شنو رده فعلج ؟ دخلو تكفون :(

[أم فتوته]

سلام عليكم

شنو رده فعلج لو خالتج امج ريلج

تقولج حجي ماتقولينه وجدامج بس عشانج طيبه وبنت اصول واهلج مربينج على الاحترام ماتردين عليها

شنو رده فعلج لو خالتج امج ريلج

تقولج سكتي لا اكسر القلاص على راسج عشان قلتيلها لا لاتعطين الياهل حلاو موزين

شنو رده فعلج لو خالتج امج ريلج

لو تقولج بغيت احذفج من الدريشه عشان نسيت ايبلها شغله

للاسف انا صار فيني وحزتها لساني ينربط اقول عشان ريلي وعشان اهي حسبت امي ماراح اتكلم وانا من داخلي اغلي ابجي ولين كلمت ريلي صرخ بويهي انتي تحبين المشاكل وانتي ماتعرفين امي وامي هذي طريقتها انزين مدام هذي طريقتها ليش ماتقولها بغشمره ليش بجد وعافسه الويه ليش
امي الي اهي امي الله يطول بعمرها عمرها ماقالتلي هل كلام تييه خالتي ام ريلي تقولي هل حجي والله عيب ناس ماتعرف تتكلم ولا فيها ذرابه
والله اقعد بليل بروحي اموت بجي ومااقدر اقول حق احد لانه ادري لو امي ولا ابوي درو ماراح يسكتون مستحيل كلش ولا عيالهم احد يجرحهم فديتكم ياامي وابوي صج ماكو احد مثلكم بهل دنيا الوسخه

الله يعين ادعولي بنات وبسمع رايكم

 

[ام احلى خلودى]

االله يهديها بس اذا اسلوبها جذى معاج خلج رسميه ولاتحتكين معاها وااايد عشان لاتغثج بالحجى الماصخ والله يكون بعونج حبيبتى

 

[فلنتينو]

شتسوووين سمعي مني وطلعي من الاذن الثانيه
هذي امه يعني لاتحطين راسج براسها ماراح يرضي عليها

 

[nadoooy]

الله يصبرج حبوبة بس ما يصير تسكتين بس مو معناته تردين بهواش ردي عليها بكل احترام وطول منتي قاعدة تكلمي عن اهلج اشلون يتكلمون معاكم بادب واحترام او اقولي لها بدون هواش خالتي لو سمحتي ماتعودت احد يكلمي بهالطريقة هم مايصير تاكلين بعمرج لين يصير فيج شي اللي تسكت عن حقها خلاص بيتعودون على هالاسلوب وياج وعمرهم ماراح يحترمونج اللي اقصده ردي لا تسكتين بس بطريقة ذربة

 

[منار البربرية]

مع احترامي لج هذي دفشه و ... و استغفرالله ياربي صج لسانك حصانك ؟؟

شنو الناس ما تحصن ألسنتها بذكر الله .. قطي نغزات جنج ما تدرين ولا اذا كنتوا موجودين بقعدة وجدامج تلفزيون ولقيتي برنامج عن سليطات الللسان ههه
ولا مواعظ دينية حطيه لها

ولا خلي اختج تقول لج جدامها نفس جملتها وزفيها قوليها عيب ترى كلنا نقدر نتكلم بهالاسلوب بس حلو الانسان يحترم نفسه ولا تشوفيني ساكته عبالج قاعده اطوف لج ترى محترمه نفسي حق اختج وانتي قاصدتها وهي راح تفهمها لووول

والله اني داهية هههه الله ودي اطيح بوحده جذي متى اتزوج ويصير عندي ام زوج جذي اوريها نجوم الظهر

اخليها خليفة مسلسل غربة مشاعرههههههههههههه

اتغشمر معاج طولي بالج وهونيها وتهون ادري الاسلوب الوقح شكثر يزعج بس اعتبريها مره كبيره وخلج من كاظمين الغيط

 

[الينبوعة]

والله يختي ما اعرف بس انا ما ارضى اح يتكلم معاي بهيجي طريقة حتى لو امي ما اعرف هاي وجهة نظري الاحترام واجب​

 

[شذونه]

