شنو تهقون ردة فعل خالتي اذا ماسميت بنتي عليها !!!؟

[coca^cola]

قوة يا حريمات شلونكم :blueSmCLR:

في موضوع محيرني وودي استشيركم فيه يا خواتي عاد انتوا صج خواتي :eh_s(7):

انا عندي ولد واحد ربي يخليه لي انشالله يوم كنت حامل فيه ريلي احتار بالاسم و لما عرفت انهي حامل بولد عطيته مطلق الحريه بانه يسميه و سالني عن اقتراحي اقترحت عليه اسم عاجبني و بس ماحنيت كللللللللش كللللللللللش بس قلتله اذا ربي كتبلي حمله ثانيه و كتبلي بنت انشالله انا بسميها حلاة البنات بالاسامي اليديده قاللي اوكي
عقب جم شهر قبل لا اولد لقيت ان الكل عنده خبر من اهلي و اهله انه ريلي بسمي البيبي بالاسم اللي انا اقترحته مجرد اقتراح تففاجأة الصراحه و سألته قالي عجبني اللي انتي اقترحتيه و انتي هم امه و لج حق مثل مالي حق
الحمدلله يا ربي انا وريلي متحاسنين و نحب بعض من قبل لانتزوج سنين و سنين و فاهمين بعض

اهله ماعترضوا بس حسيت بوي خالتي عدم رضا او سخط مثل ما يقولون لانه ماسمينا ولدي على اسم يده ابو زوجي مع ان في بالعايله مسمين عليه مرتين و مو حلوه كثرة التكرار

الحين انا حامل الحمدلله و الكل قام يقط نقزات ان البيبي الثاني اسمه (..........) على اسم عمي من بينهم خالتي انا تضايقت لان محد له الحق ان يسمي ولدي اللي مابعد طلع للدنيا حتى لو من باب الميانه انا ما امون عليهم اللي اسمي عيالهم و اشكره خالتي تقولي انشالله اللي فبطنج ولد عشان نسميه على عمج !!!!!!!

نعم !!!!!!!! ولدي !!!! و اذا انا و ابوه نبي نسميه اللي نسميه كيفنا !!!
انا حقرت و ما يبت طاري و اصلان انا حابه اسم عمي و ماعندي اعتراض ابدا و اسمه راقي و حلو انا معترضه على اللقافه البايخه !!! و اللي تليقفت هذي حماتي عندها 4 صبيان و بنت وكل اساميهم مو على احد اهم مختارينهم !!!! يا سلام يوم انج تحبين ابوج ليش ما سميتي عليه !!!!!!!!!!!

الحين السالفه اليديده ...

طلعت حامل ببنيه الله اييبها بالسلامه انشالله
و حمواتي الثنتين الصغار وحده عندها بنيه على خالتها والثانيه عندها بنتين الكبيره على خالتها و الصغيره سمتها على امها اللي اهي خالتي
خالتي تضايقت و ماعجبها ان بنتها مسميه عليها لا تبينا احنا نسمي عليها قريت هالشي بعيونها يوم قالت بنتها انشالله بسميها (........... ) و سمتها

انا بنتي لي حق اسميها و زوجي لما قلتله انا احب خالتي و امي و انت تحب امك و تحب امي بس الاسم مو مقياس للمحبه و مثل ماهم سموا عيالهم انا بسمي عيالي
ماعترض ولا ايد سكت
خالتي سألتني شنو فيج بنت ولا ولد و بين ولا ما بين قلتلها بنت بس لاتقولين حق احد لاني مابي اقول شنو فيني

انا الحين محتاره شالحل ؟ انا مابي اجرحها بس ماني مجبوره اسمي اسم ماني متقبلته :080402ask_prv::s141:
شاركوني بنات ابي رايكم شنو الحل ؟
و ابي اعرف اللي مرت بتجارب شبيهه بتجربتي خل تسولف لنا

 

[brettey]

