شنو تسولفون ؟؟

[(الامل بالله)]

السلام عليكم


بدش بالموضوع على طول ,,,

شتسولفون مع رياييلكم بالملجة ؟؟ انا تعبانة من هالشي ؟:0bee2e8d89:

تقريبا صارلي 4 شهور مالجة ، ومن ملجت وريلي مو من النوع اللي يسولف الا قليل جدا ، واذا بطلت اي موضوع ما ياخذ

ويعطي مع ان ساعات الموضوع يبيله نقاش بس يعطيج اممممم امممممم ايي اييي :cxxxp:

لاتقولون اهو بارد او شي لالالالا واااايد نوعه يحب الضغاط والفرفشة وانا بعد ، يعني لما مرات اختي تكون قاعدة معانا

تمووووووت من الضحك على سوالفه وتطنزه واشلون يعلق علي :dddds:

بس بالتلفون هدوووووء قاتل مادري ليش ؟؟؟؟ مع ان انا مسولفجية وغشمرجية وقرقة لوووووول بس معاه اطخ واسكت

وتخلص السوالف ؟ يمكن لأنه حسيته مايتجاوب بالمواضيع ؟؟ امس قلتله انت ماتتناقش الا بموضوع الجنس ؟ مستعد تقعد

تسولف بالساعات عنه :lkmnkl: يضحكككككككككك يقولي تحسسيني كل يوم نايم عندج ؟ خخخخخخخخ !!

قلتله من غير ماتنام عندي بس جنه خلصت المواضيع الا هالموضوع ....

يعني جد جد بنات مرات اكون قاعدة اسولف بموضوع ومنمدجة فجأة وبدون مقدمات يسألني سؤال جنسي ألعن ابو

الكسرة امسوي فيها جو ؟؟ مادري ليش هالكسرة السخيييييييييييفة يعني رومانسي والا شنو :cxxxp:

تكفون اشلون اسولف معاه ؟؟ قام يقولي انتي ليش ساكتة ؟ وانا قمت احس بملل ؟

بالله من وين اييب له مواضيع ؟ ابييييييه يسوووووولف يسوووووووووولف يسوووووووووولف :lkmnkl:​

 

[لوازم العائلة]

كل رزوج يختلف عن الثاني دام زين معاج لاتدققين على هالشي
والرياييل يحبون يسولفون بالجنس
دام هالموضوع يعجبه سولفي معاه

 

[كويتيه مذهله 87]

كلنا جذي حبيبتي بس السوالف ماتطلع الا بوقتها يعني ما اقدر اعلمج شنو تقولين سوولفي عن الي صار اليوم وأمس قوليله عن مستقبلكم يمكن نوع ريلج شوي كتوم وخجول مع الوقت راح يتعود عليج ويفرغ طاقته لوووول

 

[miss-chocolate]

والله كل واحد وطبعه

يعني اهي ميوله ومواضيعه اللي يحبها تقولين جنسيه

يمه منه هذا من اولها جذيه

يعني انا خابره بالملجه الريال اللي يسأل شنو تحبين تاكلين

منو تحبين اكثر من اخوانج منو اعز صديقاتج يعني من هالسوالف

 

[Gourges]

سولفيله عن موقفج واستهبالج وانتي بالمدرسه

ساليه عن مواقفه واستهباله بالمدرسه صدقيني اهوا بيسترسل الحديث بهلموضوع

قوليله شنوو كانت مواصفات فتاة احلامك لوول قولي والله من صجي بعرف وقول الصج ولاتقعد توصفني ;d
خليه يقول ...

قوليله وين كان ودك تتوظف قبل لاتشتغل بالمكان الي انت فيه ...

قوليله شنو برجك؟
احتمال يقولج حرام قوليله يبا بعرف شنو شخصيتك مو حظك اليوم ها

وقعدي قولي مشااكل البيوت وخليه يناقشج بالحلول علشان منها تعرفين تفكيره ومنها تزرعين فباله القيم الي تبينها ...

