شنو رد فعلج لو ...

[pink suger]

لو كنتي تكلمين ريلج بالتلفون وتناجرتوا وقالج يلا باي وصكيتيه انتي بدون ما تقولين باي
رد دق عليج وقالج اقولج باي وتصكينه بويهي .. والله ان سويتيها مره ثانيه لالعن خير ام يابتج
" مع انه ياما وياما صك اهو بويهج حتى بدون باي "
المهم شنو رد فعلج حزتها ؟
وهل هالكلام عادي ينقال العن خير ام يابتج ؟ زين امي شدخلها بالموضوع ؟ وشرايكم بريال من هالنوع ؟

 

[حلوه ولمآحه]

حبيبتي مهما كآآن اهو زوجهآ يمكن اهما يغلطون مرات ويسكرونه بالويه بس مايكون وقت نجره ،،
وقت النجره لاتسوين اي شي يقلل من مكانته واحترامه لانه يمسكونه ويعلجوون فيه ،،

 

[ابدا يالغالي مانساك]

زوجج كاااان معصب والمعصب مثل المجنوووووون
ومايدري شيقوووووول
لاكن حركتج انتي صج مالها داعي
وخاصة لاسكررررت
التلفوون في وجه
اكيد ريال ومااااايحب زوجته تسوي له هالحركه بيحس نفس صغير
مشي الامورررررر
ونسي السالفه
ولاتكرريرها مرة ثانيه

 

[كويتيه شماليه]

خليه يقول اللي يقوله امي الله رافعها بدون قوله طنشي ومرده يعتذر ويتحسف عادي مشي المركب لايوقف ترى الدنيا ماتسوى

 

[ام العسكري]

الله لايجيب ذاك الوقت اللي يسوي فيه جذي الله يتمم علينا ((امين))
ويلا جدامي صلاه اذن الفجر الله يتقبل من ومنكم صالح الاعمال والدعوات الصالحه لكل المؤمنين والمؤمنات

 

[نور الدنيا 88]

عادي انا مرة عصبت و سكرته بعد ماعدتها
قمت اقول باي بصوت خفيف و اسكره
تلاقينا اهو يدق يطخخ الوضع و يساحل
صدقيني العناد ما ينفع

 

[classicyah]

اتقوله بـ هدوءْ . .

أُوكي آسفـه ، فيـه شي ثآني ؟ لأن مآ أعرف أكلمك و انته معصبْ . .

و بس

يفضل وقت الـ عصبيـه محد يرآدد الثآني و يزيد الطين بله ،

في هالموآقف ، الصمت و الهدوء هم الحلْ ،

 

[jooosy]

لا لا اوكي خل يزف بس لا يغلط ويسب
انا ما احب جذي
اوكي نتهاوش بس في شي اسمه احترام
وانا اول كنت مثلج لما يقولي باي اسكره ابسرعه
بس شفت لا والله قعد اتدخلني بعد ابهوشه ثانيه
فحترمت نفسي واذا قالي باي اقوله باي بس عاد وانا امعصبه

 

[حرم راشد الماجد]

اذا قالها بقول له الله يسامحك بحزتها وعقب اخليه يعتذر عن هالكلام

 

[momoqatar]

عزيزتي
طبعا أنا ما ألومج
الوقت اللي الواحد يكون فيه معصب يتصرف عادة بأسلوب متسرع بدون أن يحسب حساب النتائج
وغالبا الزوج يتصرف بشكل يمكن ما تتوقعه الزوجة في وقت العصبية
عموما
أنا أشوف أن مسألة التعدى بالكلام الغير لائق على الأم أو الأب هذا خطأ كبير
لازم يعتذر وبشكل فوري
أنتى عزيزتي لازم تنبهينه بأسلوب راقي أنه غلط ولازم يعتذر عن تصرفة هذا
لازم ماتسكتين عن الموضوع أو تتقاضين عنه لأنج لو تقاضيتي مره راح يكرر الغلط ألف مره
الله يهديه أنشاءالله

 

[• JoJo •]

وقت النجره انسي النقاش وقفلي الموضوع على طوووووول


بس يروق افتحي الموضوع بكل ادب واحترام ورقة وانوثه وكل ابووو شي زين صدقييني بيطخ ويرضى ويعتذر

 

[ام ميميتو]

كل وحده حسب طبعها انا و زوجي اذا صار خلاف او مشكله سوا كبيره و لا تافها نتكلم فيها بينفس و الوقت و بعدها بدقيقه خلاص ما نرجع نفتح الموضوع حتى لو تهاوشنا بتليفون بعدها هو يدزلي مسج يتأسف اذا كان غلطان واذا انا كنت غلطانه ادزله احبك و بس ينتهي الموضوع بس مستحيل مستحيل نفتح مشكله صارت قبل يوم او يومين او حتى قبل ساعتين الواحد بعيش العمر مره وحده ليش اعيش بنكد و مشاكل

 

[هذا مزاجي]

آآآآآآآآب

 

[ماني من الناس]

اهو الغلطان


شدخل الامهات بينكم

 

[nora al]

ماادري مفرووض اهيه ماتسكره !!

بس هم اهوو غلط يعني الاثنين غلطانين اهيه يوم سكرته واهوو يوم سب امها !!

 

[pink suger]

تسلمون على ردودكم كلامكم في منه الكثير من الصواب
بس انا اقول الام مالها دخل بهالموضوع واشوف ان كلمته غلط
مع العلم انها متوفيه ومع العلم انه لا اعتذر ولاشي

 

[pink suger]

اهو غلطان او مو غلطان مايعتذر لو شنو

 

[دمعه الشوق]

لا حبيبتى اشلون هو ماحترم امج وهى ميته الله يرحمها انشالله بس يمكن مو من قلبه لانه كان معصب والريال ايذا عصب جنه بيبى يقول خرابيط والشى الثانى انه ماعتذر انا اعتقد انه عنده تكبر لانه غلط ومايبى يعتذرلج بس حبيبتى خلاص طوفى وكلى كل شى لربج سبحانه​

 

[BiiShOoO]

اقول قلت بهدوووء و اسكت

 

[حايـره في دنيتي]

لما سكرتيه بدون لا تقولين باي غلط ولما قال عن امج هم بعد غلط