شنو جدولج اليومى للتدريس عيالج خصوصا الموظفات تكفون

[كربلائية]

:tomato2:السلالالالالالالالالالالالالالام عليكم امهات ومبروك نجاح عيالكم ابى اعرف شنو جدولج مع بداية الكورس الثانىيعنى شلون توزعون يومكم خصوصا الموظفات يعنى ترجعين تعبانة يلا نستفيد مع بعض

 

[q6aiwa]

بصراحه ماعندي جدول يومي
داشه بستفيد

 

[الدلال]

ااااااخ لا تذكريني

انا مو بس نومة الظهر الا ابي انسدح ما اقدر , ماكو وقت كلش

من يتغدا بعد عمري اجابله وافتح كتبه كتاب كتاب ويحل واجباته ومن طبعي احفظه دروسه يوم بيوم علشان ما يتكود عليه المنهج

وبعدها نحضر حق باجر يعني اعطيه فكره سريعه عن درس باجر

وطبعا الوقت يركض ومايمديج ترتاحين لان راح اتفرغ بعدها حق شغل الروضه قطططططططع لاني ابلة روضه

وشوي الا صار حزة نوم اليهال وانتي بعد مافيج حيييييييل بعدها بس تدورين الفرااش

 

[كربلائية]

يلالالالالالالالالالالالالالا بنات اشدعوه ماكواحد نبى نستفيد منكم

 

[futooosh]

نصيحتي لج لازم تنامين ساعه عشان تستردين طاقتج
وتبدين ادرسينهم

 

[طيبة الكويتية]

ما اقول غير الله يعينكم يارب

 

[كربلائية]

يلالالالالالالالالا امهات ماعندكم عيال يلا غولو برنامجكم اليومى

 

[اموله الاموره]

انا يومي ياطويلة العمر حديييييي اكسر الخاطر لان دوامي يبدأ العصر من الساعه 4 الي الساعه 8
وبعد ال8 تعالي شوفي الجهاد اللي انا فيه مع عيالي الله يخليهم يدوب نكتب الواجبات والا عندي واحد يومه بسنه الله يعين لا تذكريني وع الدراسه مع عيال مايبردون الجبد وبس

 

[طيبة الكويتية]

سلام
اعيالي ما يرجعون من المردسه الا 3 و نص لين يتغدون تصير 4 و بعدها نبلش تدريس.
ادرس الأثنين كل يوم او على الأقل اقرا وياهم بكتب القراءه و القصص اللي يعطونهم المدرسه.
اليوم مثلا بديت بالكبير ادرسه و اراجع معاه انجليزي و رياضيات و عربي. و القراءة طبعا مهمه. صج انه توه ثانيه روضه لكن ماشاءالله وايد يعطونهم بالمدرسه.
بعده ما اخلصه ابدي مع اخوه الصغير و اراجع معاه نفس الشي و القراءه.

ثاني يوم عاد ابدي بالصغير لأنه قبلها بيوم ما عطيته مثلا من قلبي و بعدها اطلع حرته بالعود و كل يوم جذي ابدي بواحد

 

[طوايف زوجها]

انا لازم انام لو ساعة بس بعد مااقعد معاهم على الغدا لان لو اخليهم بروحهم تصير عفسة على الغدا وبعد مااقعد استلم واحد واحد والفترة الى اكون نايمة فيها يرتاحون يلعبون بس

 

[برونزيه شقرا]

نفس الحاله كلنا

 

[أسيرة قلبه]

واي الله يعينا

 

[غرشة عطر]

الله يعينا يارب

انا ارجع من الدوام واغديهم واسالهم جم سؤال شنو اخذوا شنو عليكم اليوم شنو صار مواقف عالغدا :eh_s(3): واروح اخذ لي غفوه ساعه:ch12: عشان استوعب وياهم

واسم الله عليهم اصغر واحد بالمدرسه باولي ابتدائي اهو اللي اركز عليه اكثر شي وادرسه واذاكر له وايدي فيها اقلاص شاي لازم ههههههههههه اقعد راسي صعيديه واعيالي الكبار بالمتوسطه وبنتي برابع اهم يحلون بروحهم ويسطرون واهم شي عندهم الستيكرات ماعندهم غيرها يخلون الواجب ويلزقون استيكر واتشوفيني اخذهم واخشهم عشان ماتشغلهم ومع بعض المساعدات مني لان سادس صعبه

