرة بـ 1.750




ابر كروشيه ... الوحدة بـ 160 فلس



ابرة كروشيه مقاس 4.5 بـ 350 فلس



ابرة كروشيه مقاس 5.5 بـ 550 فلس



ابرة حياكة مقاس 5 بـ 950 فلس



رول متر و انش ..... علشان آخذ قياس الشغلات .. احس انه عملي بالتخزين وحلو ... بـ 890 فلس


هذي كل مشترياتي من بركات الاسبوع اللي طاف ....


انتظر مشترياتكم ... خاصة ان توه نازل المعاش و الحين ويك اند :jbdwjbd:


اي صج ....
هذا موضوع حق اللي ماتعرف تنزل صورها للمنتدى


http://www.q8yat.net/showthread.php?t=619234

وبالتوفيق للجميع

 

[c a t w o m a n]

نايس

أنا مشترياتي قديمة وعلى حطتها لأني خذيت كمية كبيرة من الخيوط من بركات

فسوري صعبة علي أنزل الصور حاليا


خذيت إبر تركو

إبرة كروشيه أصور معاها لأني في طور التعليم وما أعرف أستخدمها

و يعطيج العافية و عليج بالعافية

 

[اسيل الصمت]

رد : شنو شريتي وليش ؟؟

وااااااااو

خوش فكرة والله

لي عووده مع مشتريااااااااتي:jbdwjbd:

 

[Nokia N95]

رد : شنو شريتي وليش ؟؟

نايس

أنا مشترياتي قديمة وعلى حطتها لأني خذيت كمية كبيرة من الخيوط من بركات

فسوري صعبة علي أنزل الصور حاليا


خذيت إبر تركو

إبرة كروشيه أصور معاها لأني في طور التعليم وما أعرف أستخدمها

و يعطيج العافية و عليج بالعافية

الله يعافيج يارب ....
ترا تعلم الكروشيه مو صعب .... اهم شي تبتدين بشي بسيط ... باند ... سكارف ... وتعرفين الغرز الاساسية .. وعندج يوتيوب فيه فيديوات وايد ...:eh_s(7):

وااااااااو

خوش فكرة والله

لي عووده مع مشتريااااااااتي:jbdwjbd:

ناطرينج ... لاتبطين علينا
:RoadRunner:

 

[Nokia N95]

رد : شنو شريتي وليش ؟؟

من شوي طلبت لي كتاب و سيدي تعليم الحياكة ( تريكو ) من امازون

سعر الكتاب $15.66
وهذا لنك الكتاب

http://www.amazon.com/gp/product/047052832X/ref=oss_product



وهذا هو الـ dvd

سعره $15.99

وهذا هو اللنك
http://www.amazon.com/gp/product/B000A0P6A4/ref=oss_product

يعني طلعوا علي بحدود الـ 10 دنانير مع الـ tax
وعارفة ان توصيلهم راح يكلف 5 ونص او 8 دنانير بالكثير عن طريق ارامكس


ناوية اتعلم حياكة ان شاء الله ....
بس ناقصني اشتري ابر باحجام مختلفة ....


يلا ... دوركم :klhfl:

 

[LUXURY]

يا هلا يا هلا
والله خوووش موضوع الحين اصور واييلج طيران
انزين بس تره قشي وايد احطلج صور بعض منه لان مستحيل احطه كله هههههههههههههههه مايتصور فشله

اول شئ شغلاتج رووووووعه

انزين باعطيج ملاحظتين
الدي في دي روووعه وعندي اياه بس سليحط يسلحطني ما كملت
اشرايج لا وصلج نتعلم منه انا وياج مع بعض ونشوف تطورنا وشنو نسوي ؟؟

الملاحظه الثانيه
الابره الكروشيه اللي شاريتها من بركات الشفافه البلاستيك
ماااااابي احبطج بس عوووووووووووع قطيتها تكرمين بالزباله
الحياكه فيها لوعه وتحك بالخيط مهما كان نوعه وتطلع صوت مزعج خفيف تعرفين الشعور لما يكش ينبج من شي وتتضايقين من صوت الشوكه عالصحن؟
مو نفس الصوت بس اييلج الشعور
مادري انا وايد حساسه والا لا بس هذي ملاحظتي عليها
وانصحج ابر تريكو وكروشيه اما ماركة بوني اعتقد الرماديين البلاستيك
او ماركة susan bates تطلبينهم من امازون روووووعه ومعروفه هالماركه تطلعلج القياس مضبوط
وتره الدي في دي تقولج حطيلج خيط متين وابره كبيره يعني مقاس 6مم وفوق

وبسي قرقه ههههههههه

 

[LUXURY]

