شنو تقعدون عليه بوقت الحلقه ؟

[ملاك-77]

السلام عليكم ورحمة الله وبركاته
شلونكم ياحلوين بما ان باجر باذن الله بنبدي سنة دراسية جديدة
ففكرت واحترت ولاعت جبدي من زوليتي القديمة وهم ماني شارية جديدة
ليش أكلف على عمري دام ماراح يعوضوني ويردون لي فلوسي!
بس للضرورة أحكام أحيانا .. الحين بتفهمون قصدي لووول


انا اقعد على الزولية اللي يقعدون عليها الاطفال وممنوع عندنا نقعد على كرسي
ومرات احط كوشيه اقعد عليها بوقت الحلقة ..

اللي أبيه عشان ما اطول عليكم اكثر
كل وحده فيكم تعطيني شنو شاريه او مسويه لها تقعد عليه بوقت الحلقه
شرط مايكون كرسي او شي مرتفع حيل لانه ممنوووووووووع هع هع
وأكيد عندكم ابتكارات وحركات بركات

ياالله منو تفتح المشاركات ؟
حياااكم

 

[Xal_mohrahX]

رد : شنو تقعدون عليه بوقت الحلقه ؟

^^^^


اهلين حبيبتي احنا نقعد على كوشيه دائريه مريحه احسن من القعده على الارض وكل شوي متعرجبه بملابسج لقمتي والكوشيه مو مرتفعه حيل

بالعكس على مستوى الاطفال



&&&
&&
&

 

[ملاك-77]

بعد عمري ماقصرتي انا بعد على كوشيه ومرات عالزولية
والله يوفقج بزواجج ويرزقكم بالضنى الصالح ياكريم

بس ابي شي جديد او فكره جديده
اللي عنده لايبخل علينا

 

[المستغفرة 74]

رد : شنو تقعدون عليه بوقت الحلقه ؟

عادي على نفس الزولية الي قاعدين عليها الورعان ( حلوة الورعان)

 

[ملاك-77]

فدييتج والله وفديت الورعااااااااات لووووول

انا ماابي اقعد عليها هالسنة لاعت جبدي منها مع ان اخر الكورس اللي طاف غسلتها الفراشه وطوتها وشلناها بالمخزن .. بس ابي شي اشتريه غير شكل الكوشية يكون جديد ونظيف ماتلوع جبدي منه هههههههههههه

 

[hotchocolatee]

احنا من العام نقعد ع الكراسي وهم الورعاااااااااااااااان ...

 

[عهود الحب]

رد : شنو تقعدون عليه بوقت الحلقه ؟

تعرفين الكراسي الي تصير فيها حركات وهي نتفة وهي ماهي نتفه

عفية شرح ههههههههههه اتوقع ما استوعبتي صح

خل ادور لج صورة من النت

 

[إيمان أشكناني]

رد : شنو تقعدون عليه بوقت الحلقه ؟

إحنا العام الوزاره وزعوا سجاد على كل الصفوف,,أول مره يطلع منهم شي

 

[*أم*خالد*]

انا ساعات اذا درسي كله قعده بقعده او محد داش علي اقعد على كرسي بومسند اللي تلقونه بالمصليات
شاريته من البغلي مادري الجريوي من سنتين اللحين يبيلي اغيره لأنه اسفنجه انعفس

فهمتي قصدي حبيبتي ؟؟

اهوا جنه كرسي بس ماله ريول على الارض وله مسند عجيب خاصة اذا ابي اشتغل عالكمبيوتر امد رويلاتي ولابتوبي بحضني وعيالي جدام عيوني او ساعات بفترة الاركان عقب ما ادور عليهم مثل الفراشة " اللي تطير " واقيمهم واسطر ارقام الـ 3 عند كل الاسماء الا اذا واحد منهم غثني احذف بويهه 2 يحليلهم
اقول على الطاري .. هالدفتر محد يطل فيه ولا احد يدري عنه ولا يأثر على الطفل .. مجرد يضيعون وقتنا ومجهودنا
تراعون المصداقيه لمه تكتبون رقم 2 و 3 ولا تكتبون اي شي لأنه بالنهاية مرده الزباله وهالمجهود يعتبر هباء منثورا

 

[عهود الحب]

رد : شنو تقعدون عليه بوقت الحلقه ؟

جبت لج اشكال مقاربة للي اقصده

اتوقع تلاقينه بكل مكان للأثاث

 

[*أم*خالد*]

عهود اخر واحد عندي اياه بالبيت

قعدته تفشل لووووووووول

اللي تقعد عليه بتعرف قصدي لووووووووول

حلو شي مع مسند

 

[عهود الحب]

رد : شنو تقعدون عليه بوقت الحلقه ؟

بس لاتاخذين الي بس فيه هوا ومتفوخ

ديربالج خوفج من الحماس اثناء الشرح ينفش وعندج ناس حاضرين

و فضيحتج تصير بجلاجل :/

 

[عهود الحب]

رد : شنو تقعدون عليه بوقت الحلقه ؟

ام خالد انا اقعد عالأرض عاااااااااااااادي ولا احلى

بس الكارثة لي قمت بغني معاهم تخلص الاغنية وانا للحين ما وقفت

و المسابقة كارثة اكبر



اما الكرسي هذا و ربعه يقعدون عليه بعض الابلات وشفته مريح


بس جربت اقعد عليه لأ صراحة



احب القعدة الأرضية رغم كل عيوبها بالقعدة و القومة


والوزارة ما قصروا جابوا لنا كراسي للاطفال ما يشيل نص فخوذنا الله يسامحهم


يعني يبون الابلات مافيهم ملامح انوثة عظام تمشي !