وتهددينه تهديد غير مباشر مثال على ذالك والله فلان تزوج على مرته وسكتت والله لو منها لا اخليه يشوف الصبح ليل والليل صبح ... مادري ليش ساكتتله لووول عاد احتمال يستهبل ويقولج اي عيل خل اتوكل على الله واتزوج انتي هم اخذيها على ضحك وهدديه ..
خخخخخخخخخخ مادري يعني اذا هلحجي ينفع ولا لا بس انا قلت لج على نطاق تفكيري ...

مممممممم واذا كلش مالقيتي سالفه ولا سالفه من بنات خالتج بنات عماتج ..

قولي عن قصص تقرينها بالمنتدى لمجرد النقااش وشوفي رايه وتحاوري معاه وبس تقزر السالفه ..

انشالله اكون غششتج محادثات حلوه

 

[(الامل بالله)]

كل رزوج يختلف عن الثاني دام زين معاج لاتدققين على هالشي
والرياييل يحبون يسولفون بالجنس
دام هالموضوع يعجبه سولفي معاه

اشلون ما ادقق وقمت احس اهو نفسي قام يتملل من المكالمة :lkmnkl:

قاعدة اسولف معاه بهالموضوع بس ماصار يوميا و24 ساعة !!! صراحة مصاخة

يحسسني ماخذله بهيمة حشاكم مو مرة لوووول :krkrkr:

 

[(الامل بالله)]

كلنا جذي حبيبتي بس السوالف ماتطلع الا بوقتها يعني ما اقدر اعلمج شنو تقولين سوولفي عن الي صار اليوم وأمس قوليله عن مستقبلكم يمكن نوع ريلج شوي كتوم وخجول مع الوقت راح يتعود عليج ويفرغ طاقته لوووول

ايييييي خير خجوووول ، الا جريء وجريء وجريء :j013:

اهوو متعود علي مو انه مستحي مني ... بس ما يحجي يمال الحجة لعدوه شقول بس لووووووووول

اذا سألته عن اي يقولي بالله هذي سالفة ؟؟ يغث و يحرج

واذا كلش كلش قالي اييي زين مني لي وقتها يصير خير ،، استغفر الله خووو قاعد نتكلم احنا اشفيها

 

[اليوم السابع]

رد : شنو تسولفون ؟؟

انا نصيحتي لج لا تكثرين كلام وقرقه وخاصة في هالفتره اللي المفروض يكون اهو اللي يقرق ويتكلم فيها لان الرياييل عقب العرس يقل كلامهم والمره عقب العرس يكثر كلامها هذا هو المعروف ثاني شي كثرة سكوتج ما تقل من قيمتج بالعكس الريال يحب المره كثيرة السكوت لانه يحسها غامضه والغموض هذا بعد ما اقولج عنه يعجب المره والريال ثالث شي اذا شفتي الوضع ممل على طول انهي المكالمه بكلمة تصبح على خير انا الظاهر سهرتك وانت بتنام او انا حاسه انك تعبان اكلمك بعدين هذا طبعا اذا كنت انت المتصله اما اذا كان اهو المتصل خل اهو اللي يسولف عاد وانت استمعي والله اذا اتبعتي هالطريقه بيغير اسلوبه معاج ويحس انه ما خذ مره لها عقل ممكن انه يحاكيه ويناقشه ويحترمه مو ماخذ وحده مو شايف فيها الا الجنس هذا الحين واهو حامي جنسيا باجر اذا طخ ما يلقى شي يكلمج فيه فمن البدايه عوديه انه يحترم عقلك

 

[(الامل بالله)]

والله كل واحد وطبعه

يعني اهي ميوله ومواضيعه اللي يحبها تقولين جنسيه

يمه منه هذا من اولها جذيه

يعني انا خابره بالملجه الريال اللي يسأل شنو تحبين تاكلين

منو تحبين اكثر من اخوانج منو اعز صديقاتج يعني من هالسوالف

اتصدقين مايسأل كلش !!!

