شنو تاخذ العروس معاها للصالون ؟؟

[w0o0dy cullen]

السلام عليكم

بنات عندي سؤال

العروس بيوم عرسها بالصالون شنو تاخذ معاها من اغراض مهمه .؟؟؟؟


ويعطيكم العافيه )

 

[جـــوووبـــا]

جنده تحط فيها اكسسواراتها وملابسها الداخليه ولوشناتها وعطوراتها وبس وطبعن بدلتج معاج ولانتسين الجوتي ونتي بكرامه والرداء الابيضض اذا طلعتي اهم شي حطيه بالجنطه والمسكه طبعن تجيج بالصالون وبالتوفيق

 

[دآنة آلرشآيده]

تجهزين جنطه صغيره حطي فيها
مبخر صغير وبخور عطرج واهم شئ العلج
العدسات الطقم اللي بتلبسينه وساعتج
انا خذيت معاي بطل صغير ماي مقري علي
وشربته وخصوصا لما خلصت مكياج ولبست
وبس هذا اللي اذكره..

 

[#الترف الخجول#]

ماقصرو البنات ومنهم نستفيد

 

[ميمي توينتي]

ان شاء الله يكونون البنات ساعدوج

انا والله لسى على باب الله ماجاني نصيب

دعواتكم لي حبايبي ...

 

[#الترف الخجول#]

ميمي الله يوفقج ان شاءالله ويرزقج بالنصيب الصالح اللي يسعدج قريييييب ان شاءالله

 

[عيونك اخر آمآلي]

واللـه حتى انا مادري شآخذ لووووووووووووول

بنات وين ينباع الرداء (رداء ليلى والذيب )

 

[ريحاانه]

أكيد جنطه وبتحطين فيهاا عطرج وبخوورج ومبخرج لاتنسينه .. ولوشناتج ودهن عود وبعد لاتنسين أخذي حمره نفس لون الحمره الي بتحطينهاا علشان أكييد بطريج بيشربون عصير أو ماي علشان تعيدين عليهاا من يديد ومراياا لطريج لوووووووول صج في شغله بنبهج عليهاا إذ ما جاتج الدوره وحسيتي أنهاا ع وشك أخذي أحتياط لان في بنااات أعرفهم يقولون انزلت عليناا من كثر الخوف وبس وإن شاءالله البنات مايقصرون وموفقه ياارب ولاتنسين الماي المقري والمعوذات والله يوفقج اميييييين ​

:nbvppw:

 

[هيبة فتاه]

جنطة صغيره فيها حلويات ( لوووووووووووووووووول حدي جوعانه )

كل العرايس موفقين ( ليما الحين مو متزوجة ) *-*

 

[G!RLY-PAci]

الله يوفقكم انشالله ويسعدكم ويهنيكم يارب
واللي متزوجه الله يسخرها لريلها ويسخر ريلها لها ويرزقها الذريه الصالحه
واللي ماتزوجت الله يسخر لج الريل اللي يعزج ويرزج ويحترمج ويصونج ويحبج وكل شي
اااااااااامين يارب

 

[عمشه جآكسون~]

فوق فوق

 

[w0o0dy cullen]

مشكووووورين بنات ماقصرتوووووا والله
والله يرزقكم يآآآآآآآآآآرب

 

[عروس ناعمه]

ماقصروا البنات
وبالتوفيق

 

[هيـآآطً انثـےَ]

هلا وغلا حبي

تـآخذين معـآج

1* بدلتج

2* ملابسج الداخليه (( اخذي اثنين احتيااط ))

3* عطر

4* لوشن المفضل عندج

5* اكسسواراتج (( الشبكة _ الساعه ))

6* الكعب وانتي بكراامه

7* عدساتج << اذا تلبسين (( كحل _ كريم اساس_بودره))

8* واهم شـــــــــــــــــــــي ((مثبت المكيااج وافضل <<< الفكس "مـآآك"


وبــــــــــــس ^_& :sfg:

 

[انوثتى بقلبى]

جنطة فيها بوكج وعطرج وديودنج وكسسوارتج وجوتيج
ووو الرداء ملابسج الداخلية حلاوة او علج

الله يوفقج

 

[حياة مشاري]

وعليكم السلام ورحمة الله وبركاته


العروس تاخذ معاها بجنطة الصالون ما يلي :-

1-- جنطة فيها ( قرآن اذا بتقرا سورة البقرة أو يس + فرشاة ومعجون بعد الغدا وقبل الميك اب ومعطر للفم + وميك اب اضافي للتعديل بودرة وحمرة + وفلوس كاش للصالون والمطعم وللمسكة واحتياط وصدقة+ وفواتير الحجوزات للصالون والمسكة واالموزين + ومبخرصغير ، فحم ، ولاعة والعوووود الأصلي ودهن العود واللوشن والديودرنت=مزيل العرق والعطر الاساسي ... )

2- كيس الملابس ( فيه البدلة البيضاء والطرحة والرداء والملابس الداخلية )

3- كيس عادي ( فيه عزكم الله صندل العروس)

 

[الغاليه نونو]

قبل كل شي تاخذ معاها مصحف صغيرون تقرا وترقي نفسها وسيادتها تصلي فروضها وعقبها تحط كل خرابيطها اللي تبيهم

 

[~Rou7~]

ما قصرتوا بنات بصراحه استفدت منكم :sfg:

 

[ضحاوي الديره]

بناات احس هم باجي بعد اغراض ماذكرتوها مادري ليش !!
بليز ابي وحده تقولي كل شي بالتفصيل الممل الله يبارك فيكم

 

[لـولـيـتـا]

up

up

up