شنو تاكلين وقت الدورة الشهرية :)

[فراشة الجمال]

~::بسم الله الرحمن الرحيم ::~

السلام عليكم ورحمة الله وبركاته
كيف الحال ؟ نشكر الله عال العال نشكر الله << متأثرة بنشيدة ديمة بشار
بنات حبايبي ، طباخاتنا الأمورات:sfg:، بغيتكم بطلب ودي ماتردون:eh_s(22):، طبعاً طلبي من العنوان
واللي هو : أنا مع الأسف وقت الدورة الشهرية حييل حييل أتعب وأصير كني ( أستغفر الله ) ميته ، من العوار طبعاً، فأول يوم مستحييييل أكل شيىء والسبب 1 أكون تعبانة حييل 2 عزكم الله ( أرجع ) اللي أكله، رحلتي مع الأكل تبدأ في ثاني يوم:eh_s(11):، وطبعاً كالمعتاد أرووووح المطبخ وأحط أيدي على خدي أفكر > شنو أكل ياربي؟ :eh_s(10): < ، عشان جذي الله يخليكم علموني وجبات أو طبخات أو أي شيىء ينحط بالبطن الفارغ ( مثلي طبعاً ) سهلة وبنفس الوقت مفيدة وغنية تصلح لبنت نفسي،تعبانة وهمن كسولة ومالها خلق :ch12: ، أتمنى أنكم فهمتوا قصدي وماتردوني

يلا همة::~ بنات الطبخ الفائقات، اختكم في حاجتكم وانتظاركم :eh_s(9)::eh_s(9)::eh_s(9):

 

[عسل uae]

اعتقد اي شيء بعيد عن الغازات والاشياء الباردة .. والفواكه حوامض لا تاكلينها ..
يفضل خبز لحم دجاج يعني وجبات رئيسية وابتعدي عن المشروبات الحامضة والغازيان كلها ..
وخففي سلطة هالكم يوم ..
ولا تمشين ابدااا حاافية .. ولا تنامين تحت المكيف مباشرة .. وان شاء الله ما عليج شر ..

 

[فراشة الجمال]

مشكورة يا عسوله على المعلومات اللطيفة

والحمدلله إنج نبهتيني على السلطات عاد أنا كنت ناويه أخلي أكلي كله سلطات << على بونه مفيييييد
وأمي دايماً تقولي متى ماجعتي أكلي خبز وجبن وطماط مع كوب حليب أو شاي أعشاب

طيب أختي اشرايج بالشوربات ؟

 

[جارة القمر]

المشروبات الغازية والحمضيات



الباميه



البطيخ والرقي أول 3 ايام ابتعدي عنهم



الدورة تتعبر مثل النفاس أخذي ادوية وقبوط وعصيده ومرقوق



ناس وايد تأكل هالأك وقته



,انا صج مثل حالتج

 

[فراشة الجمال]

مشكوووورة قمورة ،والله يعيني ويعينج << في الهوا سوا

 

[فراشة الجمال]

صج بنات بغيت أخذ رايكم؟
اشرايكم بأكل هذه المأكولات وقت الدورة ( الرز > العيش < ، البطاطس ، القرع ، الطماط والخيار، السمك واللحم، والخضروات بشكل عام )؟؟

 

[نـوت الحلا]

ديري بالج لا تاكلين قرع ترا يخرب واكلي عصيدة تمر مع ادوية مثل مردود وستينية طبخي دياية وكثري خضرا معاها وحطي شعيرية ترا وايد مفيدة وحتى البيض المسلوق وايد زين وشربي اعشاب وكلة سوائل حارة ماتشوفين شر حبوبة ​

 

[فراشة الجمال]

مشكووووووووووورة أختي الغالية نوت الحلا على النصيحة الحلوه وزين انج نبهتيني عل القرع، بالتوفيق لج حياتي

 

[اسلام 77]

اختي اشتري من الحواج قشر القهوه واشربي منه قبل الدورة بيوم وهم اول يوم الدوره يروح العوار ماتحسين فيها
لأن أنا كنت مثلك اول والحين الحمدلله ما حس بأي عوار

 

[احساسي غريب]

لا تاكلين طماط ولا شي فيه حموضه واشربي اعشاب وكثري شوربات واي شي تاكلينه حطي معاه فلفل اسود

 

[السيدةالانيقة]