واذا انا سألته مثل هالأسئلة جان قالي اشهالسخافة !! ما عندج سالفة صح ؟ خنسكر التلفون احسن لووووووووول :cxxxp:

 

[تالا_الحلوة]

حبيبي ترى عادي كلنا هيك بكرة لما تتزوجوا رح تصيروا تضحكوا على حالكم


هما الرجال دايما عندهم موضوع الجنس اهم موضوع عادي ما بيفكروا الا ب..........

انتي دايما اسأليه شو بتحب تاكل شو عملت اليوم كيف الشغل معاك وانتي احكيلوا شو صار معك مواقف اليوم شو صار معك بالدوام او بالسوق ..... إلخ


عاد معروفين النسوان بفتح المواضيع شاطرين لوووووووول

 

[(الامل بالله)]

سولفيله عن موقفج واستهبالج وانتي بالمدرسه

ساليه عن مواقفه واستهباله بالمدرسه صدقيني اهوا بيسترسل الحديث بهلموضوع

قوليله شنوو كانت مواصفات فتاة احلامك لوول قولي والله من صجي بعرف وقول الصج ولاتقعد توصفني ;d
خليه يقول ...

قوليله وين كان ودك تتوظف قبل لاتشتغل بالمكان الي انت فيه ...

قوليله شنو برجك؟
احتمال يقولج حرام قوليله يبا بعرف شنو شخصيتك مو حظك اليوم ها

وقعدي قولي مشااكل البيوت وخليه يناقشج بالحلول علشان منها تعرفين تفكيره ومنها تزرعين فباله القيم الي تبينها ...

وتهددينه تهديد غير مباشر مثال على ذالك والله فلان تزوج على مرته وسكتت والله لو منها لا اخليه يشوف الصبح ليل والليل صبح ... مادري ليش ساكتتله لووول عاد احتمال يستهبل ويقولج اي عيل خل اتوكل على الله واتزوج انتي هم اخذيها على ضحك وهدديه ..
خخخخخخخخخخ مادري يعني اذا هلحجي ينفع ولا لا بس انا قلت لج على نطاق تفكيري ...

مممممممم واذا كلش مالقيتي سالفه ولا سالفه من بنات خالتج بنات عماتج ..

قولي عن قصص تقرينها بالمنتدى لمجرد النقااش وشوفي رايه وتحاوري معاه وبس تقزر السالفه ..

انشالله اكون غششتج محادثات حلوه

امبيييييه عبالج مو مجربة كل اللي قلتي عليه !! :lkmnkl: مو قاعد يفيد معاه

مرة قاعدة اسأله عن دوامه وشنو كان وده ،، يقول شنو قاعدة اتسوين معاي مقابلة صحفية :eh_s(2): وعادي يسكر

السالفة ويكشت فيني دام مو عاجبته :lkmnkl:

واذا سولفت عن اي احد او سمعت سالفة بطلتها عشان نتحاور فقط لا غير يرد يقولي مالنا شغل بأحد كيفهم :cxxxp:

يابني ادم اهي سالفة وتتسولف اشفيه !!

وهم مرة سألته عن مواصفات البنت وشنو يتمنى ؟ كله يطنز ويستهبل ، يقول احنا مراهقين اشفيج ، المهم خذيتج وخلاص

اموووووووووت انا على الأسلوب والذرابة والرومانسية

واااي فنان بالتطنز والتدقر :lkmnkl:​

 

[دايم على البال]

رد : شنو تسولفون ؟؟

up up up up

 

[(الامل بالله)]

حبيبي ترى عادي كلنا هيك بكرة لما تتزوجوا رح تصيروا تضحكوا على حالكم


هما الرجال دايما عندهم موضوع الجنس اهم موضوع عادي ما بيفكروا الا ب..........

