شنو شروط الماجستير بجامعة الكويت؟

[أم حمد =)]

قوة بنات .. شخباركم ؟ ..



انا طالبه بكلية التربية / جامعة الكويت .. سنة ثالثه .. وانشالله ناويه اكمل ماجستير .. بس بعرف شنو الشروط ؟
انا الي اعرفه ان الي بكمل على حساب الحكومه بجامعة الكويت لازم معدله جيدجدا وفوق .. وطبعا انا ابي بالكويت مو بره .. وبعرف جيد جدا جم يعني لازم يكون المعدل ؟؟ 2.50 ولا جم ؟؟ واهمه ياخذون على معدل التخصص ولا العام ؟؟

والي بيقدم على ماستر جامعة الكويت شنو لازم يسوي يعني فيه امتحان خاص؟

 

[.]

اللي اعرفه توفل و معدل جنه 2و67 بس خل اتاكد لج..

وموفقه يارب..

 

[.]

متطلبات القبول في برامج الماجستير


نظام المقيدين


المتطلبات الرئيسية للقبول النظامي ببرنامج درجة الماجستير المطروح من قبل جامعة الكويت هي كالتالي:

1- الحصول على درجة الإجازة الجامعية الأولى أو ما يعادلها من جامعة الكويت أو أي مؤسسة أكاديمية أخرى معترف بها حيث يتم معادلتها من قبل لجنة المعادلة بجامعة الكويت مع ضرورة احضار لمن يهمه الامر من وزارة التعليم العالي بدولة الكويت .

2- ألا يقل المعدل العام عن 2,67 نقطة ومعدل التخصص عن 3,00 نقاط من سلم النقاط الأربع أو ما يعادلها. ويجوز أن يستثنى من شرط المستوى الأكاديمي الحاصلون على درجة الإجازة الجامعية في الطب والجراحة من جامعة الكويت أو ما يعادلها بالنسبة للقبول ببرامج كلية الطب أو طب الأسنان..


3- استيفاء الحد الأدنى من مستوى الكفاءة اللغوية المحدد للبرنامج المطلوب الالتحاق به (راجع الجدول الخاص بمتطلبات اللغة ).

4- على المتقدم الموظف الذي تم قبوله كطالب بدوام كامل أن يقدم قرارا كتابيا بالبعثة من الجهة المعنية.

5- أن تتوافر في المتقدم الشروط الإضافية التي تعتمدها كلية الدراسات العليا ويتطلبها البرنامج الذي يرغب في الالتحاق به، بما في ذلك اجتياز اختبارات أولية و/أو أي مقررات إضافية يستلزمها البرنامج.

6- ألا يكون قد سبق فصل المتقدم أكاديميا من البرنامج الذي يتقدم للقبول فيه.

7- ألا يكون قد صدر بحقه قرار تأديبي من أي مؤسسة علمية.

8- ألا يكون قد سبق حصول المتقدم على دبلوم الدراسات العليا من البرنامج نفسه.

9- يتعين على المتقدمين لبرنامج إدارة الأعمال وا لاقتصاد تقديم نتيجة اختبار GMAT 450 نقطة على الأقل.

http://www.graduate.edu.kw/arabic/topics/current/index.php?cat_id=3

الموقع :

http://www.graduate.edu.kw/arabic/index.php

 

[أم حمد =)]

مشكورة حبوبه .. ماقصرتي

 

[من بعيد]

ترى لو تبين تكملين بالتربية ، جنه لازم خبرة بالتدريس

تأكدي من الموقع

 

[[..كـــــرك..]]

ام احمد

ترا ماستر الكويت

مومعترف فيه برا

للعلم

 

[0(مـــســـ(مطير)ــــــك)0]

هههههههههههههه كرك حتى شهادة الباكلريوس بجامعة الكويت مومعترف فيها برا

 

[#الخشف#]

هههههههههههههه كرك حتى شهادة الباكلريوس بجامعة الكويت مومعترف فيها برا

من صجكم جامعة الكويت مو معترف فيها براا
امبيه عيل ليش ندرس ونتعب روحنا واذا صادف انا نسافر يعنى دول الخليج ما اشتغل فيها

 

[hams_ elkalam]

شلونكم .... بس بصحح المعلومه ... جامعه الكويت معترفة دوليا ... وتعتبر من الجامعات العريقة ... لا تنخدعون من بعض الكليات ( اقصد مبانيها ) .. بس هي معترفه دوليـــــــــــــــــــــــا :dddds:

 

[#الخشف#]

شلونكم .... بس بصحح المعلومه ... جامعه الكويت معترفة دوليا ... وتعتبر من الجامعات العريقة ... لا تنخدعون من بعض الكليات ( اقصد مبانيها ) .. بس هي معترفه دوليـــــــــــــــــــــــا :dddds:[/QUOT

ريحتينى الله يريح بالج :dddds::dddds:

 

[ATOoOMA]

اشهل حجي @@ جامعة الكويت معترف فيها في كل الدول دامها جامعة حكومية اما الجامعات الخاصة اهيا الي في بعض الدول مو معترفة فيهم..