ماقصرووو الخوات وياج بردودهم ... المتزوجة وايد شخلات تاكلها غير عن البنت اكلها سهل ...انا اختي لصغيرة توها بالثانوي
اذا عليها الدورة بس تشرب اشياء حارة واعشاب بسيطة
مثل الزعتر والبابونج والمرامية ...الخ من الاعشاب <<طبعااا بأشراب الوالدة وألا اهي تموت علي الثلج والاشياء الباردة

لازم ماتحسين باليوع يعني توزعين اكلك علي فترات كميات بسيطة والوجبة تكون مغذية وتشملها السلطات بس بدون أي درسنج داخل الليمون او الخل في تكوينة والافضل فقط ملح وزيت ...والفاكهة اكلي الي تحبين ماعدا الرقي والبطيخ والعنب .. اما البرتقال لاتأكلينة وانت يوعانة وتكفي حبة وحدة بس ويكون بعد الوجبة بنص ساعة والافضل ساعة ...(((من برنامج التغذية السليمة للكل )).... ودفي نفسج عدل يعني لاتقعدن بالتكييف الا وانتي لابسة ومغطية جسمج مو نفس الايام العادية مهم جداا لفي راسك او اذونج برطة حلوة ..للتدفأة الاذون والرأس..نسيت البامية لاتأكلينها
اما اذا متزوجة الحديث يطووول وياااج:eh_s(16):
اي استفسااار انا حاضرة:eh_s(7):​

 

[توتو ستايل]

اهم شي وخري عن البيبسي والأجار والمخلل
انا عن نفسي اخذ حسو من وحده وايد يريحني ويخليج تنظفين بسرعه تسويه يهبل
وكثري من الفلفل البارد
انصحج بالحسوو وايد يريح لوقت الدورة وللنفاس وحتى اللي تطرح
اذا حابين تجربون الحسو كلموني خاص اعطيكم رقم المرا

 

[فراشة الجمال]

الله يعطيكم الصحة والعافية ياخواتي الفاضلات ، المعلومات اللي قدمتوها كفت و وفت ، جزاكم الله خيييير وإن شاء الله كلنا يكون وقت الدورة الشهرية عندنا من أحلا الأوقات << لايتطبق علي العكس صحيييح

 

[رمانة خضرا]

ماقصرووو الخوات وياج بردودهم ... المتزوجة وايد شخلات تاكلها غير عن البنت اكلها سهل ...انا اختي لصغيرة توها بالثانوي

اذا عليها الدورة بس تشرب اشياء حارة واعشاب بسيطة
مثل الزعتر والبابونج والمرامية ...الخ من الاعشاب <<طبعااا بأشراب الوالدة وألا اهي تموت علي الثلج والاشياء الباردة ​

لازم ماتحسين باليوع يعني توزعين اكلك علي فترات كميات بسيطة والوجبة تكون مغذية وتشملها السلطات بس بدون أي درسنج داخل الليمون او الخل في تكوينة والافضل فقط ملح وزيت ...والفاكهة اكلي الي تحبين ماعدا الرقي والبطيخ والعنب .. اما البرتقال لاتأكلينة وانت يوعانة وتكفي حبة وحدة بس ويكون بعد الوجبة بنص ساعة والافضل ساعة ...(((من برنامج التغذية السليمة للكل )).... ودفي نفسج عدل يعني لاتقعدن بالتكييف الا وانتي لابسة ومغطية جسمج مو نفس الايام العادية مهم جداا لفي راسك او اذونج برطة حلوة ..للتدفأة الاذون والرأس..نسيت البامية لاتأكلينها
اما اذا متزوجة الحديث يطووول وياااج:eh_s(16):

اي استفسااار انا حاضرة:eh_s(7):​

مشكورة يالحبيبه على التوضيح بس شلون بالنسبه حق المتزوجه؟ شنو الاكل الزين :eh_s(10):

 

[تووتو ستاتل 2]

نكي معلق مادري شسالفته توتو ستايل
المهم اللي راسلوني عالخاص ماقدر ارد عليهم
وهذا رقم اللي تسوي الحسوو 99258646

 

[reem1987]

حبيبتي شربي دارسيييييييييييييييين حيييييل يريح وينظف


وكل خالتي تقولي مو زين تشربين ميراميه بالدوره فابتعدي عنهااااا وابتعدي عن المشروبات الغازيه والايس كريم والحمضيات