انتي دايما اسأليه شو بتحب تاكل شو عملت اليوم كيف الشغل معاك وانتي احكيلوا شو صار معك مواقف اليوم شو صار معك بالدوام او بالسوق ..... إلخ


عاد معروفين النسوان بفتح المواضيع شاطرين لوووووووول

انا من الحين قاعدة اضحك على حالي لووووووول :krkrkr:

ادري تفكيره كله جذي بس على الاقل جاملني ناقشني لما اسولف بموضوع ثاني ! لاعت جبدي بعد الجنس مو 24 ساعة

يصير شي ممل جدا !

والله اسأله من باب الحوار والسوالف ،، والله ماابالغ يقولي ترى انتي وايد تسألين وتحققين !!!

عاد انا اسأل عشان ابطل سالفة واهو يذبحني بهالرد

الله كريم :bbbiu:​

 

[(الامل بالله)]

رد: رد : شنو تسولفون ؟؟

انا نصيحتي لج لا تكثرين كلام وقرقه وخاصة في هالفتره اللي المفروض يكون اهو اللي يقرق ويتكلم فيها لان الرياييل عقب العرس يقل كلامهم والمره عقب العرس يكثر كلامها هذا هو المعروف ثاني شي كثرة سكوتج ما تقل من قيمتج بالعكس الريال يحب المره كثيرة السكوت لانه يحسها غامضه والغموض هذا بعد ما اقولج عنه يعجب المره والريال ثالث شي اذا شفتي الوضع ممل على طول انهي المكالمه بكلمة تصبح على خير انا الظاهر سهرتك وانت بتنام او انا حاسه انك تعبان اكلمك بعدين هذا طبعا اذا كنت انت المتصله اما اذا كان اهو المتصل خل اهو اللي يسولف عاد وانت استمعي والله اذا اتبعتي هالطريقه بيغير اسلوبه معاج ويحس انه ما خذ مره لها عقل ممكن انه يحاكيه ويناقشه ويحترمه مو ماخذ وحده مو شايف فيها الا الجنس هذا الحين واهو حامي جنسيا باجر اذا طخ ما يلقى شي يكلمج فيه فمن البدايه عوديه انه يحترم عقلك

الغموض شي ،، والسكوت اللي يوصل لدرجة الملل شي ثاني ،، مرات من كثر السكوت يكون اهو دايخ اقوله روح ارتاح نام

يقووووولي لا والله هذا اللي قدرتي عليه ، اروح انام !!

قام يسألني ليش ما تسولفين ؟ :cxxxp:

قمت اعطيها اياه اشكره

اقوله بعد كل ماتكلمت جعمتني شسويلك ، مادري اشتبيني اقولك ؟؟ :eh_s(16):

 

[نور الكوثر]

يتغير بعد الزواج ولا ادقين وايد ولا تسولفين وايد معاه تغلي عليه

 

[~*~الملكة~*~]

احسن حل انج تقللين المكالمات بينكم

 

[(الامل بالله)]

يتغير بعد الزواج ولا ادقين وايد ولا تسولفين وايد معاه تغلي عليه

احسن حل انج تقللين المكالمات بينكم

وهذا اللي قاعدة اسوييييه :eh_s(16):

 

[(الامل بالله)]

فووووووووووووق

 

[الأميرة جوري]

رد : شنو تسولفون ؟؟

خليه اهو يسولف وسالفه تير سالفه ..... احسن ماتقولين شيء انتى اصلا ناقلته من البنات خلج طبيعيه

 

[الشهد كله]

واعليه عليه 4 شهور ملجة وتلفونات وزعلانة تبينه يسولف :nocommint:

الريال مل وزهق من القرقة بالتلفون :eh_s(20):

متى العرس :ceaf32e183: يمكن لما تكونين معاه يسولف غير عن لما يكون بالتلفون

بصراحة بالتلفون ماكو سوالف غير وين رحتي ومنو معاج وشنو سويتي

اشتبينه يسولف مثلاً

عقب العرس يطلع لسانه وتطلع قرقته لا تخافين عليه :sfg:​