اهوى اذا بتكملين ماستر لازم يكون معدلج جيد جدا وفوق بس لازم تسألين لان ترا لهم مواعيد معينه حق التسجيل

 

[ريح الخزآمى]

في نقطة زيــآدة لكلية التربية ..


تحتاجين سنتين خبرة

 

[#الخشف#]

في نقطة زيــآدة لكلية التربية ..


تحتاجين سنتين خبرة

الى اعرفه ومتاكدة منه 3 سنين خبرة مو سنتين

 

[فديتـ♥ترابـ♥الكويتـ]

لازم 3 سنين خبــره
و روحي تاكدي بنفسج
لانه من فتــره لفـــتره يحطوون قرار او يغيرونه

مــــوفقــه
​

 

[maystwe]

والله ضاق خلقي انا كليه تربيه اساسيه
اعتقد اقدر اكمل بجامعه الكويت بس 3 سنين خبره
انا الحين اول سنه وابي افتك ابي انحاش لوول
عندي الدراسه اهون من التدريس وااايد
الله كريم

 

[miss_math]

لازم اللي عنده بكالوريوس تربية

عنده خبرة 3 سنين ؟

 

[فديتـ♥ترابـ♥الكويتـ]

بالتــــــووفيق

 

[0(مـــســـ(مطير)ــــــك)0]

اشهل حجي @@ جامعة الكويت معترف فيها في كل الدول دامها جامعة حكومية اما الجامعات الخاصة اهيا الي في بعض الدول مو معترفة فيهم..

اهوى اذا بتكملين ماستر لازم يكون معدلج جيد جدا وفوق بس لازم تسألين لان ترا لهم مواعيد معينه حق التسجيل

صدقيني مومعترف فيها ... واذا اثبتي العكس لج هالورده:tek:

انا بكلية العلوم الاجتماعيه ليلحين قاعد يشتغلون دكاترتنا حق الاعتماد الاكاديمي للكليه .. لان مومعترف فيها برا .. والدكاتره دايما يقولون لنا هالحجي .. وحتى قالوا الاسباب .. من ضمنها انا ماندرس كتب ندرس مذكرات خخخخ وبعد قالوا ان المواد والامتحانات دون مستوى طلبة جامعه ..

وشكثر كليات مومعترف فيها .. اتوقع الحقوق بعد ليلحين قاعد يشتغلون بالاعتماد الاكاديمي ..

واذا في جم تخصص حصل على الاعتماد الاكاديمي واعترف فيه .. هذا مايعني ان كل الكليه او الجامعه معترف فيها..


وهذا موكلامي هذا كلام دكاااتره ..


اما الماستر .. قالوا لمدير الجامعه .. نزل الماسر بالانجليزي راح يعترف فيه .. اما بالعربي مستحيل يعترف فيه .. لكن الفهيد مصر ينزلهم بالعربي .. فولا برنامج ماستر نازل بالعربي معترف فيه ..

وهذا بعد موكلامي .. هذا كلام دكاترتنا ..

لان قاعد يفكرون بنزلون ماستر بكليتنا .. فالدكاتره مختلفين نصهم يبونه بالعربي ونصهم بالانجليزي .. ويجون يتشكون عندنا ..

والله ولي التوفيق ..

 

[ع ـبدليه]

موفقه ياقلبي

 

[حجيه هيونه]

صدقيني مومعترف فيها ... واذا اثبتي العكس لج هالورده:tek:

انا بكلية العلوم الاجتماعيه ليلحين قاعد يشتغلون دكاترتنا حق الاعتماد الاكاديمي للكليه .. لان مومعترف فيها برا .. والدكاتره دايما يقولون لنا هالحجي .. وحتى قالوا الاسباب .. من ضمنها انا ماندرس كتب ندرس مذكرات خخخخ وبعد قالوا ان المواد والامتحانات دون مستوى طلبة جامعه ..

وشكثر كليات مومعترف فيها .. اتوقع الحقوق بعد ليلحين قاعد يشتغلون بالاعتماد الاكاديمي ..

واذا في جم تخصص حصل على الاعتماد الاكاديمي واعترف فيه .. هذا مايعني ان كل الكليه او الجامعه معترف فيها..


وهذا موكلامي هذا كلام دكاااتره ..


اما الماستر .. قالوا لمدير الجامعه .. نزل الماسر بالانجليزي راح يعترف فيه .. اما بالعربي مستحيل يعترف فيه .. لكن الفهيد مصر ينزلهم بالعربي .. فولا برنامج ماستر نازل بالعربي معترف فيه ..

وهذا بعد موكلامي .. هذا كلام دكاترتنا ..

لان قاعد يفكرون بنزلون ماستر بكليتنا .. فالدكاتره مختلفين نصهم يبونه بالعربي ونصهم بالانجليزي .. ويجون يتشكون عندنا ..

والله ولي التوفيق ..

كلام سليم 100%

جامعة الكويت مو معترف فيها

وللعلم بعض الجامعات الخاصه الى هني الي جامعة الكويت ما تعترف بشاهدتهم

بره معترف فيهم اكثر من جامعة الكويت