شنو تسوين مع هالنوع من البنات المصلحجيات

[سامرينا]

قوووه بناات


صراحه انا منبطه جبدي مادري ليش اطيح علا رفيجات من هالشكل ويع ويع




الي تتسلف منج فلوس وبعدها تخمر وجنها تبيج تنسين السالفه عشان ماتردهم لج

او اهيا تتنيسى وتردهم جنج بايقه حلالها ومتحسفه

او مرات علا اشيا تافه تستخسر تدفع و اذا رحتو مطعم تيي الفاتوره واهيا ساكته ولا تطلع بوكها

لا ونسيت مرات تقط عليج من هالكلمات المحرجه يوم تدفعين لها سوا بمطعم او باي مكان

مشكوره ، تسلمينلي ومادري شنو مع انج مو عازمتها اصلا

بالعكس عليهم بالعافيه بس الشي مو بالغصبيه و لا بحركات الاستغفال والمصلحه

انا اكره اني احس اني مستغفله من قبل شخص يبي يتمصلح مني

والمشكله هاذي اللي تسلفينها تقولج متا خذيت منج ماخذيت مع انه تسلفينها مبلغ مو بسيط

وتسوي فيج جذي بالله شتسوين ويع جنج قاعده تطرين منها فلوسج

امانه شتسوين اذا صارت فيج هالمواقف للعلم كلنا طلبه والمشكله صادفني هالموقف من قبل متزوجه وغير متزوجه

يعني هالمتزوجه لو ماعندها فلوس وين ريلها مايصرف عليها

وطبعا هذيج البنت اللي سوت فيني الدقه تبت اسلفها لانه كذا مره اسلفها وتسوي فيني نفس هالحركه

زين شلون علا غيرها من الجماعه لو طلبوني ؟ ما اعرف اقول لا وانا ادري اني اقدر اساعد وادري انهم اصلا مو محتاجين بس فيهم جعاصه وبخل

وانا اكره التمصلح ياناس شسوي

في احد مر بنفس اللي انا مريت وشسويتو

 

[بطوووطة$بيضة]

حبيبتي لاتسلفينهم قولي ماعندي ولا ماقدر خووووو مولازم تعطين

 

[بنت السلطآإآن]

هذول الشاكله منتشرين شرايج ببنات ماصارلي وقت معاهم توني اول سنه والله جرس بيتنا يندق نفتح والا هي واختها انصدم يسلمون ويدخلون يقولون امشي غرفتج نبي ملابس بنروح خوالنا والا بنطلع والا عندنا عزيمه ويع تلوع جبدي ماقدر اطردهم بععد فشله في بيتنا والله يفتحون الكبت وياخذون اللي يبون انحرج خلاص وامي تعصب والله كل شي ياخذون جوتي جنطه لبس حتى مره تبي اندر وير قلت ستووووب عاد اهني رديت عليهم ومن بعععدها طردتهم وقطعت العلاقه وكانت الشله كلها تجي تتسلف كلهم قطعتهم وييييع ماحب جذي نوعيه ولبسي اخليه لهم مستحيل البسه من بعدهم مادري البنات نظاف والا لا الله يستر عليهم



والله اقطعي علاقتج وافتكي

 

[رشا القصيم]

الصرررراحه الله يعين هالطبع منتشر بين البنات يعني بالغصب تبي تطيح ميانه
انا اقول عطيهم بوجيههم وقولي (ماااااااااااااااااااااعندي فلووووووووس اذا لقيتم سلفوووني)
وبعدين هذا حلالـــك طلعيه من ورا عيونهااااااا,,,مادري الوحده كيف تنام وهي عليها دين لاحد؟؟؟عالم غريب وبعدين بكليه كل وحده معهااا مصروفهاا وين توديه ان شاء الله......

 

[ام زهقانه]

ما احب المصلحتيه

 

[المرتاحة]

اللي ما تستحي لا تستحسن منها

واذا سلفتي لازم تكتبينها ورقه لا تقولين فشله بالعكس تضمنين فيها حقج .. حتى بدينا الاسلامي اللي يتسلف لازم يكتبون بينهم ورقه قولي لها اشكره لا تستحين

وبيني وبينج لا تسلفين بالمره احسن قولي لها ما عندي

و فلوسج طالبي فيها لا تخلينها تروح عليج

و حتى على الفاتوره قولي اشكره انا ما عندي ادفع بس حق طلبي وقطي فلوس طلبج بس و امشي وخليها

 

[الغلا كله لبوي]

صراحه ماينعطون وجه عامليهم مثل مايعاملونج

وفلوس لاتسلفينهم قولي ماعندي

 

[صادقة بكلمتي]

حبيبتي ان اللي سلفتيه تعاني من وضع مادي صعب اعتبري نفسج تساعدينها بالهذي الطريقة واللي يفرج على اخوه المسلم الله يفرج عليه ويفتحله الف باب زين بحياته اما ان كانت عادة ولعانه ونحاسة فهذ اسلوب شخصية يكون والاحسن ان ه1ا حالها تهدينها وماتبينها ولا عوار الراس والاستغلال البشع هذا وتقبلي مروري

