شنو راح يكون موقفج حزّتها !!!

[annosa]

السلام عليكم
قوة بنات


هذا أول موضوع أكتبه في المنتدى أو بالأحرى أهو تساؤل طرى على بالي أمس



تخيّلوا معاي هذا السيناريو :
تخرّجتي من الثنوي, طلع قبولج في كلّية من الكليات, درستي في هالكليه 4-5 سنين .. خلال هالفتره طاحت عينج على زميل من الزملاء و إنعجبتي فيه:eh_s(22):, بعد مدّه صرتي تفكرين فيه 24 ساعه و طبعاً هذا كلّه من طرف واحد و أهو ما يدري عن هوى دارج ..


بعدها تقدّم لج خوش ريال و وافقتي عليه و تزوجتوا و صار حبيبج .. و قدّمتي بعدها عالديوان و طلع قبولج في وزارة من الوزارات و بعد جم يوم من الدوام وإلاّ تشوفين إلزميل إللي كنتي مُعجبه فيه معاج بالكليه .. شنو راح تكون ردّة فعلج !؟

هل راح يفز قلبج و يقعد يرقع كل ما شفتيه !؟
هل راح تحاولين تتحاشينه وإلاّ تتعاملين معاه بوضع طبيعي !؟
وإلاّ راح تحقدين عليه ليش ما إنتبه لج :eh_s(14):

وحتى لو ما كان معاج بالدوام .. مثلاً صادفتيه بـ مطعم أو مجمّع .. شنو راح تكون ردّة فعلج !!



أترك لكم المايك ​

 

[درة أهل الطولات]

اكيد راح احاول اتحاشاااااااااه احنا بنات ومشاعرنا مياله

ما ارضى اخون زوجي حتى لو بنظرة

 

[ام شووووق]

رد : شنو راح يكون موقفج حزّتها !!!

اذا كنت صج حابه ريلي مايهمني الثاني ولا بفز له قلبي ولا شي

 

[opera]

رد : شنو راح يكون موقفج حزّتها !!!

عادي راح اضحك على نفسي و اقووول كانت اياااام


كنت مراهقه لووووووول


الحين كبرت وعقلت وماكو حبيب الا ريلي

 

[@ام ضاري@]

دام حبيت زوجي مستحيل يفز قلبي له اتذكره بالخير اى نعم
غيره لا

 

[][°•سـζـآيب•°][]

رد : شنو راح يكون موقفج حزّتها !!!

خلاص انا متزوجه ..~

اتوقع قلبــي مايفز لأحد ^_^

 

[المرتاحة]

اقول بقلبي ريلي يسواك عرف قدري و خذاني مو انت حتى ما انتبهت لي

 

[..MaYaR]

طآآآآآآآآآآآآف . . ايام حلوه كانت ايام حبببببك

 

[BiiShOoO]

اتذكر ايام قبل و اضحك

 

[دمرت كياني]

طموووشه


عندي مجال ههههههه حق إعجاب
عاد نوعي أستحي


أما أذا متزوجه لا ألف لا كفاي يكون لي

 

[* بنت المطر *]

راح تختلف نظرتي حقه وبيصير عادي عندي لان الحين عندي زوجي وحبيبي محتيني واهوا كان مجرد اعجاب لااكثر ولااقل وراح

ويسلمووووووووووووووو

 

[ام الوردة]

مااااايصير شي ..

اولا حبيتي وااااااااااحد من طرف واااااحد يعني مااتدرين زين شين متزوج مو متزوج ....!!!

واااااااادمج تزوجتي شعليييييييج فيه بالطقاق يطقه داااام عندج رجال شتبين بالثاااااني

 

[annosa]

مشكورين على التفاعل مع أوّل مواضيعي

بس علشان لا تفهموني غلط .. هالشي مو صاير لي بس أهو مجرّد تساؤل خطر بـ بالي لأن إحاسيسنا ما نقدر نتحكّم فيها ومن هيك فكّرت بـ هالتساؤل

في إنتظار الزيد من الآراء

​

 

[حور البحور]

رد : شنو راح يكون موقفج حزّتها !!!

بضحك بقول صج هبله هههههههه

بقول كان حب من طرف واحد والحين عندي حب من طرفين انا وريلي نمووت في بعض

واكيد طاااف ولا جني اجوفه حاله حال الهوى هع

 

[G!RLooNa]

لا طبعا اذا تزوجت بعد شكو يفز له قلبي

 

[راقية بذوقها]

رد : شنو راح يكون موقفج حزّتها !!!

بقووول فديت زوجي اللي اختراني من بد البنات مو هذا اللي ماطل بوجهي حتى وبكون معاه عادي مجرد زمييل

 

[موني^حبيبي]

رد : شنو راح يكون موقفج حزّتها !!!

لو يمر على هالموقف

ماراح انتبه له ولا راح اتاثر لان حبيبي واللي حبيته وفز له قلبي اسمي مرتبط باسمه

 

[ام^تبوله]

بيكون عادي عندي ويمكن اضحك علي نفسي وأقول صج أمي كنت هلله
وما اعتقد ان بيفز قلبي دام ان ويلي يحبني وأحبه بالعكس ابينله أني سعيده ومتهنيه

 

[ام^تبوله]

بيكون عادي عندي ويمكن اضحك علي نفسي وأقول صج أني كنت هبله
وما اعتقد ان بيفز قلبي دام ان ريلي يحبني وانااحبه بالعكس ابينله أني سعيده ومتهنيه

 

[bal8es]

بقعد اضحك على ايام العبط انا اسميها حب من طرف واحد او اعجاب يعني ماله وجود واغلب البنات تلاقينها كل كورس تشوف واحد وتقول الله حلو هذا حبيبي خلاص والسالفه بس اعجاب ماكو مبادره من احد والريال اصلا مو منتبه حق هالشي
الموضوع بيكون عاادي