شنو حكم ثقب الاذن والسره؟

[الاسطورية]

السلام عليكم

شلونكم بنات

ودي اعرف شنو حكم الي تثقب اذونها اكثر من ثقب مثل الي يسوون 3

والي تثقب بطنها السره اقصد في رياييل يطلبون من حريمهم ثقب البطن لوضع الاكسووارات الخاصه بهالمكان

فودي اعرف شنو حكم هالشي لاني ما اعرف؟ وودي اعرف

ابي ادله قويه بليز

 

[الكويتـ80ـية]

السلام عليكم

غاليتي سؤالج صعب علي.. بس ما حبيت أدخل بدون رد..

يالله يا اخواتي نبي الجوااب الشافي ...

 

[Harmony]

شوفى مادرى شنو الحكم بس بغض النظر مال السر مو زين وايد مشاكلة شفت برنامج بامريكا و لاعت جبدى و عموما شكو يطلب منها تسوى هالشيء ما يدرى انه عوار و ضيم صج انانى هالريل علشان خيال و فانتيسى براسه يغربل مرته صراحه لو انا منها اقوله لسويتها انت انا اسويها

 

[supermarket]

وليش الثقب عاد الحين كلشي مغناطيس ولزق

 

[الاسطورية]

خخخخخخخخخ اي والله في طرق وايد اسهل

بس ودي اعرف بنات ناطره الي تعرف

 

[supermarket]

دقي على الفتاوي

او سوي سيرج بالحكم الشرعي بقوقل

 

[&ام عبدالله للخلطات والأعشاب&]

الاخت طماشة حاطة موقع فتاوى اسئلة و جواب ادور لج الرابط و احطة نطري

 

[&ام عبدالله للخلطات والأعشاب&]

نقلت لكم كلام الاخت طماشة و السموحة منها
هلا اختي

حبيبتي هاذا موقع الشيخ خالد بن عبدالله المصلح

دخلي وكتبيله سؤالج واهو ان شاء الله بيجاوبج الجواب الشافي

http://almosleh.com/index.shtml

 

[طماشه]

كويتيه

يزاج الله خير عاد انا داخله بحطه حق الاسطوريه بس وفرتي علي يزاج الله كل خير حبيبتي



الاسطوريه عاد اذا ردلج الجواب حطيه لنا عشان الكل يستفيد يزاج الله خير

 

[الاسطورية]

ان شاءالله مشكورين
الحين بدش اجربه

 

[الاسطورية]

بنات على وين ادش اسال؟

 

[[]نهاوند[]]

روحي قسم الفتاوي اول ما تفتحنيه تلاقين مكتوب
عزيزي الزائر لإرسال سؤالك اضغط هنا

http://www.almosleh.com/almosleh/article_13.shtml​

 

[الاسطورية]

هذا رد اد الشيوخ بس مافهمت عدل

هذا رد الشيخ حرفياً ...

يجوز اذا لم يضر ويشوه البدن

 

[مجنونة Google]

حكم ثقب الأذن على هذا الرابط :-
http://www.islamway.com/?iw_s=Fatawa&iw_a=view&fatwa_id=89


حكم ثقب السره على هذا الرابط :-
http://www.islamweb.net.qa/ver2/Fatwa/ShowFatwa.php?lang=A&Id=10042&Option=FatwaId


والله اعلــــــم​

 

[كويتية صغيرة]

اذا ممكن و مافي كلافة
تكتبين الحكم هنا او الجزء المهم عنه
لأنى مو قادرة افتح الملف الخاص بالاستماع
مع الشكر

 

[om el7elwen]

اهو مو حرام بس اذا الوحدة بطلعه حق غير زوجها اهنيه الحرام بس اضراره وايد وثقب الاذن ما في شي

 

[عجيد الريم]

السلام عليكم والرحمه ..

اختي يبتلج هالفتوى من الشيخ ابن عثيمين وان شالله تفيدج ..

بالنسبه لثقب الأذن ...

السؤال: لها سؤال آخر تقول فيه تخريق آذان البنت للتجميل أو لتعليق حلية من الذهب بها هل هذا جائز أم لا؟
الجواب

الشيخ: نعم هذا جائز ولا حرج فيه لأن المرأة محتاجة إلا أن تعلق الخلوص وشبهها وشبهها في أذنيها وهذا الطقم الذي يكون في شحمة الأذن لا يضرها بشيء.

وبحاول القالج حكم ثقب السره ان شالله

والسموحه اختي ...

 

[أوشال]

أنا من قبل سنة كنت ادور فتوى
مالقيت عن ثقب السرة بس الزبدة ان اي شي
يكون فيه تشبه باليهود يعتبرونه حرام !!
المهم دام نصبغ اشقر مو معناته نتشبه فيهم
ونلبس جينز هم مو معناته نتشبهم فيهم

المهم أنا وأختي خذنها من قاصرها ريلي يبي جذي
ثقبت سرتي بس المشكلة ان ما تحصلين الاكسوريز ملوت السرة
باي مكان وحصلتهم مره من بو 100
وطلبنا من الانترنت
جني طلعت برة الموضوع

تحياتي

 

[جوك احلى جو]

يعطيج العافيه

 

[الزيـــــن]

حكم ثقب الاذن يجوز ولكن ما حددو اكثر من ثقب

وبالنسبه لحكم ثقب السره هذي الفتوى من موقع الشبكه الاسلاميه

عنوان الفتوى : حكم وضع الحلي على البطن
تاريخ الفتوى : 10 جمادي الثانية 1422 / 30-08-2001
السؤال
1-ما حكم خرم االسرة؟

الفتوى

الحمد لله والصلاة والسلام على رسول الله وعلى آله وصحبه أما بعد: ‏

فقد رخص للمرأة أن تثقب أذنها وتضع فيها قرطاً لأنه موضع للزينة، ويزيد في جمال ‏المرأة.‏
وأما ثقب البطن ووضع حلق به، كما يفعل بالأذن فلا يجوز، لما في ذلك من الاعتداء على ‏الجسد بلا مسوغ، فالبطن مما يستر عادة ولا يكشف إلا عند الاستحمام أو الجماع.‏
والحلي يوضع -عادة- في المواضع الظاهرة كالرقبة واليدين ونحوهما، هذا بالإضافة إلى أن ‏في ذلك تشبها بالكافرات والفاجرات.‏وقد قال صلى الله عليه وسلم : " ومن تشبه بقوم فهو منهم" رواه أحمد
والله أعلم.‏