شنو ذنبي ؟؟

[F6oom.f]

السلام وعليكم

بنات انا حبيت اقولكم سالفتي بس مترددة شوي
اخاف تفهموني غلط بس انشاءالله لا

بنات انا بعد شهر راح يصير عمري 18 و من انا عمري 15 فيني فشل كلوي
بس الحمدالله الحين انا زارعة كلى ماصار لي سنة بس صحتي الحمدالله
زينة .
بنات انا احب ولد عمي من سنة بس مادري ليش مع ان كلا مع بعض بس ما
حبيته الا احين طبعا اهوا ما يحبني:eh_s(11): بس يدري اني احبه و
العلاقة بينه نفس قبل ما تغير شي عادي مو هذا السالفة السالفة ان
خواتي و امي يدرون و عادي بس شنو كلا يعايروني يقولون شنو
يبي فييج ليش يتزوج منج و يجرحون مشاعري و انا ما اتكلم
واليوم انا قاعدة مع امي قلت لها يماا دععوة الام مستجابة ادعلي
ان اتزوج ولد عمي جان زينقالتاستحي على ويهج اهون من الي قالته
قالت شنو يبي فييج موصاحية و زارعة كلى شيبي فييج :eh_s(16):
في ام تقول حق بنتها جذي انا قمت ابجي شلون تقولي جذي.

بنات انا شنو ذنبي اني كان فيني فشل ؟​

 

[ŦSЩД3УФИУ]

،,



امممم ،, شووفـي هـي أتووقــعع مـوو قصدهـآإ تععآإيـرج بـسس
تبييـج تسستحييـن يععنـي مـن الكلمـةة اللـي قلتيههآإ و للأسسـف
هـي طرييقتههـآإ غلـط ،, و انتـي الكـلآآم اللـي قلتييهه غلـط أكبر بععـد
و وووبـسس بالنههآإيـةة هـذي امـج أكييـد تبيلـج الخييـر
مـووفققـــــةة ،.


،,


​

 

[غـرامـي أنـت]

حبيبتي هي اكيد موو قصدها ،، وانتي قلتي ان هو مايحبج يمكن عشان كذا امج ماتبيج تتعلقين فيه

 

[ايه احبك !]

الله يوفقج ويشافيج ..

 

[αησмα]

الله يرزقج يارب

 

[Patcholli]

مع البنات يمكن اهي درت انه مايبيج او انهم راسمين على وحده وقطت عليج هالكلام من باب انج ماتتعلقين فيه

بعض الامهات طريقتهم غلط بالتعامل مع عيالهم خاصه اذا كانت مره كبيره ومن حريم قبل

ميخالف عمري لاتظايقين والحمدلله انتي الحين سويتي العمليه وامورج تمام ومظبوطه وماعليج الا العافيه ليش تحطين للكلمه اهميه طالما انج بخير وعافيه .. الله يحفظج والله يفرحج ويحققلج امنيتج عليج بالدعاء واخلاص النيه بالدعاء لرب العالمين

 

[Tom ♥ Jerry]

.


حبيبتي الله يشفيج و اذا كان نصيبج بتاخذينه
لا تعورين قلبج وايد
محد ياخذ الا نصيبه يا قلبي

 

[granted]

بتشولي صح
امج ماتبيج تتعشمين وتحطينه اببالج وعقب يكسر فيج وياخذ وحده غيرج وانتي مايحوشج الا الشقا والتعب على شنو!!
ولا مستحيل الام تعاير بنتها
نصيحه شيليه من بالج وركزي بدراستج طلعي استانسي عيشي حياتج شلج بالحب وهالسوالف

 

[عسل سل]

امج ماتبيج تستعجلين على الزواج وماتبيج تحطين واحد براسج على بو انه عيب عند الامهاات وكلمتها الي جرحتج من بااب ان كلاامج عييب معتقداات العرب شنسوي بعد

 

[قمر بيت أبوها]

أنت وش حقه تحبينه أصلآ
متبرع لك بكليته ولا ماسك معاك مواعيدك قبل مو صاحيه أنتي
والله ماتوا اللي يسون هالحركات احب ولد عمي وولدعمي لازم يتزوجني
وزين أمك ماضربتك كف أجل أدعي لي أتزوج ولد عمي
خلي تدعي لك بالتوفيق بالدنيا وبالاخره
حبيبتي الزواج أكبر من هالخرابيط والأمنيات
وانتي وضعك الصحي تمام اتركي عنك الوسوسه الزايده
وان شاء الله تتزوجين رجال أحسن من ولد عمك هذا بألف مره

