قووه بنات
اول مره بكتب موضوع و بقلبي حجي وايد بقوله بس مادري شلون احس الكلام كله داش ابعض والأفكار متضاربه مادري ليش :eh_s(1):
امممم وايد انحطت مواضيع عن الخيانه خيانه المره و خيانه الريال .. بس مادري اذا اللي بقوله قالته وحده قبلي ولا لأ
صج ودي اعرف شلون تفكرون
شنو درجه الخيانه اللي تقولين عندها ستوب بس مالي قعده ويا هالريال
يعني قبل فتره بنت حطت موضوع ليش كله عندكم هدي الريال واجهيه تهاوشي وياه بحالات الخيانه بالعكس ادعيله وسوي روحج ماتدري وحتى لو طحتي على ريلج انه زاني ويا وحده سوي روحج ماتدرين وادعيله الله يهديه :eh_s(1):
المشكله ان اغلب الردود على هالموضوع صج معاج حق .. انا ويهي صار جذي
معقوله عادي عندكم تدرون ان خيانه الريال وصلت لي الزنى و تطوفونها ؟؟
مره بعد بنت حطت ان ريال متقدم حق رفيجتها والريال يقولها ما تطلعين اسرارنا كلش لو تشوفيني ويا وحده بالفراش تسكتين و تتحملين :eh_s(1):
انا بتكلم عن نفسي
معني مو متزوجه (ياربي لا تبليني بريال خاين) و يمكن رايي يختلف عقب ما اتزوج
بس
اذا الله لا يقوله بلاني بريال و هالريال خاني
ممكن اسامح على خيانه بالنت .. بالتلفون
بس مو معناته السالفه تمر مرور الكرام يخسي لازم يوقف عند حده و يعرف ان متزوج بنت ناس لو يبي يخربط جان ما اتزوج من الاساس
مادري انا مو مع اللي يقولون استهبلي وسوي روحج ما تدرين !!!
ليش استهبل ؟؟
يا بقول هذي خبله وما تدري وين الله قاطها قاعد العب من وراها واهيا نايمه بالعسل
يا بقول هذي عديمه احساس تدري اني اخونها وعادي الحياه سعيده عندها !
لكن توصل السالفه لي الزنى لا و مليون لا مالي قعده ويا ريال زاني
اول شي الزني من الكبائر عصى ربه بشي كبييير حييييييل
هاني و هان كرامتي و داس علي وجرحني
ساواني بزباله لاقطها من الشارع
غير الامراض والبلاوي اللي يمكن ينقلها لي بسبه وصاخته
شالله حادني اقعد ويا ريال زاني ؟؟؟
و لووو افكر اسامح ما اسامح الا عقب زعله جايده حييييييييل توصل لي الشهور اذا مو اكثر ينذل فيها ذللل و يتمرمر رايح راد بس عشان اوافق واردله و لو اشوف منه خيانه لو بنظره بعد مالي قعده معاه واخليه يحلل و اييب لي نتيجه التحليل انه نظيف خل يحس بالذل شوي و يعرف انه اللي سواه مو هين .. هذا اذا ما عفته وكرهته خير شر
يمكن تقولون ليش افكر جذي و تو الناس بس انا انصدمت ان وايد بنات يمشون على مبدأ طوفي وسوي روحج ما تدرين وادعيله الله يهديه حتى لو السالفه وصلت الزنى
...
المتزوجات والبنات اللي مثلي شرايكم ؟
شنو درجه الخيانه اللي تخليج تقولين بسسس لي هني و خلاص ما اسامح بعد .. ؟؟