مثل ما وفروا كرسي للطفل وفروا كرسي شكله لايق و لابق للأبلة الي بتدرس الطفل

و سلامتج


باقي على الدوام : 8 ساعات و 20 دقيقة :/

 

[أوركيد]

ذبحتنا ركبنا من قعدة الارض..

وصاااجه عهود لي بغيت اوقف مع الاطفال حق اغنية ولا مسابقه يااااااااااااالله بالموت تكتمل الوقفه ..

بعرف ليش ما يقعدون الاطفال بالحلقة على كراسي والله ارتب وانظم وانظف وهمن تضبط الاطفال مو واحد منسدح ولا يلعب بالجوتي ...!!!!!!

حلاااتهم اذا حضروا الموجهات النحس والمشرفات يقعدون عالارض حالهم من حالنا ...

جووووود يحسووووون فينا

 

[LeeMa q8]

امبيه يعني انتوا اطفالكم وورعانكم ع قولت تفااحه يقعدون ع الارض !!!


انا رووضتي الي كنت ميداني فيها الاطفال ع الكراسي !! واحنااا ع الارض

مره جربت اقعد ع كرسي اقسم بالله ماعرفت اشرح !!! ولا شي احس جني ضيفه !

لمن اقعد ع الارض استانس واشرح ب1مه وضميررر


يااااااااااااااااااااااااااااارب يعينوني بروضه قريبه ومدرساتها وادارتها عســــــــــــــــــــــــل وترزقني بمستوى اول يارب

 

[ملاك-77]

انا ساعات اذا درسي كله قعده بقعده او محد داش علي اقعد على كرسي بومسند اللي تلقونه بالمصليات
شاريته من البغلي مادري الجريوي من سنتين اللحين يبيلي اغيره لأنه اسفنجه انعفس

فهمتي قصدي حبيبتي ؟؟

اهوا جنه كرسي بس ماله ريول على الارض وله مسند عجيب خاصة اذا ابي اشتغل عالكمبيوتر امد رويلاتي ولابتوبي بحضني وعيالي جدام عيوني او ساعات بفترة الاركان عقب ما ادور عليهم مثل الفراشة " اللي تطير " واقيمهم واسطر ارقام الـ 3 عند كل الاسماء الا اذا واحد منهم غثني احذف بويهه 2 يحليلهم
اقول على الطاري .. هالدفتر محد يطل فيه ولا احد يدري عنه ولا يأثر على الطفل .. مجرد يضيعون وقتنا ومجهودنا
تراعون المصداقيه لمه تكتبون رقم 2 و 3 ولا تكتبون اي شي لأنه بالنهاية مرده الزباله وهالمجهود يعتبر هباء منثورا

تكفين كله كوم ولا سجل المهارات كوم ثاني تعب عالفاضي
وماله مصداقيه ومايقيس شي وحتى لو عرفنا نقاط الضعف والقصور بالطفل
منو بيتابعها وبيشوف وين الخلل وبيعالجها ؟ عندنا جدول فترات نقدمها و ماكو وقت مخصص لعلاج المشكلات ولا اخصائيات مثل قبل

بالنسبة للكرسي تقصدين نفس اللي حاطته عهودالحب بالصور؟؟ومن وين؟ والسعر؟

 

[ملاك-77]

رد: رد : شنو تقعدون عليه بوقت الحلقه ؟

بس لاتاخذين الي بس فيه هوا ومتفوخ

ديربالج خوفج من الحماس اثناء الشرح ينفش وعندج ناس حاضرين

و فضيحتج تصير بجلاجل :/

ههههههههههههه الله يستر لا ماراح اخذ اللي فيهم هوا

انزين ونبي طاولة حق اللابتوب تكون مناسبه وسعرها مناسب ابيها للصف تصلح للقعده الارضية

 

[ملاك-77]

عهودالحب جزاج الله خير ماقصرتي وبميزان حسناتج انتي وكل اللي ساعدني
بس وين بالضبط ممكن القى نفسهم اللي عجبوني؟ والسعر جم تقريبا؟ ابي اللي يعرف يحدد لي المكان مالي خلق افتر واحوس ادور ويمكن مالقى


عجبني هذا واحسه مريح بالقعده والقومه

وهذا بعد كويس وابن ناس لوووووووووووول

 

[ملاك-77]

امبيه يعني انتوا اطفالكم وورعانكم ع قولت تفااحه يقعدون ع الارض !!!
اي عادي مافيها شي توجيهنا يبي جذيه
والكرسي تقعد عليه فقط الحامل والا المكسورة مثلا

انا رووضتي الي كنت ميداني فيها الاطفال ع الكراسي !! واحنااا ع الارض

مره جربت اقعد ع كرسي اقسم بالله ماعرفت اشرح !!! ولا شي احس جني ضيفه !

لمن اقعد ع الارض استانس واشرح ب1مه وضميررر

انا ماعندي مشكله بقعدة الارض مرتاحه مافيها شي بس ابي اقعد على شي نظيف وجديد لاني مااقدر اغير زوليتي مالت الصف لها جم سنة ..فأبي شي اقعد عليه بثقه
يااااااااااااااااااااااااااااارب يعينوني بروضه قريبه ومدرساتها وادارتها عســــــــــــــــــــــــل وترزقني بمستوى اول يارب

آمين يارب يعينونج بالمكان اللي تبينه ويرزقج بمدرسات واداره عسل يا عسل
وبمستوى اول مثل ماتبين

 

[ملاك-77]

بنات ابي بعد طاولة لللابتوب والداتاشو تكون مو مرتفعه
ابي استخدمها وانا قاعده عالارض او قاعده على كرسي الاسفنج اللي حطيته فوق (الاحمر)