 

[* Snow White *]

طريقه نصح الامهات والابوهات خاصه الكبار والقدم اللي بمجتمعنا
تكون دايماً قاسيه وتجرح، عبالهم يعني ينصحون. هاذي طبيعه قديمه معروفه. صج غلط تصرفها
بس ترا مو قصدها، مثل ماقالو البنات قالتها لج من باب انه ماتبيج تتعلقين فيه او تفكرين بهالموضوع واطلعت منها عفويه
يعني انا شوفيني والله ترا فيني مرض بالقلب وسويت عمليه والحمدلله كل شي تمام، امي وابوي كبار ومن عيال قبل
لي بغو ينصحوني يجرحوني بهالسالفه بس بعدين اكيد يحسون، يعني انا اذكر امي كانت تقولي نفسج
منو بياخذج وانتي فيج قلب وانا اضحك عادي لان ادري انها ماتقصدها طبخت امي عدل .. والحمدلله انا الحين متزوجه ^،^
والله يرزقج بنصيبج ولد الحلال اللي تحبينه ويحبج .. موفقه

 

[ام الدرر]

ياعمري 18 سنه توج صغيرة
امج ردت فعلها سريعة على كلمتج موقصدها بس
جرأتج صدمتها
اهتمي بدراستك
وصدقيني بتكبرين وبتضحكين على نفسج شلون تعلقتي في ولد عمج وهو مو صوبج
الله يتمم عليج عافيتج ويوفقج ​

 

[مس فوفا]

الله يشافيك ويحقق للك كل م تتمنيه يارب
وطبعا كل هذا قدر مكتوب م تتضايقي ولا تزعلي المكتوب راح يسير حبيتي

 

[F6oom.f]

مشكورين وايد على النصيحة ادري ان انا بعد غلطانة
بس الحمدالله على كل حال ​

 

[MiSsY HottY]

حبيبتي امج قصدها ما تبيج تقطين نفسج على أحدددددددددد عرفتي حبيبتي وانتي ما فيج شي صاحيه خلاص زرعولج كلى وحمدالله حالج من حال الناس السليمة لا توسوسين​

 

[MayOumii~]

بعد عمري انتي كبري وأنآ حآسه فيج حيل لأن تقريبا أمر بنفس حآلتج

انا فيني عيب من وانا ياهل عمري 9 سنين فيني ضعف نظر شديد وتخيلي عمري الحين 18 ونظري بهالفترة كل سنة يضعف اكثر صرت بس أشوف ألوآن بدون ملآمح تخيلي وفي ألوآن مآ شوفهآ لأن مآتكون واضحة ومثل مآ تعرفين ضعف النظر له علاج مثل ما الكلى لهآ علآج لكن ليلحين صامدة ومآسويت العملي لأنه توني صغيرة ومآ تسرعت وسويتهآ مع إن أمي وأبوي اذا عصبوا يعآيروني ويقطون علي كلآم جآرح لأني مآ شوف عدل وألبس نظآرة لكن أدري إنهم يحبوني يبون لي الخير ومو قصدهم.. لكن والله خلي نيتج إنج تتحسبين الأجر من عند الرحمن وترى الأرزاق بيد الله والله سبحآنه مآ يرفض لعبده طلب إلآ إذا كآن هالطلب يضره..يعني إذا مآ كان من نصيبج لا سمح الله ممكن الله بعده عنج لأنه يمكن تتأذين معآه

إمتي خليج وآثقة من نفسج وإذا أحد كلمج قوليله الله إلي ردلي عافيتي والله إلي رآح يرزقني وتذكري دآيمآ إنج تلجئين لله سبحآنه دون غيره حتى لو أمج لأن الله الوحيد النافع وإلي بيوقف ويآج ويحفظج..انتي دآيما ادعي ربج تاخذينه وإنه يكون من نصيبج وإذا مآ كآن من نصيبج ادعي ربج يبرد احساس الحب الي بداخلج اتجآه ولد عمج ويركز تفكيرج على طاعته والشهآدة والعمل لين اييج نصيبج الي يسعدج وتكملين معاه حياتج وانتي مرتاحة

وأي شي حبيبتي انا حآظرة وتحت أمرج تبين تفضفضين ولا تبين تتكلمين اعتبريني اختج

 

[F6oom.f]

ميومي حبيبتي والله صح كلامج و مشكروة وايد على كلامج
وانتي اختي بدون ما تقولين​