طالما انه انتي وريلج متفقين خلاص
كيفها بتزعل فتره وعقب بترضى

 

[إستبرق]

وي مااحب هالمواقف يربي
بس اعتقد الاسم لج انتي وزوجج واذا احد اقترح اسم وعجبكم تسمونه
بس ساعات حتى الواحد يشتري الخاطر يعني اختي كانت تبي تسمي بنتها ورود ابوي دخل عليها قالها خليج من ورود وسميها ضي سيده قالت خلاص ضي لان ابوي قالها
بس خوفج الحين من شي انج اذا سميتي على خالتج يحز بخاطر امج انج ماسميتي عليها
الاسامي جذي اذا سميتي على احد حز بخاطر الثاني لو حتى مايبين هالشي
تدرين شلون لاتفكرين وتحتارين اذا احد اسألج شنو تبين تسمينها قولي والله مافكرت اسمها يي معاها وانشاءالله اذا طلعت بالخير والعافيه اسمها الله كاتبه
والله يوفقج يارب ويسهل عليج ويكتب لج الي فيه الخير يارب

 

[رمانه كويتيه]

انا راى اتسمين على اسم خالتج بالعكس جذى ايحبون بنتج ويدلعونها عل اسم امهم ومو شين اذا سميتيها على خالتج وان شاءالله الله يرزقج بنات غيرها وتسمينها اللى تبينه سميها على اسم خالنج وتوكلى على الله

 

[al-zabarjad]

في خالات يحبون يسمون على اساميهم وفي خالات مايحبووون
جسي النبض عند خالتج وسئليها بطريقة غير مباشرة وعرفي اهي حابة انج تسمينها ولا لأ

انا جي يوم حملت في بنتي سميتها بسم يدة زوجي
ومحد كان يدري اني بسميها والغريب في الامر انه محد بالعايلة مسمي هالاسم
وكنت خايفة ان اهي من النوع اللي ماترضى
ويوم قربت ولادتي خبرت زوجي بالاسم اللي ودي اسميه واهو وايد يحب يدته
ووايد حده استااانس
بس قالي لازم نستأذن وانا كنت حابه يكون مفاجأة
وستأذن جان تعصب عليه وقالت له اذا سميتها ازعل عليك
اهو اخترع وقال خلاااص ماراح اسميها
وتضايقت كنت حاسة هالشي بيفرحهااا
اثاري المسيجينه رفضت لأنها تدري ان في اسم في بالي وعبالها ان زوجي مايبي الاسم اللي انا اخترته
ويبي يسمي عليهااا

وكلمته واهي معصبه وقالت له ان البنيه(اللي اهي انا) حاطه اسم في بالها وسم الاسم اللي بتختاره ولا ازعل عليك
لوووووووول هني ريلي ضحك واستانس وقالها واذا الاسم اللي البنت مختارته اهو اسمج جان تنحرج وتضحك واسكتت
والسكووت علامة الرضااا
وانا بعد حدي استااانست
وصارت ابنيتي حبيبه العايله كلهاااا
ادري طولت سامحوني

 

[coca^cola]

ماراح تصير مميزة نهائيا لان خالتي ماتحب الا حماي ووحده من حمواتي و تميزهم اشكره حتى اللقمه ودها تدعسها بحلوجهم اهما وحريمهم و راييلهم يعني الاسم ماراح يزيد و لا ينقص من المعزة جان عزت بنتها اللي سمت عليها !!!

الموقف محرج من جذي لما سألتني فيج بنت ولا ولد قلتلها بنت و هذا الصج بس قلتلها ما ابي احد يدري لانها مفاجأة و بس لان مابي افتح باب للسؤال شبتسمونها و متى تطلع فلانه و مدري شنو !!! بيوم الولاده ريلي يقولهم سميناها (.....) و خلاص هذا اللي فبالي
وعليه امي تكسر الخاطر كله تقول سمي اللي يعجبج ولا تخلين شي بخاطرج لان احنا 5 كلنا سمانا يدي تخيلوا الاستبداد اللي فيه و الطاعه الزايده عن اللزوم اللي فبوي و أخرنا سمته اهيا بكيفها قاموا يقطون نقزات و سموا جذي و جذي اشكره !!!!!!!!!!!!!!!!! قالت حلوة اساميكم ييبوا عيال و سموهم على كيفكم انا سميته و خلصت و اسمه ماحمد و عبد معترظين على شنو !!!!!!!!