والكتب بكل مكان واوراق والاقلام اتقولين حرب مودراسه
خلصنا اعيونهم احولت يتعشون وينامون ومرات لا يكونون شبعانين ينامون شوي الظهر ماقدر امنعهم شكلهم يكسر الخاطر وبالليل يعلون قلبي عالنومه فينامون عالساعه 10 تقريبا عقب ماتطلع بلاعيمي ابي اشتغل موقادره تكون عندي طلبات زباين اجهزها بالليل احسن وقت لان اليوم كله موفاضيه
اغلب الايام ينامون الساعه 8 بعد العشا يااطلع مع ابو اعيالي وولدي الصغير موسن دراسه مافي مفر هههههه اتمشي واخذ نقاهه هههههههه واتعشي بره او اقعد اسوي شغلي واجهز طلبياتي

افتج لاب توبي اشوف مواضيعي واشوف المنتدي شنو فيه يديد وطبعا هدوووء وراااحه الا من ولدي يطقطق الاب توب ويخرب الدنيا واحاول ينام باي طريقه فينام عندي واقعد ليما الساعه وحده بالليل وانام ونقعد عالساعه 6 الصبح وتبتدي الحرب عالحمام والدفايه:j013: اهم شي ههههههههههههههههههههههههههههههه اسكتوا شي يضحك وشي يبكي الله ينجحهم ويصلحهم ويهديهم لنا يارب ولاتخيب تعبهم وتعبنا وياهم ويارب الأجر


وسلامتج وهذا يومياتنا :eh_s(22):

 

[Bnt.Azmer]

جد جد مشالله عليكم والله العظيم امهات صج سنعات انا بصراحة بنتي باولى ابتدائي وبعد عمري مااراجع معاها اللهم اذا في املاء وبسم الله عليها ماشية لانها مدرسة خاصة وتخلص واجباتها بالمدرسة.

 

[bint_looda]

والله العيال ويا الدراسه جهاااد

بس اذا علمتيهم من البدايه ان مايعتمدون عليج اعتماد كلي يعني بس اذا في شي موفاهمينه يسئلون عنه وايد اريح لج قلب

 

[كربلائية]

يلالالالالالالا امات مادرسسسسسسسسسسسسسسسسسسسسون

 

[برونزيه شقرا]

الله يكون في عوننا

 

[catee 80]

الله يعينااا صج

كل شي بالحياة يبيلة صبرررررر

انا من ارد البيت ...... احاول اشحن طاقتي لهم لان صراحة ماحب انهاااار وانفجرر عليهم باااخر جلسااتنا

اخذ حماااام دافي وبعدين اتغدى برووحي بغرفة هادية بدووون مقاااطعات من احد ولماااا يتعدل المزاج وارتااح

شوي من اجواء المدرسة ...انطلق الي ساحة المعركة ...لازم طبعاا يكون عندج طريقة بالتدريس

انا اقعد كل العيااال مع بعض الصغار والكبار وعندناااا شي اسمة فرساااان الطاولة the round table

نبدء ناخذ كتب كل فارس ونفحصهم ونعدهم ....يعني عمل جماعي

ونحدد الواجبات ..وإذا مافية نحط من عندنااا لان مافية احد يقعد بدوون واجبات

الكبااار تعودواا .....فيعني عارفين شيسوون انااا مجرد اشراااف

اهم يدرسووون واناااا عندهم بس مع الصغاااار نرسم ونلون

هذي المرحلة الاولى

الي صج يتعب اهوو التحفيظ والتسميع

ماله توقيت محدد حسب الياااهل ومستوااه

يمكن يستمر لوقت النووم ويمكن يخلص بربع ساعة

 

[Q8stylle]

الله يكون بعونا

 

[طير الحب]

انا ارد انام واقول لهم لما اقعد ابى اشوف الكل حال الواجب وانا اراجع الواجب وادرس الى 8 او 9