شنو تودون هدية للمستشفى ؟

[الفتاة السماوية]

السلام عليكم بنات

رفيجتي ان شاء الله على وشك ولاده
وانا ان شاء الله راح اسوي لها هدية معتبره من صنع ايدي وسوالف اهيا اتحبها
بس بوديها لها بالبيت مو بالمستشفى لانها كبيره ولاني راح ازورها بالبيت واهيا بال40 ، بس محتاره شنو اودي لها بالمستشفى؟؟ غير الورد لان الورد اطلعت فيه اقوال انه في تشبه بالغرب

 

[الضاوية]

السلام عليكم ورحمة الله وبركاته
هدية تنجزينها في بضع دقائق

[/IMG][/URL]وقد تبنيت الفكرة الجميلة والسهلة وليست لدي اداة تصوير لاريك اعمالي فقد نسجت بالتريكو الاصفر الفاتح طاقما للبيبي بالصوف من قبعة وسروال وقميص وجوريبين وكانت الهدية على شكل باقة مع ورد ابيض
يتربى في عز والديه واقاربه ان شاء الله

 

[الفتاة السماوية]

مشكوووره اختي خوش هديه

بس مو هذا قصدي ، انا راح اسويلها هديه وحدها حلوه تقريبا شي شبيه بلي حطيتيه بس مابي اوديها المستشفى بوديها لها اياه بالبيت
لانه صعبه بالشيل ، فقلت لما ازورها واهيا بال40 بعطيها هديتها

السؤال : لازم اودي شي معاي باستقبالها بالمستشفى؟اذا لازم شنو أودي؟
لاني اشوف الناس لما تروح استقبالات المستشفى تروح ايدهم خاليه وبالبيت يعطونها هديتها

 

[Om Ghalia]

وديلها كاكاو..

 

[lulwa-q8]

ودي لها جوكليت شكله غريب
في وايد بنات يسوون هالشغلات و وايد حلو شغلهم
بس اذا انتي بتسوين بنفسج , سوي فازا غريبه و كتبي اسم البيبي عليها او شي جذي وخلي اي محل جوكليت يعيبها لج

 

[معشووقة السفر]

اذا تبين ارينجمنت بالونات او كاكاو انتي تيبينه واغلفه لج بطريقه حلوه مع البالونات

 

[eva beach]

اممم دام ما تبين تودين ورد مالج الا الككاو

والا مو لازم تودين شي .. >> معني ماحب الدخله بيدين فاضيه

بس ترى عاادي لانج اول وتاااالي بتروحين لها البيت وبتودين هديتها

 

[كويتية و لكن]

وديلها طقم فوط تستخدمها بالمستشفي او طقم عطور للاستخدام بالمستشفي

 

[الفتاة السماوية]

مشكوريييين ما قصرتوا حبايبي

اليوم رفيجتي اولدت ويابت بنوووته

وقررت أوديلها كاكاو بسيط

وبالبيت هديتها الصجيه

 

[meen_ana]

افكار حلووة وايد بس يبي لها دقه بالتفيذ

 

[كويتية بنفسجية]

حبيبتي .. وديلها ككاو فاخر و شكله غريب في محلات اتسوي هالشغلات الحلوة أو إذا تبين بحثي بالنت و طلعي صورة و طبقيها و تكون فكرة جديدة و مو مكررة بالمحلات

و أنا شفت بعد و دزولي بالايميل وااايد حركات و منها بدال بوكيه الورد بوكيه الفواكه فكرة غريبة حيييل جنها بوكيه ورد بس بالفواكه مرتب و حلو و بنفس الوقت صحي

موفقة يا رب

:stars:​

 

[بوغاتي88]

انا اقول وديلها بوكيه ورد من زهور العوضي بصراحة خوش بوكيهات ورد عندهم شي يبيض الوجه

 

[بوغاتي88]

:jbdwjbd:انا اقول وديلها بوكيه ورد من زهور العوضي بصراحة خوش بوكيهات ورد عندهم شي يبيض الوجه