شنو توقعون فيني

[مس كرز]

مرحبا بنات قرب موعد السونار وللحين ما عرفته شنو فيني والعلم عند الله اكيد بس ابي خلال تجاربكم توقعون شنو فيني بنت ولا ولد وانا الحمد لله راضيه سو بنت ولا ولد وكل شي من عند رب العالمين كنت احب الموالح والليمون والدقوز وكل مالي خلق اسوي اي شي ونفسيتي بس معصب علي ريلي بعد عمري مرات يكسر خاطري بس شسوي غصبن عني ها شنو توقعون:eh_s(10): واذا اخذت السونار ان شاء الله اعلمكم بس لاتعلمون احد:krkrkr:

 

[anooma_86]

انا بولدي كنت احب الموالح والليمون و الحين حامل ابنت وتنسيت بالحلويات فيمكن انتي فيج ولد

 

[مس كرز]

مشكوره يا قلبي علي الرد يالله بنات نبي ردود اكثر من تجاربكم

 

[شيــوخه]

الله يرزقج الي تتمنينه

انا بلبنات كله حلىىىىىىىىىىىىىىىىىىىى

اما بهذي الحمله لا غير غير غير كله فلفل ومخلل وليمون ااااااااه يا ليمون عذااااااااب

وقولولي بسونار ولد وان شاءالله

 

[tmtmt]

ما اقتنع ان النساة لها علاقه كلش

الله يرزقج بالطفل السليم المتعافي *

 

[ام العسكري]

على هالوحام بحيل الله ولد وتقومين بالسلامه انتي والبيبي
ياااااااااااااااااااااااااااااااااااااااااااااااااااااااااااااااااااااااااارب

 

[ScarletteO'Hara]

الحين ما فهمت انتي تشتهين الحامض؟
على حسب كلام الناس ان الي تشتهي الحامض تكون حامل بولد
و الي تشتهي الحالي حمال ببنت
انا قبل ما احمل الحلاو و الككاو و الحلو عموما عادي اقطع منهم اشهر
بس من حملت هجمت هجوم مو طبيعي عليهم صرت نملة من كثر ما ادور الحلو
و فيني بنت
بس اختي بحملتنها الولية ببنتها كانت تدور الحامض بس يابت بنت فالاكل اتوقع مو مقياس
الله يرزقج بالبيبي السليم المعافى يا رب

 

[نشيج الروح]

اممممم أتوقع ولد أو بنت ههههههههههه ...... والله مادري لأن النساة مالها شغل ... الله يرزقج الي فيه خير ويعطيج ويعطي النونو الصحة والعافية

 

[QYtiya.com]

انا اشووف انه النساة مالها علااقعة ابد
في بنتي نساتي على الفلفل المعبوج اكله بقفشه تخيلي
وطماط فووقه ليمون وملح
واموووت عالاجار والمجابيس واللحم والحمدلله جبت بنوووته

 

[Kawaii GiяL]

انا نساتي كله سكريات و مادري حاسه انها بنوته اقولج لمن اسوي سونار
​

 

[بربيره]

ترا مو شي ثابت يفرق من وحده للثانيه وانا اقولج جذي لان بالذات هالموضوع قريت عنه واااااايددد بس في حوامل يشتهون الحامض عشان الليمون و الملح يبعد لوعة الجبد في الاشهر الاولى الله يرزقج بالجنين الي تتمنينه

 

[مس كرز]

حبايبي ما قصرتو وصج مو شرط اكل حامض يطلع ولد والعكس صحيح بس بنتي اكلت حلو لما طلع فيني سكر حمل وبعيالي 2 كانت ما اشتهي الحلو وايد والله كريم

 

[عقد الذهب]

انا بولدي ماكنت اشتهي الا الفلفل والليمون
والطماط عليه غرشه داقوس

بس ترا موشرط ان الحوامض للصبيان والحلا للبنات


يالله انشالله الله يرزقج بالذريه الصالحه
ولد او بنت كلهم فيهم الخير والبركه

 

[الأميرة جوري]

انا بناتى احب كل شيء حلوووووووو ادمان...بالصبيان تصيبني حاله احب الليمون والرمان...والذره...اعتقد والله اعلم ولد

 

[nadoo]

ان شاء الله ولد

 

[كويتيه صغيره]

ولد

 

[فجوره]

ان شاءالله ولد






​

 

[ام حمد 85]

الله واعلم سوي سونار عند دكتور ثقه

 

[خوخه حبيبة مشمش]

شكله ولد والله اعلم

الله يتمم عليج ويسهل عليج

ويعطيج ساعه سهله منسيه

واللي من الله حياه الله

كلهم خير ونعمه من ربي

 

[shak!shoka]

بشرينا شطلع فيج ؟