اوكي يبت اغراضي

اول شئ
جوخ

ابر حياكه مختلف الماركات والاحجام مع مقص وشريط قياس

جنطة حق ابر الحياكه مسويتها انا من الجوخ

افضل 3 كتب عندي واحمد ربي اني شريتهم على اني ما استخدمتهم وايد بس سكفي التصفح فيهم يشرح ويفتح النفس واستخداماتهم وايد
عباره عن 3 كتب لمؤلفه وحده موجودين بامازون
200knitted blocks
200crocheted blocks
200ripple stitchs
والمؤلفه اسمها jan eaton

مجلة كروشيه عدد قدييييييم بس حبيت تشوفونها وتحبون تشترون الاعداد اليديده والله مرات يحطون فناتق + كتاب 450غرزة تريكو + كتاب كروشية بايبل فيه غرز واااااااايد واشكال وحواشي والذي منه

هذي صور بعض من دثرة خيوطي (الحياكه عشق والعشق ادمان خخخخخخخ) <<<رقعي حق عمرج

والصوره المقلوبه علشان تشوفونها عدل مسكو اللاب وقلبو شاشته خخخخخخخخخخخخ

 

[ذكريات]

رد : شنو شريتي وليش ؟؟

لوووووول لااااا عدلي الصور انا مابي اشوفهم جدييييه

 

[يـاسمينا]

رد : شنو شريتي وليش ؟؟

ودي اشتري جم شغله عشان اتعلم
مليت من النت والفيس بوك والسوالف اللي مالها معنى
بس ماكو تشجيع حتى ريلي يقول لي راح تشترين وتسوين دثره بالبيت وآخر شي تملين وتقطينهم :/

بس جد ودي اتعلم شي يلهيني ويفيدني بنفس الوقت , شرايكم بنات بشنو ابتدي كروشيه ولا جوخ ؟

 

[ذكريات]

رد : شنو شريتي وليش ؟؟

ياسمينا الاثنين حلوين

انتي ادا قررتي تتعلمين لا تشترين وااايد اغراض .. اشتري بس اللي راح تتعلمين فيه

انا جربت الاثنين .. الجوخ بسرعة تخلصين اللي بيدج

بس الكروشيه على حسب اللي قاعدة تشتغلين فيه ...

فادا انتي ملووولة جربي الجوخ اول

و على قولتج شي يسلي و له فايدة بنفس الوقت

 

[Nokia N95]

رد : شنو شريتي وليش ؟؟

يا هلا يا هلا
والله خوووش موضوع الحين اصور واييلج طيران
انزين بس تره قشي وايد احطلج صور بعض منه لان مستحيل احطه كله هههههههههههههههه مايتصور فشله

اول شئ شغلاتج رووووووعه

انزين باعطيج ملاحظتين
الدي في دي روووعه وعندي اياه بس سليحط يسلحطني ما كملت
اشرايج لا وصلج نتعلم منه انا وياج مع بعض ونشوف تطورنا وشنو نسوي ؟؟

الملاحظه الثانيه
الابره الكروشيه اللي شاريتها من بركات الشفافه البلاستيك
ماااااابي احبطج بس عوووووووووووع قطيتها تكرمين بالزباله
الحياكه فيها لوعه وتحك بالخيط مهما كان نوعه وتطلع صوت مزعج خفيف تعرفين الشعور لما يكش ينبج من شي وتتضايقين من صوت الشوكه عالصحن؟
مو نفس الصوت بس اييلج الشعور
مادري انا وايد حساسه والا لا بس هذي ملاحظتي عليها
وانصحج ابر تريكو وكروشيه اما ماركة بوني اعتقد الرماديين البلاستيك
او ماركة susan bates تطلبينهم من امازون روووووعه ومعروفه هالماركه تطلعلج القياس مضبوط
وتره الدي في دي تقولج حطيلج خيط متين وابره كبيره يعني مقاس 6مم وفوق

وبسي قرقه ههههههههه

هههههههههههههههههههههههههه
شفت قشج .... مشابه لقشي ... بس اشتري وايمع و بسرعة امل من الشغلة وما اكملها

بخصوص الـ dvd
موافقة .... بس يوصل راح ابلغج وخلينا نتعلم مع بعض .. عالاقل كل وحدة تشجع الثانية ....

وبخصوص الابرة ....
ما ادري ليش حسيت اني قاعدة اسمع الصوت اللي تقولين عنه وانا اقرا ردج

بس انا شاريتها تكملة عدد ... علشان يكون عندي كل الاحجام .... :016:
وكتبج ومجلاتج يونسون .... شايفتهم بامازون بس ما طلبتهم ....
اكثر شي اطلبه هو المجلات .... وخاصة مجلة crochet today
تهبل هالمجلة ....

