شنو تفضلين السيراميك ولا الزل وليش ؟؟

[موجة ~ بحر]

الموضووع باين من العنوان فيدووووني

 

[-شجن-]

السيراميك ولاكثر من سبب السيراميك انظف ويطول معاج اكثر من الزل اللى تضطرين تغيرينه كل سنتين ثلاث خصوصا اذا كان عندج جهال فى ناس تفضل غرف النوم تكون زل ان عن تجربه اقولج السيراميك افضل

 

[عوااار قلب]

رد : شنو تفضلين السيراميك ولا الزل وليش ؟؟

السيراميك انظف وشكله راقي بس ما يغني عن الزل

بث مشكلته في البرد واااي ثلج

 

[hneen2]

انا ميته علي الزل ايونس صراحه وتحسين البيت دافي

بس ريلي مااااا رضا وسوا الصلات رخام والغرف سيراميك والسبه اليهال انظف لهم السيراميك ومعاه حق صراحه


انا عندي ولدي ٣ سنوات وبنتي ٥ شهور يعني ماينفعني زل بالمرررره

 

[موجة ~ بحر]

يلاا بعد بنات نبي تجاربكم. لان بنتقل فمحتارة بين السيراميك والزل انا حاليا عندي سيراميك

 

[om_dodo]

السيراميك انضف
والزل ادفى

 

[أم حمودي**MALL**]

اكيد سيراميك شخباري الزل!!
اذا مشتهيه حطيلج جم قطعه بس مو تفرشين البيت كله

 

[@ام يوسف@]

رد : رد: شنو تفضلين السيراميك ولا الزل وليش ؟؟

اب للرفع

 

[زنقه زنقه]

قووووووووووه هذي اول مشاركه لي وانصحج انج تفرشين الدور الاول والارضي خليه سيراميك علشان ارجول الجهال ماتعورهم وتسبب لهم رماتيزم مبكر

 

[موجة ~ بحر]

اكيد سيراميك شخباري الزل!!
اذا مشتهيه حطيلج جم قطعه بس مو تفرشين البيت كله

الزل في منقش والوان حلوة او احط قطعه منقشه كبييرة قد الغرفه بس المشكله اليهال

 

[<<ام تركي>>]

انا شقتي فرش ولايعه جبدي منه ابي سيراميك بس بعلي مو راضي بغير بشتقي بس هم بحط زل <<قهر بموت

هذا كب العصير عالفرش وهذي قطت الكوكاو عالفرش وتعالي شوفي الفيمتو اذا انكب عالفرش ما يطلع
تتوهقين <<الخلاصه السيراميك احسن وانظف وحطي عليه الزل إلي فيه نقشات حلوه

 

[أم عبود 2011]

رد : شنو تفضلين السيراميك ولا الزل وليش ؟؟

واااااااااااااااااااااااي يا حلو الزل ويا حلو ريحته لو بخرتي البيت
والدفا شحلالالالالالالالالالالالالالالالاته
آنا بس غرف النوم زل وميته وأفرش الصالة زل بس المشكلة صالتي كبيرة حيييييييييييييييل والزل راح يطلع فوق 600 دينار خصوصا إني أبيه من النوع الغالي علشان منظر الصالة وكشخة الأثاث
بس المشكلة قاعدة بشقة مو بيت العمر علشان أفرشها
بس صج الزل بالنسبة لي أنظف وأدفى واااااااااااااااي الصالة عندي برد موت الأرضية صيف وشتا وبعدين تعالى خمي السيراميك وبعدين مسحي بديتول لويه بس الزل روعه ما أدري أحس الزل آآآآآآآآآآآآآآآآمن أكثر لسلامة اليهال تضمنين ما يزلق ويطق حنجه بالقاع ههههههههههههههه وبالنسبة للتنظيف الله يعافي الفرشه مع شوية ديتول

ما أدري هذا رايي

 

[حياتي إيثار]

افضل الفينيل ع السيراميك أدفى وأشكال روووووووعه
والموكيت مالنا غنى عنه

 

[ام الوردة]

الزل للغرف احلى شييييييي

ترى السيراااميك يسبب امراض للرجل سوي شييييييرش وابحثي ورااااااااااااح تشوفين بلاوي

الصالات خليهم سيرااااااااااميك

بس لاتستغنين عن الزل والله ييييههههههههههههههههههههههههههههبل اصلا يعطي فخامه اكثر من السيراميك

 

[موجة ~ بحر]

شكراً لكم جميعاً

 

[^SwEeTa^]

حبوبة السيراميك انظف من الزل

و الزل أدفى من السيراميك

و اذا تبين تجمعين بين النظافة و الدفا .. و الشكل الحلو الأنيق .. أنصحج تحطين (باركيه)

خلاص انحلت المشكله!!!! اشرايج ؟؟؟

عموما انتي و ذوقج .. و ربي يوفقج

 

[عواشه2008]

حبيبتي انا من ناحيتي توني ساكنه بيت العمر
ونوعت بالبيت مثلا:الدور الارضي الديوانية فرش القص بس النوع الغالي والراقي..
وصاله القعده يعني المعيشه زل بعد بس هم الراقي..
صالة الاستقبال باركيه...
مدخل البيت الواجهة رخااام بنقشه...
والدرج مفروش...
الدور الثاني:
غرف اليهال مفروشه
والممرات سيراميك
وغرفتي باركيه
................
بس ارجع اقولج الغرف النوم ضروري تنغرس لان مكان راحه ونوم ودفا صيف وشتا
اما صالات الاستقبال تكون مو مفروشه وتحطين زوالي قطع لان بس للاستقبال
ومكان أملح وشربج لازم ينفرش
وهذا رأيي

 

[عواشه2008]

سوري قصدي أكلج وشربج
سامحيني عالبدليه الكتابيه

 

[عيون سارة]

ما قصروا البنات بس انا افضل الزل ادفى والله يعينج على التنظيف

 

[أنثى وكلي حلا]

واي افضل السيراميك او الرخام او الجرانيت

وماعيب لجرانيت ؟؟

والباركيه الارضيات الخشبيه >> هل تنصحون بها ؟؟ سمعت ان الماي والعطر يخربها ؟؟؟ ارائكم ياحلواااااااااات