لا و يدي مسمي اخواني الاثنين واحد عليه وواحد على ابوه و هم مو عاجبهم و ععمرنا ماصرنا المميزين نهائيا بالعكس لي يومج حتى العيديه تنعطى حق الغريب و حق عيال الجيران جدامنا و احنا يشاورون نفسهم قبل لا يعطوننا اياها من ايام ما كننا صغار !!!!!!!!!
من جذي انا ما ابي اسمي و اتحسف بعدين :yaaaaaarb:

للعلم انا احب خالتي و اعزها و اهيا زينه معاي الحمدلله بس الاسم من حقنا نختاره

 

[love love]

انا اشوف عااادي بالعكس اذا اسمها حلو سمي ليش لا

وشكلج مو بخاطرج تسميين فلا تسميين حبوبه هذي بنتج وسوي الي يريحج

 

[MaYoOoma]

سمي اللي تبينه وماعليج من احد

 

[رقي]

ميومه
خخخخخخخخخخ
ترا عادي كله اسم
واذا اسم خالتج حلو مامنع اتسمين عليها
ولاتوقفين عند هالنقطه
لانه الله بيرزقج عيال غيرها وسمي اللي تبين
وحده اعرفها خالتها عيزت منها عشان تسمي عليها ولا رضت اتسمي
ولما يت لها البنت ال4 سمت عليها
علي قولة المصريين ماكان من الاول

 

[احلى كويتيه]

وااااااااااااي ما احب هالموقف وانا اتوقع اني بصير فيه اذا الله كتب وهون علي بس انا محتاره حدي من الاسم ومو في بالي اسم معين وماابي اسمي على احد ما احب والله كريم ويرزقنا الخلقه الحسنه وهون الطلق والاسم الزين

 

[ام فوفو]

اهم شي انتي
شنو رايج
اذا خاطرج اسم ثاني سمي انتي الام الي حملتي وتعبتي
وامي وامج وخالتج سوا السماء الي بخاطرهم وخذهم دورهم بالحياة وانتي الحين دورج والعيال عيالج

 

[رفرف]

سمي اللي تبينه ماعليج من النغزات دامج ماتبين اتسمين عليها مو غصب

الا في حالة وحدة

اذا عطتكم امر عسكري وقالت سموووو علي ..
وقتها اذا ريلج ما سماها عليها يصير خالف امرها وهذا عقوق
ادعي ما تامر وتقول سمو وخلاص

 

[روحـ روحه]

انا وزوجي متفقين من البدايه البنات لي والصبيان له لوووووووووووووووووووووووووووووووول نتفق على اسم ويسجل اسم ثاني

والبنت من البدايه قايلي زعلتي رضيتي بسمي على امي

 

[الهما]

نصيحة اذا اسمها مو بشع و اذا خالتج من النوع الزعول سمي عليها كسبيها

 

[autointoxication]

حبيبتي
رضا الناس غاية لا تدرك
و رضا الخالة شي مستحييييييل

نصيحتي

من البداية اتفقي انتي و زوجج انكم ما تسمون على أي أحد

جم ياهل بتيبيي؟؟ اذا بتسمين على ابو زوجج و أم زوجج لازم تسمين على امج و ابوج

انزين عيل متى زوجج يسمي الاسم اللي بخاطره و متى انتي تسمين الاسم اللي بخاطرج؟؟

إلا اذا ناوين تييبون درزن هذا شي ثاني
لكن صدقيني حطي حد
و سكري الموضوع من بدايته
و اعلني للجميع انكم ماراح تسمون على أي أحد بالعايلة
عشان ترتاحون و تفتكون