وترا في بـ كارفور ( اللي بالافنيوز ) مجلات تريكو .... و خياطة

ونطريني ... بس توصل اغراضي نبلش شغل ان شاء الله ...


اسعدني ردج ومرووووورج وااااااااااايد :aha:

لوووووول لااااا عدلي الصور انا مابي اشوفهم جدييييه

ههههههههههههههههههههههه حتى انا احتج .. نبي الصورة عدلة :lkmnkl:

ودي اشتري جم شغله عشان اتعلم
مليت من النت والفيس بوك والسوالف اللي مالها معنى
بس ماكو تشجيع حتى ريلي يقول لي راح تشترين وتسوين دثره بالبيت وآخر شي تملين وتقطينهم :/

بس جد ودي اتعلم شي يلهيني ويفيدني بنفس الوقت , شرايكم بنات بشنو ابتدي كروشيه ولا جوخ ؟

الجوخ اسهل .... وخاصة علشان تسوين ميداليات و كفرات للتليفونات و بروشات .... وتقدرين تبدعين فيهم

ياسمينا الاثنين حلوين

انتي ادا قررتي تتعلمين لا تشترين وااايد اغراض .. اشتري بس اللي راح تتعلمين فيه

انا جربت الاثنين .. الجوخ بسرعة تخلصين اللي بيدج

بس الكروشيه على حسب اللي قاعدة تشتغلين فيه ...

فادا انتي ملووولة جربي الجوخ اول

و على قولتج شي يسلي و له فايدة بنفس الوقت

100% كلامج صحيح .... الجوخ اسهل وبسرعة الوحدة تخلص منه ....

ولاتشترين اغراض وايد ... حددي اللي تبين تسوينه واشتري الاغراض اللي تحتاجينها ....
وصوريها وحطيها بالموضوع



مشكووووورين بنات على ردودكم ... كنت حاسة ان الموضوع ميت .... والحين رجعت له الروووح

:aha:

 

[3w!Shni]

واااااااااااي

انا شصور وشخلي ..

ونااااااصة

خلافضى و اصورلكم ^^

 

[LUXURY]

عوشني ننطرج قاعدتلج قعده خخخخخخخ
شيفكج الحين


تبون الصوره عدله؟؟
والله مالي خلق خخخخخخخ لان محملتهم ببرنامج بالتلفون وماقدر افرهم بالتلفون عاد كيفكم خخخخخخ

نوكيا
يالله انتظر ديفيديج على احر من الجمر
اعشششششق التريكو بس محد مشجعني غير ريلي لان يبي اسكارفات لووووووووول
بس والله مصممه اني اتعلمه عدل
والابره راح اييلج الشعور خخخخ
اذا فكرتي تطلبين الكتب طلبي معاهم ابر سوزان اللي حطيتلج اسمهم<<<شريره تشيش الناس يفسفسون فلوسهم مثلها خخخخخخخ


بنات الجنطه مسويتها بالجوخ بس خياط بالخيط العادي وقاعد يتفجج ليش؟
في خيط او صمغ خاص للجوخ علشان مايفج؟؟ لاتقولون الصمغ الحراري لان يفج مجربته ابي حل

 

[مسك حياتي]

luxury

الوان الجوخ عجيبه ما شاء الله ...

ورينا ابداعج ...

بنات عفيه خنسوي تجمع او دوره حق تعليم الحياكه ...

امنيتي اتعلمها شاريه خيوط من زمان و ابرتين ...

وعلبه فيها خيوط و كتيب تعليمي من مركز السلطان ...

عرفت اسوي لاين واحد ( تعبتي روحج ) و بعدين خليتهم ...

فشرايكم نسويلنا قروب منها نتعلم و نشجع بعض و نتابع بعض ...

بس ها راعوا المبتدءات مثلي ...

ومشكوره يا صاحبه الموضوع الروعه ...

 

[ذكريات]

رد : رد: شنو شريتي وليش ؟؟

عوشني ننطرج قاعدتلج قعده خخخخخخخ
شيفكج الحين

بنات الجنطه مسويتها بالجوخ بس خياط بالخيط العادي وقاعد يتفجج ليش؟
في خيط او صمغ خاص للجوخ علشان مايفج؟؟ لاتقولون الصمغ الحراري لان يفج مجربته ابي حل

يمكن نوع الخوج !!!

لان الجوخ انواع ... حاولي تستخدمين نوع ثاني

 

[ذكريات]

رد : شنو شريتي وليش ؟؟

مسك جان زييين

خوش فكرة

 

[ايطاليه]

اب اب

لعيون نوكيا

 

[Nokia N95]

رد : شنو شريتي وليش ؟؟

واااااااااااي

انا شصور وشخلي ..

