شنو تسويين إذا تزاعلتي مع زوجك؟

[دلوعةمآمآ]

السلام علييكم ورحمة الله وبركاته


<<ردوا السلام ههههههه

ممممم البارح كانت جمعة حريم وانطرح علينا هالسؤال

(شنو تسويين إذا تزاعلتي مع زوجك؟)

طبعاً ياحليلهم كل وحده بدعت بالأجوبه لوووول

_اللي قالت اسوي له الأكل ولا آكل معاه ..

_واللي تقوول احط حرتي بعياله

_واللي تقول احط حرتي بالأكل

_واللي تقول اقعد اسبه واسب اهله

_واللي تقول اقعد اشتغل وانظف عششان مااحتك فيه

_واللي تقول آخذ شور و ابكي ليين اناام

يعني كل وحده وطريقتها في التنفيس عن غضبها مع زوجها

بس اوصييكم كما اوصانا رسولنا الحبيب بعدم الغضب فكم هدم من بيت .

واي وحده تتزاعل مع زوجها تتوضاء وتكثثر من الاستغفار وتشغل سورة البقره



يالله الحيين كل وحده تحكي لنا شنو تسوي إذا تزاعلت مع زوجها

نبي نضحك على بعض هههههههه

 

[Omhamood]

انا عن نفسي اول لما كنت اتزاعل مع زوجي سيده بدون تفاهم اشيل قشي واروح بيت اهلي
واكبر المواضيع حتي واهي ماتسوا ........ والي كان مشجعني ان اهلي دايما بصفي بس عقب اخر مره خلاص توبه

زفتني الوالده زف وهاوشتني وصارت ضدي لما تبت من هالطبع الخايس .......بس للاسف عقب ماتعود ريلي علي زعلي وصار عنده عادي

الحين زعلي كله بيتي بس اطنقر عليه لا اكل معاه ولا اسوالف معاه ولا انام يمه واذا طلع من البيت اقعد ابجي وطلع حرتي .....

وهذا طريقتي الي ما انصح احد ابدا فيها ......

وموضوعج نايس &#55357;&#56856;&#55357;&#56856;&#55357;&#56856;

 

[ماريا.]

موضوعج يهبل دلوووعه ماما ههههه
وعليكم السلام أحم
أنا إذا زعلت اطنقر وانفس وماسوي غداا
وبس ييي اروح الغرفه وانام واعطيه اكبر طاف وبس يطلع ابجي من قلب وأصلي وداعي ربي وبث

 

[بياعه ورد]

ههههههههه انا اسحب عليه لين يعتذر اذا هو الغلطان

 

[مشتطـه]

لو تنطبق السما على الارض لو توصل لا سمح الله لما الطلاق

ما اروح بيت اهلي


أكبر غلط المرا تروح بيت اهلها


حتى لما تتطلق العده تكون عند الزوج ف بيتها اهي 3 شهور


بس للأسف محد يعرف هالشي والكل يشيل قشة ويروح لاهله


ولا مرة بحياتي علمت اهلي باللي بيننا

نزعل بس محد يدري الا انا وياه

 

[مشتطـه]

جوابي على سؤالج

أنفس امد البوز اطنقر لين يراضيني

 

[Canon~]

وعليكم السلام ورحمة الله وبركاته /ردينا السلام &#55357;&#56876;

امددد البوز ولا اكلمه


وبقلبي منقهررره &#55357;&#56862;

 

[توتة UAE]

صح اللي تسويه مشتطة ازعلوا ف بيوتكم . . أنا أسوي له طاف
ولا كأنه موجود وأكمل يومي أكشخ ألعب بالفون أسولف ويا
ربيعاتي أرسم . . الخ لين ما يكلمني وقتها أمد البوز زيادة وأبين إني
زعلانة عشان يراضيني p:

 

[popa]

اطلع مع رفيجاتي واستانس عسان ما اقعد افكر فيه واكل بنفسي وارد البيت مستانسه احط راسي وانام

 

[سمو ذاااتي]

كل شي مانعني منه بوقت الزعل اتعمد اسويه واعطيه طاف ولا جنه موجود حتي استغفرالله اذ دخل وسلم ما ارد السلام

ما انصح باللي اسويه بس ابو طبيع مايوز من طبعه : /

 

[صعبه]

امد البووووووز واصيـــــر نفسيه

 

[$$كويتية$$]

طنــاااقــر p:

عشان يعرف اني متضايقة ولمة يقول شفييج ابطها ان جان بجي ولا كلاام بخااطري اقووله

 

[نور المدينة.]