شنو هلخاله المريضه الضاهر متحترم احد لاحبيبتي لاتسكتين عن حقج ردي عليهاا برد يبرد القلب ويكون نغزه لها ودقه فيها بس يكون زوجج مو فيه وحتا لوفيه ع لاقل قولي ياخاله شنو انا قايله لايكون كفرت شنو اكسرالكاس على راسج انا قلت لاتعطينه مو زين مقلت بشربه قاز استغفرالله العضيم والله الصراحه لوحده ماتسكت عن حقهاا بس معليج تحملي واذا تطلعين بيت لج افضل وخليها تعرف حدها زين واهم شي زوجج حاولي تكسبينه وقولي امك تهيني ماتسمع ع لاقل كلمهاا تحترمج شوي ترا انتي بنت ناس مو خدامه عندهااا ياربي انقهرررت

 

[ساهره الليل]

الله يكون بعون حبيبتى هذى من بدايته حتى لوكان هذا اسلوبهاالمفروض يكون فيه احترام وحب اتجاه زوجه الولد

 

[ام شووووق]

ماعليه تحمليها مرة عوده ولج الاجر

 

[Tulips]

الله يعينج على هالخاله

 

[Čut!e Quèéи]

مو عشان خالتج عشانها مره كبيره كبر امج
عيب تردين عليها او تلاسنينها
من رايي تحاشيها ولا تقعدين معاها وايد
لا تعودينها انج كله قاعده وياها وتخدمينها
خلج رسميه اشوي وقعدي معاها بس وقت العصر ساعه وعقبها تحججي وقومي
هذي للاسف مو كفو تقعدين معاها لانها ما تحترم الناس
بس فرضي احترامج وتربيتج عليهم ولا تردين ومن رايي تسألين زوجج
قولي له امك ليش تقولي جذي ؟؟!! اهيا متعوده ع هالاسلوب ولا شنو ؟؟؟؟
احرجيه عشان اي سالفه تصير يكون على علم ان امه اسلوبها بايخ معاج
والله يعينج علييييييها

 

[nadoooy]

مع احترامي لج هذي دفشه و ... و استغفرالله ياربي صج لسانك حصانك ؟؟

شنو الناس ما تحصن ألسنتها بذكر الله .. قطي نغزات جنج ما تدرين ولا اذا كنتوا موجودين بقعدة وجدامج تلفزيون ولقيتي برنامج عن سليطات الللسان ههه
ولا مواعظ دينية حطيه لها

ولا خلي اختج تقول لج جدامها نفس جملتها وزفيها قوليها عيب ترى كلنا نقدر نتكلم بهالاسلوب بس حلو الانسان يحترم نفسه ولا تشوفيني ساكته عبالج قاعده اطوف لج ترى محترمه نفسي حق اختج وانتي قاصدتها وهي راح تفهمها لووول

والله اني داهية هههه الله ودي اطيح بوحده جذي متى اتزوج ويصير عندي ام زوج جذي اوريها نجوم الظهر

اخليها خليفة مسلسل غربة مشاعرههههههههههههه

اتغشمر معاج طولي بالج وهونيها وتهون ادري الاسلوب الوقح شكثر يزعج بس اعتبريها مره كبيره وخلج من كاظمين الغيط

هههههههههههههههههههههههههههههههاااااااااااااااااااااااااي
انشالله تتزوجين باسرع وقت

 

[أم فتوته]

والله لوتشوفون اهلي شلون يعاملون ريلي والله تنقهرون انا اموت قهر اموووووووووووت قهر فوق هذا ريلي مو عاجبينه اهلي ليش عشانهم مدلعينا ومايقصرون علينا بشي العرس على ابوي الولاده وتجهيزها على ابوي بعد شتبي قول شتبي كل هذا عشان نرضيك واهله ولا دينار قطو ليش جذي ليش الناس الطيبه محد يحترمها ليش تعبت والله تعبت والله لو ابوي يدري بحالتي والله يقلب الدنيا فوق تحت انا مر نزلت مني دمعه شصار فيه بعد لو يدري ابجي كل ليله اااه يايبه لوتدري شفيني من هم ادعول بنات الله يفرجها

 

[ام خدود ورديه]

