شنو ردت فعلكم اذا قالج ريلج...

[mayesalreem]

هاااااااي يالمتزوجات
حبيت اخذ رايكم بموضوع الا وهو..

وقت الخطبة قبل العرس لمن رياييلكم يقولون كلام حلو
شنو تردون؟؟؟
انا حدي حياويه ما ارد جنه يكلم الطوفه
لمن حسيته تغير معااااي صار ما يوطوط بيتنا و لا يدق
مثل قبل ... انا اللي ادق اسال عنه

بنات فهموني وين الغلط اللي سويته

 

[اشتياق]

شدعوه عاد المفروض يراعي انج تستحين
وبعدين معروفه لاتدقين يدق
تدقين ينفش ريشه..!

 

[سنفوره8]

up up

حبووبه الرياال يحب الي تتجاوب معااه بس بحدوود

 

[هوازن العتيبي]

رد : شنو ردت فعلكم اذا قالج ريلج...

شاركيه بس بحدود بعد اهو لازم يعرف انج مستحيه وان الشي هذا جديد عليج
والمفروض اهو اللي يبادر بالدلع لين تتعودين
ولا يفكر بالزعل ,,,,,,,,, بس شنو قول ع الرياجيل في الزمن هذا مثل الاطفال بسرعه يزعلون

 

[mayesalreem]

اشتياق صرت انا اللي ادز مسجات و اسأل عنه
شسوي فيه احسه مو حاسس فيني.. مرات ودي يدق يسولف و يتكلم عن نفسه

 

[DooLy88]

يعني اوكي استحي شوي
وخلج بحدود

بس لاتمصخينها بالحيا جذي الواحد يتضايق مو تمصخينها
لووول


اممم اهو بعد خل يعذرج شوي - بس لو كنتي انتي مزيدتها الصراحة الحق معاه

 

[mayesalreem]

اشتياق صرت انا اللي ادز مسجات و اسأل عنه
شسوي فيه احسه مو حاسس فيني.. مرات ودي يدق يسولف و يتكلم عن نفسه

 

[mayesalreem]

يعني بصراحه اذا قال مشتاقين اسكت ما ارد و لا موه سمع مني كلمه حلوه ، بس اكتبله بالمسجات جم كلمه حلوه
مع العلم صارلنا من ملجنا تقريبا ٦ شهور بس والله ليلحين ما اقدر ارد عليه و اجاريه لين حسيته مل

شرقع بنفسي الحين

 

[حلوه & دلوعه]

تجاوبي معاه بس بحدود

لان اذا على قولتج يكلم طوفه بيحس نفسه شخص ثقيل وشي طبيعي ماراح يجي او يدق

والله يوفقكم مع بعض

 

[mayesalreem]

يعني بصراحه اذا قال مشتاقين اسكت ما ارد و لا موه سمع مني كلمه حلوه ، بس اكتبله بالمسجات جم كلمه حلوه
مع العلم صارلنا من ملجنا تقريبا 6 شهور بس والله ليلحين ما اقدر ارد عليه و اجاريه لين حسيته مل

شرقع بنفسي الحين. ... خلاص اطنشه اشوي

 

[mayesalreem]

اشلون بحدود ؟؟ بليز فهموني

 

[بنتq8]

شدعوه عاد المفروض يراعي انج تستحين
وبعدين معروفه لاتدقين يدق
تدقين ينفش ريشه..!

صاجة وياصاجة ماجذبتى:denya:

 

[ftana]

رد : شنو ردت فعلكم اذا قالج ريلج...

نصييييييييييييييييحه



لحد يقولج استحي حيل معاه وخلي الحجي حق عقب العرس ترى الريال مايحب الجمود

نصييييييييحه

بقولج شي وانتي قلبيه بمخج وفكري فيه واذا تبين طبقيه

لي كلمج كلام حلوو ... بادليه المشاعر .. بس مو بصراحه او بمعنى اصح وقاحه

لا .. قوليله اقولك شي بيني وبينتدري لمن اسمع صوتك والله احس بفرحه مو طبيعيه عمري ما حسيتها بحياتي .. :$
بعدين قو بوقت ثاني ان والله انا وايد احب اكلمك واحسك قريب مني .. عسى الله يتمم علينا يارب
وبجذي بينتي انج تبادلينه مشاعر بس بنفس الوقت بخجل حلوو ...

 

[الأميرة جوري]

رد : شنو ردت فعلكم اذا قالج ريلج...

لادقين عليه علشان مايشوف نفسه عليج ...وعذرج معاج ماقصرتي دقين ومسجات

 

[اخصائيه نفسيه 2]

رد : شنو ردت فعلكم اذا قالج ريلج...

اي لازم تكونين حياويه

 

[جيرمني كيك]

رد : شنو ردت فعلكم اذا قالج ريلج...

نصيحه انا واااااايد اسمع ان الريال اذا شافج انتي سئلتي عنه بيشوف نفسه عليج خليه جم يوم لا تسئلين ولا ادقين اكيد بيفقدج وبيدق ويسأل عنج ويمكن يرجع نفس قبل ايقولج كلام حلو بس انتي يعني مو تمصخينها بالمستحا
استحي بس اذا قالج مشتاقلج مو تسكتين ردي عليه

 

[كيـف أسيـبكـ]

رد : شنو ردت فعلكم اذا قالج ريلج...

نفس حالتي








كنت مثلج بالضبط >>> الحين تتهاوش عالكلاام الحلو هههههههههههههههههههههههههههه



شوفي قلبوو
بالاول كنت ماارد عليه ولاحظت انه بدى يقل اهتمامه


عاادي عطيته سكب

بعد فتره طرى فبالي ودزيتله مسج


على طوول دق

وبديت شوي شوي
تسلم حيااتي
قلبي



بعدهاا حدث ولا حرج
بس تتفدى
تعودت عليه وتعود علي





>>>> انتي احسن مني
انا من قرب العرس وانا كارهتخ ومراات ماارد عليه لو دق واتحجج بالتجهيز


عاادي الامر طبيعي يالغلاااا

 

[H.A.K.W]

حبيبتي حاولي تتفاعلين معاه شوي
يعني مو ضروري انج انتي اتبادرين بالحجي بس مثل ما قتلج تفاعلي يعني اذا قالج "أحبج" قولي وانا بعد اكثر!!!
"مشتاقلج" صدقني مو كثري
وجذي شوي شوي لما تقدرين اتردين عليه بنفس كلامه شي طبيعي البنت تستحي ومالج الا هالطريقه ليما تاخذين عليه وتتعودين مع الوقت

 

[om al ghaleen]

شي طبيعي انج تستحين والمفروٌض مايزعل
خليج على طبيعتج ومع الايام راح يفهم طبعج

\\

 

[غدووور الكويت]

رد : شنو ردت فعلكم اذا قالج ريلج...

حبوبه لازم اتحسسينه بحبج واهتمامج