أصير هااااااااااااديه ولا أتكلم معاه

 

[غلايو]

انا اصير بريييييييييييييييييئه جدامه

يعني لما انجبر ايلس معاه فبيت اهله

وهو يجاملني جدامهم عشان محد يعرف ان نحن متزاعلين

اعطيه نظره برائه واسوي عمري منصدمه انه يسالني اذا ابي اكل عالسويت او يسألني عن شي

و اتم ساااااااكته

اجاوب بأقل عدد من الحروف
امسك تلفوني ٢٤ ساعه عكس حياتنا اليوميه ما امسكه وايد

عودته ان لو كان مع ربعه او المهم بعيد عني
اطرش لج مسج
ولو مسج فاضي ،

ف يوم ازعل ما اطرش شي

و اذا رجع البيت اروح انام بدون لا اقوله يا فلان انا بنام لانه متعود اقوله فلان انا بنام

واغلب الافعال لها ردت فعل بااارده من صوبي مع برائه اطفال هههه
و اكيد اذا موقف قوي ،
اسجد لربي و اعبر عن الي فخاطري لين اهدا واتم ادعي

،صدقوني يابنات
نصيحه من اخت مجربه ،

احمدوا الله واشكروه دوم

ذوم قولي ربي لك الحمد والشكر
بذات لما تكونين مرتاحه وتحسين ان حياتج مو ناقصها شي

عشان لادعيتي لربج وانتي محتاجه ربج ماينساج لانج ذكرتيه بوقت الي انتي ربج معطنج كل شي

اتمنى انكم تسوون هالشي والله الشاهد علي ان حياتكم بتتغير

الله يبعد عنا الزعل يارب




ادعوا لريلي ان الله يشافيه ان شاءلله

 

[Nonono83]

طناقر وهو متعود اني ازهب ملابسه اذا بيطلع و كل شي انا اسويله ماسويه له وهم بعد انفس واطلع من البيت مارد الا تالي الليل اكون فبيت اهلي بس مايدرون ان زعانه وهو يتصرقع عباله قتلهم ههههههههههههه وحتى لو دق مارد ولا واتس ولاشي حقران مره وحده وعقب جم ساعه انسى ولاجنه شي صار شسوي ياربي طيبه وحليوه وايد انا بس اذا انا غلطت مالج امل يرضا احسه يطلع حرته

 

[Nonono83]

وطبعا اكل اكل دسم واكل ككاو ادسم شي احب الدسم اذا زعلت ليش مادري

 

[Nonono83]

الله يشافي ريلج غلايو ويقومه بالسلامه

 

[صعب اكتم احساسي]

اذا تزاعلنا على طول اروح الغرفه واسكر الباب بقوه
وماطبخ الغدا ونضل حاقرين بعض كم ساعه وانا دمي يغلي اذا احد حقرني
والمشكله معظم المشاكل اذا الوحده راجعت حساباتها ماتسوى وتافهه
بس ماافكر اروح بيت اهلي الا اذا كان الموضوع يستاهل
ومااشوف وحده تروح بيت اهلها بدون سبب قوي
اتمنى اهدأ اعصابي وجنون البقر اللي في مخي اخفف منه

 

[حبيبه جاسم]

أذآ كآآن هو مزعلني آمآرس حيآتي آلطبيعيه بس بزعل .. لمآ يحس بغلطته
وآذآ كنت آنآ مزعلته آرآضيه طبعآآآ ..

 

[Cute mama]

انا على طوول اروح اطبخ
عندي الطباخ هوايه احبها وايد احس يطلع كل الضغوط اللي فيني ويخليني مستانسه ومرتاحه فمن ابدا الطبخه ليمن تخلص اكون هديت ونسيت كل شي