نعم نعم شنو ماكو كرامه مافي شي اسمه نفس امي
والله اقول حق ابوي يوقف ريلي عند حده لانه راضي انه كرامتي تنداس
صج قليلة ادب اللله يعينج عليها لو انا منج اقول حق ابوي يكلم ريلي شنو وين قاعدين

 

[غلاي 89]

وووه وووه الله يهداها

خلج معاها رسمية وبس

 

[شاربة بيبسي ومدلعة نفسي]

الله يعينج
الصراحه موكل وحده تتحمل هالحجي لو وحده ثانيه جان رفعت صوتها خلي ريلج يحمد ربه انا خذاج وخل تحمد ربه خالتج انج جنتها والله في ناس ماتسكت الله يعينج وانتي اخذي الأجر جنج مو قاعده تسمعينها بالعربي طوفي

 

[nadoy]

تصبري حبيبتي

نصيحه مني ..

انا قبل مأذيه زوجي امك واخوك واختك ابوك قال امك قالت

كاان يتملل يزهق يقعد معاي بسبت انه من يقعد اقوله خالتي قالتلي جذي اخوك سوالي جذي

صرت ما اييب طاري اهله لانه محد يرضى على اهله وانتي تدرين هذي امه اكيد مارااح يرضى

بعدي عن هالخاله وسكتي عنها واخذي كل شي بضحك

انا مارتحت الا لمه سويت جذي

والله يعينج

 

[منار البربرية]

والله لوتشوفون اهلي شلون يعاملون ريلي والله تنقهرون انا اموت قهر اموووووووووووت قهر فوق هذا ريلي مو عاجبينه اهلي ليش عشانهم مدلعينا ومايقصرون علينا بشي العرس على ابوي الولاده وتجهيزها على ابوي بعد شتبي قول شتبي كل هذا عشان نرضيك واهله ولا دينار قطو ليش جذي ليش الناس الطيبه محد يحترمها ليش تعبت والله تعبت والله لو ابوي يدري بحالتي والله يقلب الدنيا فوق تحت انا مر نزلت مني دمعه شصار فيه بعد لو يدري ابجي كل ليله اااه يايبه لوتدري شفيني من هم ادعول بنات الله يفرجها

عسى الله يسخرها لج يارب بهالمطر ادعيلج الناس جاحده شتسوين لها في ناس الجحود بدمهم صفة بأخلاق الشخص
عادي .. خلج انتي الزينه المهم ...
ربيت ولغيري صفيت ... :rgewrg:

 

[أم فتوته]

اي والله بس شسوي مااقدر تعبت ودي ارتاح صرت اكره القعد معاهم ترى فوق هذا انا مو عاجبتهم ومايحبون اهلي ليش مادري وحريم حمويني كلش مايسكتون كل وحده ترد عليها بعشر شوفي الاحترام والنفاق من خالتي جدامها توصلها السما خل تقوم تحش فيها لين تاخذ كل ذنوبها

انا للاسف طيبه من جدامي من وراي يحشون فيني يعيبون على عيوني جدامي اضحك بس مره على غشمره عيبت على عيون حماتي قامت عطتني ذيج الخزه وقامت غرفتها بطقاق ماهمتني بس شوفو يرضونها على الناس ومايرضونهم على نفسهم متحسفه حدي ليش تزوجت من هل عايله معني احب ريلي ومومقصر معاي وريلي اسلوبه كلش موجذي بس امه اهي واهللها لوتشوفون كلهم مطلقات ونفاق وجذابات والسبه اسلوبهم يوم دشيت عندهم حسيت قاعده بين ناس جهله مو ناس واعيه وذربه

 

[ليموني]

لاتقعدين عندها تحججي بدوامج او دراستج

واذا سمعتي الكلام خليه يتعداج

لاتهدمين بيتج ولاتقهرين عمرج ولاتبجين

خل امه تقول اللي تقول

باجر بيطلعلج بيت وبترتاحين

عيشي يومج وانسي الامس ولاتفكرين بالمستقبل

الحزن ماينفعج

الكل مستانس وناسينج وانتي شاغله عمرج فيهم

بعد شنو تسوين لاتصدمين عمرج اكثر من جذي

طلعي استانسي وعندج المنتدى وسعي صدرج فيه

والله يوفقج ويشرح صدرج ويبعد الحزن والضيق عنج