شنو تسوين بالبريكآت الطويله ؟

[Nmnoum]

قووة بنآت


الموضوع بآين من عنـــوآنه .,


شنو تسووون بالبريكآت الطوييله ؟

 

[~ miss NERD ~]

بما اني ما اسوق,
اقعد مع رفيجاتي بسكوير الكليه, اروح اكل, اروح كليه ثانيه, اشتغل باللاب,احظر كلاس مع رفيجاتي
و يضيع الوقت

 

[FoFa stylish]

انا احاول بكل كلاس اخلي رفيجه من رفيجاتي او اكثر تسجل معاي بالكلاس او نتفق بريكات مع بعض و نتمشى بالسكوير نتغدا مع بعض نحش بالدكاتره يعني او نروح كليه ثانيه نكتشف

 

[Nmnoum]

^^ فري نآيس .,


واللي لا تسوق " احم انا عنونة " ورفيجاتها مو معاها شنو تسوي ؟

 

[~ miss NERD ~]

^تتعرف على بنات يدد مثل ما سويت
الحين تقريبا كل دفعتنا اعرفهم

 

[figs*]

أطلبلي كوفي وأروح المكتبه ألخص او أدرس ..اكل..أصلي..احضر كلاسات
ماعليج تراا اطوف البريكات بالعكس تخليج تدرسين غصب هههه
الله يوفقنا يارب

 

[طالبه مصدومه]

انا عندي يومين بالاسبوع فراغ من الساعه 11 لي الساعه 3 ونص يعني تقريبا اربع ساعات والله محتاره مادري شسوي

 

[FoFa stylish]

^^ فري نآيس .,


واللي لا تسوق " احم انا عنونة " ورفيجاتها مو معاها شنو تسوي ؟

انا ما اسوق الله يخلي باص الجامعه
و شوفي الدكتور اللي تبين تأخذين عنده بس ما حصلج او ماده وحابه تعرفين عن شنو تتكلم كلمي الدكتور حضور استماع
بس

 

[Nmnoum]

^^ إيييي صح ., مآ طرى على بآلي ., ثينكيووو فوووفآآ :*

 

[Nmnoum]

انا عندي يومين بالاسبوع فراغ من الساعه 11 لي الساعه 3 ونص يعني تقريبا اربع ساعات والله محتاره مادري شسوي

مي توو ., ماتدرين يمكن نتصآدف ;p

 

[صب القفشه]

انا الكورس الي فات كنت اروح بيريكي بيت خالتي بعدين سارتلي سالفه لوووووول فما قمت ابعّد عن الكليه

و الحين عندي بريك ساعتين بس بين كل بريك و بريك محاضره

و يومين بريك ساعتين ان شاء الله يقزر

بس الله يعيني على كييفان ما احب اداوم فيها

 

[عواار قلب]

طالبه مصدومه
الله يعينج
صار معاي مرة هييييك فراغ
بس ماعليه اذا مع رفيجاتج سهالات~


بالنسبه لفراغي أفضل اقعد بالمسجد او المكتبه (ملحق 1)
هدوء ارتاح شوويه من الخز اللي بالممرات ههههه
والاهم ان صديقتي تكون معاي بسرع يمر البريك

موفقة*~

*

 

[لحظآتَ]

اكره شيء عندي البريك الطويل
لإني بطبعي مااحب اقعد مع احد .. علاقاتي سطحية ببنات الجامعه
فـ وقتي اقضيه بروحي ..
بس هالكورس اشوا ماعندي الا بريك واحد مدته ساعه يعني يقزر ببساطه


بس قبل كنت اقعد بالمكتبه اقرأ ..
أو بحديقه اللي يم العمادة .. اتأمل خخخخخخخخخخ
أو بالكفتريا أحط السماعات بأذوني عشان الازعاج واغفي عالطاولة
واذا عندي امتحان او شيء ادرس
بس هذا مجملاً , فكرة عن بريكاتي ..

 

[الحورية الصغيرة]

أوقف بدور ستار بكس كليتنا بعدين أنطر طلبي

يكون نص البريك طاير لوووووووووووووووووووووووووووووووووووووووووووووول


أقعد مع رفيجاتي , و ساعات أروح كافيه برا الجامعة ~

 

[FrFaSha]

أنــــام ما يبيله :rerrerek:

 

[~عيون الحب~]

انا اشهد ان حدها طحسه اللي ليلحين ماتسوق

المهم ،، ماجربت بس بقترح

قعدي مع البنات ، او اذا قعدتي بروحج روحي الكفتيريا تريقي قزريها ، سمعي مرينا اف ام خصوصا اذا كان وقت برنامج حدهم يسلّون تندمجين ، اذا فونج سريع جابلي يوتيوب تابعي مسلسل

وعجبتني فكره فوفا حضري استماع

ومرات الجامعه يسوون ندوات حدي اتشوق لهم ودي اروح ، اذا يناسبج الوقت روحي تضيعين وقت وتستفيدين

وان شاءالله تقزر

 

[أم الخجل]

انا عن نفسي بالبريكات يا . . . . .

- اروح المكتبه اسوي واجباتي وتقاريري .
- واذا عندي امتحان ادرس .
- اروح الكافتيريا اكل .
- احضر الندوات الي يسوونها الكليات .
- اقعد بالاستراحه اشوف البرودكاستات عالراااحه !!
- او اقزرها تووويتر << صج بسرعه يطير الوقت .
- اقرى كتاب احبه .
-اقعد مع رفيجاتي .
- احضر استماااع حق دكتور احب محاضراته .
- افرفر بالكليات الثانيه .
- لي صار وقت الاذان اصلي بالمسيد .
- والحل الاخير ارررد البيت بعدين ايي مره ثانيه حق الكلاس الي وراه


موووفقه :eh_s(7):

 

[أم منيـرة]

امممم مـا مرت علي بـريكـآت طويله ،،

لأن اغلب الوقت أسحب ع الدوام وأنام :/

بس بالبريكـآت يطير الوقت بالكـآفتيريا والبلـع ، ولما نروح من كليـة لي ثـآنية ..

ومـرات نروح الأفنيو ونرد

يعني هيك شي ..

 

[Meyyawa]

أسبح او ادق على خواتي و اروح عندهم بما انه بيوتهم قراب من الكلية

 

[Nmnoum]

إممم ثييينكييووو عطيتوني أفكآر

لأن واي مو صج تخيلو بريكآتي من ال 10 لي 1 أو من 10 لي 2 :*

شكلي بقزرها مع رفيجآتي اللي يسوقون على ما أطلع الليسن -.-