ونااااااصة

خلافضى و اصورلكم ^^

عندج الويك اند .... صوري على راحتج ....
واذا مالج خلق ( مثل حلاتي ) ... صوري الاشياء اليديدة اللي تشترينها :eh_s(15):

luxury

الوان الجوخ عجيبه ما شاء الله ...

ورينا ابداعج ...

بنات عفيه خنسوي تجمع او دوره حق تعليم الحياكه ...

امنيتي اتعلمها شاريه خيوط من زمان و ابرتين ...

وعلبه فيها خيوط و كتيب تعليمي من مركز السلطان ...

عرفت اسوي لاين واحد ( تعبتي روحج ) و بعدين خليتهم ...

فشرايكم نسويلنا قروب منها نتعلم و نشجع بعض و نتابع بعض ...

بس ها راعوا المبتدءات مثلي ...

ومشكوره يا صاحبه الموضوع الروعه ...

العفوووو حبيبتي

انا اأيدج .... نبي موضوع عن الحياكة ....
نبي نبدع بالشالات شوي ....
ناطرة سي دي التعليم مع الكتاب ... وراح ابلش ان شاء الله .... وشكل كل اللي راح يشاركون بالموضوع راح يكونون مبتدئات :eh_s(9):

عوشني ننطرج قاعدتلج قعده خخخخخخخ
شيفكج الحين


تبون الصوره عدله؟؟
والله مالي خلق خخخخخخخ لان محملتهم ببرنامج بالتلفون وماقدر افرهم بالتلفون عاد كيفكم خخخخخخ

نوكيا
يالله انتظر ديفيديج على احر من الجمر
اعشششششق التريكو بس محد مشجعني غير ريلي لان يبي اسكارفات لووووووووول
بس والله مصممه اني اتعلمه عدل
والابره راح اييلج الشعور خخخخ
اذا فكرتي تطلبين الكتب طلبي معاهم ابر سوزان اللي حطيتلج اسمهم<<<شريره تشيش الناس يفسفسون فلوسهم مثلها خخخخخخخ


بنات الجنطه مسويتها بالجوخ بس خياط بالخيط العادي وقاعد يتفجج ليش؟
في خيط او صمغ خاص للجوخ علشان مايفج؟؟ لاتقولون الصمغ الحراري لان يفج مجربته ابي حل

هههههههههههههههه حق التشيش جاهزة

الشحنة ان شاء الله عالاسبوع الياي واصلة ....
بس نبي احد يسوي موضوع عن الحياكة ....

نبي متطوعات :ceaf32e183:

وبخصوص الجوخ ....
غريبة .... ليش يفج الصمغ ؟ استخدمته مرة وكان من احسن ما يكون ...
جربي صمغ ( ون منت ) اللي تحطينة دقيقة و يلصق ....

وان شاء الله البنات يفيدونج اكثر .... :fun:

يمكن نوع الخوج !!!

لان الجوخ انواع ... حاولي تستخدمين نوع ثاني

صح ... ممكن من نوع الجوخ ... لان في جوخ ثقيل وفي خفيف ...
وشفت فيديو باليوتيوب ... وحدة مسوية جنطة صغيرة واستخدمت الصمغ الحراري ....

مسك جان زييين

خوش فكرة

اي والله خووووش فكرة :eh_s(9):

اب اب

لعيون نوكيا

تسلمين حبيبتي ....
عاد مو تنسين تصورين لنا شغلج

 

[MiSs kw]

رد : رد: شنو شريتي وليش ؟؟

بنات الجنطه مسويتها بالجوخ بس خياط بالخيط العادي وقاعد يتفجج ليش؟
في خيط او صمغ خاص للجوخ علشان مايفج؟؟ لاتقولون الصمغ الحراري لان يفج مجربته ابي حل

جربي تخيطينه بالمكينه اذا عندج
يطلع وايد مرتب و نظيف الشغل و عموما خياطة الجوخ سهله لانه الخام متين و ثابت

 

[MiSs kw]

رد : شنو شريتي وليش ؟؟

وايد اغراض عندي شصور و شخلي

عندي اغراض هدايا و لف هدايا
و اغراض خياطه من خامات و خيوط و بكرات و المكينه و من هالسوالف
و اكيد اغراض الكروشية الابر و الخيوط و توني من اسبوعين مكوده شكثر خيوط و من شهرين يابولي خيوط من ايران شكثر و ماعجبتني خشنه حيل و ضعيفه
و توني شارية الابر التونسيه و جم مجله
و عندي سوالف الجوخ و البروشوات و التيجان


بعد الامتحانات اقعد اصور لكم شغله شغله