شنو دهن العود المميز حق رمضان؟

[حضن امى]

هلا فيكم اخواتى
ابى دهن عود مميز واللى الكل يسألج عنه او البخاخات اللى على بخور ودهن عود
ضرورى ابيه لرمضان وهديه لامى وخالتى
تصدقون فيه وحده بالاستقبال كان ريحتها دهن عود وعلى بخور دوخ اللى بالاستقبال والكل يبى يسألها عن دهن العود اللى حاطته
وسألتها وحده وقالت ماادرى صديقتى جابته لى هديه ماادرى من وين:eh_s(14):
طبعا انا سكت ولا كلمه
اتمنى من اخواتى الحلوت تفينى وتفيد اخواتى
وموفقين ان شاء الله

 

[ريما ام فيصل]

عطر بخااخ ريما من الماجد وبخاخ ترابي من العنفر وبخااخ فجر من محل السرتي وبخاخ صفوة من الخدلج للعطور وبخاخ صنوان من كمبودي سنتر واذا تبين دهن عود اخذي بنفسج من سيد جنيد مو البخاخ واخذي مسك العروس ومسك الختام ومسك ارزة لبنان من القرشي او دهن عود سفاري من القرشي واذا تذكرت شي ابخبرج ومشكوره خيتوووو

 

[نواعس]

دهن عود فاااااااااطمه من امل الكويت رووووووووووعه

وفي منه عطر ب 50 بس رووووعه

 

[أنفاسي دخون]

جربي بخاخ عود عتيق من القرشي رووووووووووعه

 

[غلا ستايل]

القرشي وامل الكويت عجيب اعتقد ماكو أحلى منهم

 

[غيمه ظميانه]

القرشي اخذي البخور الملكي منهم واخذي خلطه القرشي روووعه وثابتين

والعبدالمحسن بعد روعه اللي بالمباركيه اخذي منهم بخور حناان عجيب عجيب وعندهم خلطات عجيبه وغريبه وعدي وخربطي

وعندج بعد سيد جنيد

 

[شهرزاد77]

رد : شنو دهن العود المميز حق رمضان؟

حبيتى اخذى بخاخ بريحة العود اسمه صباح تلقينه عند صاحب البخور اللى بيت ديفا وعنده خلطات بريحة البخور كلها حلوه وريحتها فواحه وعندك بعد خلطة ريما والعاذريه تلقينها عند الماجد بس اظن ما عندهم فرع بالكويت وعندك عطور الجزيره حلوه حيل

 

[brettey]

رد : شنو دهن العود المميز حق رمضان؟

عند عطورات العبد المحسن واحد اسمه دسمان وواحد اسمه ذهب وواحد سعره ب38 وواحد ب40 غاليين بس ريحتهم موووووووووصج روووووووعه الصراحه وثابتين وفواحين الفريج كله يشمه لووووووووول
ومكانهم بجمعيه الخالديه وقرطبه

 

[زعفرانه]

رد : شنو دهن العود المميز حق رمضان؟

دهن عود اسمه روعه من العربيه للعود >>>>>>> فعلا رووووعه اسم على مسمى
القرشي عنده بخور معطر ملكي ب25 دينار حيل حلو ومركز
الشايع عنده مجموعه حروف ( عطر وبودر ولوشن)ومجموعه دانتيل بعد حييييييل حلوين
وكل هذا عن تجربه


اجمل بعد يمدحون مجموعه الف ليله وليله وبعد البخور من الف ليله وليله بس للامانه انا ماجربت اللي من اجمل ودي اجربهم

 

[زعفرانه]

رد : شنو دهن العود المميز حق رمضان؟

نسيت اقولج محلات بشرى بخورهم حلو والله
انا جربت بخور اسمه بشرى منهم ب 20 دينار رهيييييييييييييييب

 

[الأميرة جوري]

القرشي ....والرصاصي

 

[حضن امى]

رد : شنو دهن العود المميز حق رمضان؟

الله يخليكم لى يابنات الكويت
مشكورين وماقصرتوا كل اللى رد على
موفقين ان شاء الله