شنو تحطون حق عيالكم بجنطة الاكل للحضانة؟؟

[احلللى بدررر]

السلام كويتيات


انا دخلت و لدي عمره 3 سنين الحضانة و الابله قالتلي ان عندهم وجبتين الساعه 9 ريوق و الساعه 11.

شنو ممكن احط له في جنطه الاكل حق الفترتين ؟؟؟

فيدونا بتجاربكم؟؟

 

[opera]

رد : شنو تحطون حق عيالكم بجنطة الاكل للحضانة؟؟

الحضانه يعطونه اكل

انا بس احطله ماي لانه اهم يعطونه ريوق وسناك وغدا


حطيله اكل مفيد .. صمونه مع جبن او زعتر .. مربي او فول سوداني مفيد حق اليهال

بيضه مفيوحه

روب الفواكهه

حليب

تفاحه او موزه

كرواسون

يعني كل مره حطيله شي بحيث تكون وجبه متكامله

ولا تنسين تحطينله كاكاوه صغيره عشان يحلي فيها

 

[ام طمبحله]

رد : شنو تحطون حق عيالكم بجنطة الاكل للحضانة؟؟

حطي حليب كاكاو الصغيرون
دناو الصغيرون
توسته سمره بجبنه وبيضه مسلوقه وخيار وقصيها مثلثتين وغير فيها كل يوم زبده ومربى قيمر وعسل واي شي يحبه
كرواسان ميني الصغير واي نوع يحبه ولدج
عصي كي دي دي الصغار واي شي يحبه ولدج
بسكوته
بطل ماي صحه صغيرون

والله يخليه لج يارب

 

[قسي قلبك تعيش]

روب
توست بالبيض
عصير
حليب
ماي جبن حبات اذا يحب
شوربه
كيكة
نوع من الفواكه اللي يحب

 

[بحور الذكريات]

رد : شنو تحطون حق عيالكم بجنطة الاكل للحضانة؟؟

والله انا نفسج محتاره عيالنا علامناهم على البطاط والعصير وتهوهقنا
المدرسه ماترضى فيهم احطله توست وجبن
وفواكه وبسكوت
وكل مره اغير ويرد نفس مااهو والله صج يكسر خاطري وماني عارفه شسوي

 

[dnyay_mll]

رد : شنو تحطون حق عيالكم بجنطة الاكل للحضانة؟؟

صمون مرتديلا بالجبن

صمون هوت دوغ او قطعتين هوت دوغ مقلي بدون صمون

شبس وقطعتين ناجت وكيس كاتشب

ذره مسلوقه كامله

ذره حب مع شوية ليمون وملح

فطاير جبن او سبانخ او لحم او زعتر

بيتزا
صمونة بطاط بالكاتشاب والمايونيز

اذا تعرفين العواد الخشب الطوال حشي فيهم هوت دوغ الصغير مشوي وقطعة جبن تشيدر وطماطه الصغيره شكلها حلو وتشجعه ياكل

ودايما حشيله بالعواد فواكه او خيار او جزر



تقدرين تضيفين للسناك

سويسرول مقطع

او كب كيك

او بسكوت اوريو

او قطعة شابوره ممسوح عليها جبن كيري

او كيس كورن فليكس حبوب الكاكاو

او قطعة توست محمصه وممسوح عليها كاكاو نوتيلا او شوية كاتشاب او جبن

اذا تعرفين القطاعات الصغار مالت البسكويت قطعي التوست فيهم وحمصيه دقيقه بالفرن ورشي عليه شوية زعتر بيستانس عليهم

موزه او تفاحه او فراوله او عنب



ولازم تحطين في الجنطه 2 عصير جونيور او حليب كاكاو بالحجم الصغير وكيس بطاط ولاتنسين مطارة الماي

هذا اللي عندي حاليا اذا تذكرت شي بقولج احس تعقدت من ولدي اسم الله عليه من كثر مااحط له بالجنطه

 

[ANON AL-A]

حطي له ساندوتش الي يحبه وحطي له مويه وحليب الصغير مثلن موز فراوله شوكلت وحطي له عصير بعد
وبعد تقدرين تقطعين له خيار وجزر وتحطين له دب معهم روب مثلن
وتقطعين له مثلن تفاحه والا عنب نوعي له كل مره ولا تنسين حطي له من انواع الكاكاوات الي يحبها مثلن حبه حبتين بالكثير
وتقدرين تجيبين له الكورن فلكس الي بالجمعيات العلبه الصغيره وياكله وطبعن حليب صغير
وعوافي على قلب وليدك يارب :082502bye_prv:

 

[om MaRyooM]

ومنكم نستفيد



بس اهم شي لاتنسين الفواكه كل يوووم .. والبرتقال والعنب والتفاح من اكثر الفواكه المفيدة حق الطفل

واذا يحب التمر حطيله وايد مفيد ويعطيه طاقة بسرعة

 

[sweet lady]

فيدووونا اكثر

 

[ANON AL-A]

ان شاء الله الصور تطلع
شوفي
1- زي هذي مره حلوه الفكره وسهله


2-شوفي هذي الفكره بعد حلوه وسهله


3- كب كيك