شنو دقة جهاز تحليل الحمل المنزلي

[*لذيذة حدي*]

السلام بنات

بنات انا مادري ليش شاكة اني حامل
تلوع حبدي شوي و احس بدوخه و ما اشتهي اكل

باقي على دورتي 5 او 6 ايام

سويت التيست المنزلي و طلعلي ماكو حمل

هل ممكن يخطئ التحليل هذا؟ او انا سويته مبجر؟

بليز بنات فيدوني لاني مو متوقعه الحمل بهالشهر
​

 

[كوكي العسل]

اختي طبعا مايبين الحمل الحين بالتحليل المنزلي

لازم اقل شي تتاخر الدورة عليج يومين

اذا تبين تعرفين من الحين روحي حللي تحليل دم رقمي يبين ان شاء الله

 

[sharoo_e5]

ما يبين الحمل الا بعد طواف الدورة

عكس تحليل الدم يبين عالطول

 

[فرفشه منعنشه]

انا في ولدي الاخير سويت الاختبار وكنت حامل بالايام يعني بالضبط 10 ايام وبين معاي ويصير قبل الدورة باسبوع تسوينه اذا كان نوعه اللي مكتوب عليه 99% دقته لانه يطلع اقل نسبه في الجسم من هرمون الحمل
واذا تبين الاكيد روحي سوي الهرموني يبين قبل موعد الدور باسبوع او عشره ايام

 

[pink-flower]

انا بين معاي قيل موعد الدورة باسبوع
وكان التحليل العادي اتوقع تبويضي مبجر فبين

 

[لولو.87]

لازم تعدين موعد دورتج و التحليل يقولون صحته ٩٩.٩٪

 

[لوفيه]

آنا سويته بالبيت وقبل دورتي بأسبوع بين عندي اني حامل وكان الخط خفيف

وعلى طول سويت تحليل دم وفعلا طلعت حامل ..

ربي يحقق امنيتج وتحملين

 

[*لذيذة حدي*]

مشكووورين حبيباتي على الردود
انا اللي سويته دقته 99.9 و طلع لي بالعريض خط واحد يعني مو حمل
مادري شكلي بنطر و شكله صج مو حامل بس تهيئات لوول

 

[المكسيكيه]

عمري ما جربته
على طول تحليل دم

 

[بخـــارى]

انا سويته بعد 12 يوم من عملية التلقيح الصناعي وماشاءالله بين

 

[ورده عنابيه]

اللة يكتبلنا الحمل السليم اللهم امين

 

[عبث طفله]

انا بيوم الدوره يبين معاي .. انطري وعيدي مره ثانيه

 

[*لذيذة حدي*]

ثانكيو حبيباتي ما قصرتوا .. بس ما قمت احس بلوعة و لا شي يمكن كان يتهيألي

الحمدالله على كل حال

 

[ملكه الحطب]

شنو طلع معاج ؟؟

لاني حللت اليوم بالبيت وطلع مافي شي

 

[ام كوشه منكووشه]

حبيبتي انا سويته قبل موعد الدوره باسبوع وبين معااي
وبعدها رديت جربت جهاز فحص الحمل الديجتال بالبيت وهم طلعت حامل

انتى جربيه مره ثانيه بس لازم تكونين 4 ساعات او 5 مو داخله الحمام وانتى بكرامه

وعسى الله يكتب لج الحمل ولكل وحده تتمنى ان شاءالله

 

[انجبر قلبي]

انا التحليل المنزلي بين معاي قبل الدورة ب5 ايام

اذا نسبة الهرمون عندج ضعيفه ماراح يبين الا متأخر

فاحتمال يخطيء واحتمال لا لان على حسب نسبة الهرمون عندج

 

[*لذيذة حدي*]

هلا حبوبات

لا طلع انذار خاطئ ههه

الحمدالله و اصلا انا ما كنت متهيأة نفسيا بس شكيت

و الله يكتبلي الحمل السليم بالوقت المناسب و يرزق كل محروومة

مشكورين بنات

 

[Q6RYA]

اوبيه انا مثلج حسيت ببعض الاعراض وحللت امس وكان باقي على دورتي اسبوع وطلع خط واحد بروحه وبالعريض
اففف مافيني صبر ودي اعرف مافي الا انطر الدوره واشوف شبيصير

 

[سنااااي]

مايبين انا صار معاي جذي حللت قبل الدوره ب5 ايام مابين وبعدين حللت بعد موعدها بسبوع بس احسن شي حللي على الريج يطلع على طول انا مجربه.......