 

[Tom ♥ Jerry]

،


من تصادفين جذي بنت خلاص لا تطيحين الميانه آكثر ّ
هذول ناس ترا مآ يستحون
تلقينهآ مسوية هالحركه بـ غيرج وآيد ,،

و انتي الله يهدآج بعد مو اي وحده مآ صارلج معاه سنه
تقولج ابي مساعده على طول تعطينهآ .,،
لمآ تتأكدين من صداقتهآ بعدين عطيها ماي عينج ! : )

 

[عاشقة هواك]

حبيبتي لاتسلفينهم قولي ماعندي ولا ماقدر خووووو مولازم تعطين

اي والله

ديري بالج

 

[أم توتو]

انا عندي حل اتسلفي منهم ولاتردين لهم قولي هذول فلوسي رديتوها

 

[DAMANA]

عادي ذكرتيني علي موقف كانت معاي وحده ومحتاجة مبلغ فلوس لنها كانت امطوفة اقصاد فا استلمت الفلوس منى وبعدها ماشفتها بس عندي عادي يعني خلاص من عقبها ما اعطي حق اي شخص يا تخسرين صديقتج او تخسرين افلوسج : )

 

[ثنايا الورد]

انا عندي حل اتسلفي منهم ولاتردين لهم قولي هذول فلوسي رديتوها

:eh_s(15):عدل اختي خوووش حل بس ترا مافي امل يسلفونها لان كل من يره الناس
وماراح يسلفونها فلس واحد انا اعتبره مرض ومنتشر بين وايد من الناس لا والمصيبة تسلفهم ولا جيت تطالبهم بالدين جنك اطر من عنهم لا ويهاوشونك ويزعلون يحسسونك انك غلطان بحقهم
بس الشرهه مو عليهم على اللي يتعاطف معاهم ويسلفهم انا بالنسبة لي بطلت مااسلف احد واقوله من اول اشكره تبيني اخسرك باسلفك وانتهينا:eh_s(8):​

 

[miss asma'a]

هههه .. وااي الله يعينج على هالناس !! << اصلا ما يصير دين برقبتها لي يوم الدين
اللي يسون هالحركات بايين عليهم ما عندهم حياء .. (( ان لم تستح فافعل ما شئت ))
احسن حل كشتي فيها حدج منتي بحاجه صداقه هالنوع من الناس .. تبيج علشان مصلحتها
وبالاخير ينظرون لطيب ان صيده و ما يفهم ومقصه :| .. اللي صار صار بس المره اليايه على غشمره قولي لها
الاخت سوت منج بنك السلف !!

 

[مس تسذآ]

قطيها بويها بعد شتسوين ,

اذا طلبت مره ثانيه قولي : " اسفه اختي انا مجربتج قبل هالمره , و انتي ما تردين الدين اللي عليج
و انا صراحه اقدر و عندي بس حسافه فيج , اذا ما تقدرين قوليلي بس مو تسوين هالحركات "

و ان شاءالله تنجعم .

 

[mo0onya]

كلمه تستحين منها بديها وقطيها بويهها
غير جذي حبيبتي انتي موووو ملزومه باحد تدفعين له ! وحتى لو بتعزمينها ولا تدفعين لها تطلع من طيب خاطر ولا من نفسج مو من حركات الاستغفال ولا حركات اليهالو
الحل بعدي عن هلنمونه لانهم بيستنزفووووونج !

 

[أنسأنة غير]

عطيهم بلووك احذفيهم مع الشباك
ناس ماتستحي اوووف تعبنى من هالاشكال
استغفرالله بس

 

[salamq8]

خلاص هذا انتي تعلمتي من هالمواقف وعرفتي
نوعية اللي معاج لاتدفعين الا لنفسج اذا يستحقون الصدقه
تصدقي وقوليلهم هالحجي ،،.، واذا ماتستحق قولي لها انا لي فلوس عندج
وناطرتهم لاتخلين حقج ،.

 

[جيتك تعال]

اتمنى ما تعتبرون ردي خيالي ....

المفروض انه بند السلف بين الصديقات ينلغي ... صديقتي وعلى عيني وراسي وبس

مو اكثر من جذيه انما سلفيني وما عندي فلوس هذا ابدا مو مفروض يصير

احنا بديرة الخير الحمدلله والكل ما عليه قاصر ومو مشكلتي انها ما تحسن التصرف في فلوسها

الحياة رغم انه خير بس كل شي صار غالي والواحد يالله يقوم بنفسه وعياله

مو نااقص بعد يفتح له مجال صرف ثاني ....

ابتعدي عن هالنوعية من الصديقات وقبل لا تروحين معاهم لمطعم اتفقو على طريقة الدفع " طريقة الاجانب "

بتلاقين هالنوعية اعتذرت من بدايتها

 

[♥MaSteRiyA♥]

مادري والله
آنا رفيجاتي مو جذي
ما بيننا سلف و فلوس وهالسوالف
اهي تشتريلي.. آنا أشتريلها


قوليلها يا قلبي.. صارحيها​