ربي يسعدكم

 

[CuTiE PiE]

حبيبتي
رضا الناس غاية لا تدرك
و رضا الخالة شي مستحييييييل

نصيحتي

من البداية اتفقي انتي و زوجج انكم ما تسمون على أي أحد

جم ياهل بتيبيي؟؟ اذا بتسمين على ابو زوجج و أم زوجج لازم تسمين على امج و ابوج

انزين عيل متى زوجج يسمي الاسم اللي بخاطره و متى انتي تسمين الاسم اللي بخاطرج؟؟

إلا اذا ناوين تييبون درزن هذا شي ثاني
لكن صدقيني حطي حد
و سكري الموضوع من بدايته
و اعلني للجميع انكم ماراح تسمون على أي أحد بالعايلة
عشان ترتاحون و تفتكون

ربي يسعدكم

:icon30:كلام مضبوط 100%

 

[الاستاذة]

اذا اسم خالتج مو عاجبج وايد لا تسمينه ومثل ما قالولج اذا سميتها الحين لازم عقب اتسمين على امج بلشه ومتى تختارون الي تبونه وبهالوقت ما اتوقع راح انييب وايد مثل امهاتنا كلهم 2 او 3 انا وريلي جذي محنا مسمين على احد من الامهات يمكن الابهات بس هم ماراج نستشير احد لا تعودينهم تاخذين رايهم سواء اهلج او اهله انتي وريلج الي تقررون

 

[coca^cola]

لا ماعطت امر عسكري هاهاهااهاهاها
بس تبوز و تتحلطم و اسمها مو حلو كلللللللللللشششششششششش
و ماراح اكسب ودها لو شيصير اهي بنتها سمت عليها عطتها طاف حتى ما بينت انها فرحانه بالاسم
تبينها تفرح اذا انا الغريبه سميت عليها !!!!!!!!
الحين القرار انني ماراح اسمي عليها
بس شلون اذا يابولي طاري الاسم احقر ولا اغير الموضوع و اقول بعدين اسميها اذا يت انشالله ولا شسوي؟
انا عندي حل ثاني في اسم يكون تصغير حق اسمها او مثل ماتقولون دلع بس يشابهه اسم امي هاهااهاها و يصير اقرب حق اسم امي من اسمها وقتها هم ماراح يبين بعينها و بتسوء النية

 

[الاستاذة]

سمي الي تبينه وفكي عمرج ترى ماراح تخلصين

 

[أم العيال 76]

صراحة ملاقة يعني الواحد يحمل ويتعب وينلعن خيره بالحمال ولا احد يسأل شصار بنساتج ولا شلونج ويه الثقل بالاخير يختارون الاسم انا صراحة سميت ولدي اسم تبيه يدتي الله يرحمها وسميته مع اني مو مقتنعه فيه وايد بس عشانها وبغيت تصك بيني وبين ريلي والله ورضخ وعقبها سمه الولد الثاني اللي يبيه مع اني ماابي الاسم ماحب اسمي احد على اسم واحد ميت ورفيجه بعد ويوم ولدته الله ماكتبله ثلاث اشهر ومات الله يرحمنا برحمته عقبها يبت الثالث ويت عمتي الله يهداها وقالتلي انا حلمت انج يبتي ولد وسميتيه على ابوج يتحلون علي لانه خلفة عايلتنا بنات الحين عاد حامل ومادري بصبي ولا بنت قالي انا بسمي الولد واسم ابوه ولا ولا اواطن اسم ابوه ولا ابوه بس ابلعها شسوي انا البنات سميتهم والصبيان هالدور اقوله لا انا والله عندي بين الام والابو وبالاخص الام انا تعبانه واتحلى على عمري ايي واحد ماشفتيه من سنة يقط الاسم بحضنج ويمشي

سميه اللي تبينه انتي مع ريلج والله الموفق