شنو برنامجكم اليومي بالعطله؟ادري انه باتخلص بس دشوا!خخخخ

[سمسميه]

بنات العطله باقي لها شهر تقريبا:eh_s(9):
والي ما سافروا زي حلاتي
شنو برنامجكم اليومي؟
وين تطلعون كل يوم؟ واذا ما طلعتوا شاتسوون؟
وين تودون الياهال؟
حنه ورنه وراسيي صدع منهم الله يحفظهم:eh_s(13):
فيدونا بتجاربكم

 

[أسيرة قلبه]

والله ما كو مسويه خشمي و محبوسه بين اربع طوف

 

[سمسميه]

بتيت الله يعينج ما تشوفين شر

نبي انشوف ار اء البنات فيدونا

 

[اوووسه]

دوام ودوام ودوام شنسوي

بعد الشكوى لله

 

[pink rain]

ماكو والله انا سهر وماانام عدل ويا عالنت او التلفزيون ولازم اخصص ساعة يوميا لقراءة القران احس براحة ويروح عني الملل والضيقة وساعات ارتب غرفتي واتحرش بامي وابوي

 

[زلابيا]

سهر لين تطلع الشمس وما اقعد الا الساعه 2.30

وبعدين اتغدى واشوف وين اروح .. وغالبا طلعاتنا تكون السوق اللي فلسنا من كثر ما نروحله

وبس ولي رديت البيت اغلب وقتي على النت .. التلفزيون مو ذاك الزود ماكو شي ايونس صراحه

وبس سلامتج

 

[سمسميه]

بنات شكلكم عزابيات صح؟؟

الا ليت الشباب يعود يوما!! ايام السهر والنوم لي لعصر
عليكم بالعافيه


المهم
نبي الامهات وينكم؟ شلون تتخلصون من حنة الياهال؟؟

 

[شندوخه]

سينماااا هاليومين صايرين من اشد المتابعين لها وننطر الافلام اللى بتنزل
ومطاعم جووود الوزن يزوود

 

[بنت الدلال]

مــانام الا الساعه 6 واشــوف 4 العصــر


الاسبوع الي طاف اقوم ونروح المستشقى حق يدتي ... الحين طلعت لمه اقوم نطلع نروح اي مكان ونرجــع

بــس


أكــل ومرعى وقلة صنعـى على قولتهم ههههههه...

 

[سمسميه]

وااااااااااااي يعني كلكم سهر ونوم!!
نبي اكشن! نبي اكتيفيتي!

بنات شكرا لمشاركاتكم يا النوامات!

وينكم يا الامهات شتسوون بالياهال الحنه؟ وين تودونهم؟

 

[dlooo3a]

حتى انا سهر لى الصبح واقوم العصر ومرات اطلع ومرات اقضيها بالبيت والنت وtv وبسسسسسسسسسسسسسسسسسسسسسسسسسسسسسسسسس

 

[& ياملحي كيوووت &]

يعني مافيه احد اخذ دورات اشترك بشي نبي نستفيد

 

[سمسميه]

بنت الدلال
ما تشوف شر يدتج

 

[كويتية صغيرة]

انا عيالي دخلتهم نادي صيفي
وايد استفادوا بصراحة
حفظوا بعض السور من القرأن و جربوا بعض الطبخات الخفيفية وودوهم رحلات.
اما انا
فسويت برنامج لي
كتبت لي لسته بالأعمال التى راح اسويها بالعطلة لأنى ما احب الوقت يضيع من دون عمل:
امثلة على اعمالي في العطلة:
* مراجعة طبيب الأسنان و عمل تنظيف شامل.
* جرد على كتبي و اوراقي.
* تنظيف عميق للبيت + كبتات اليهال
* زيادة العناية الشخصية من كريمات و حمام زيت
* تجهيز اغراض المدارس و العيد و رمضان ..... لأن كلهم مع بعض.
* امور اخرى مثال حاطة ببالي اروح مكتبة جرير وايد يمدحون كتبهم
* الإكثار من قراءة القرأن و حاطة ببالي اسوي جدول كل يوم اقرأ كم صفحة و اشوف لوين بوصل

 

[بطاطا]

انام و اقوم الفير و اشبك لحد العصر و انام و اقوم الفير و اشبك لحد العصر انام و اقوم الفير و اشبك لحد العصر انام و اقوم الفير و اشبك لحد العصر


هذا من اول ما عطلت من الصيفي العطلة اللي حق الامتحانات المفروض

مادري شلون بدرس حق امتحاني الاربعا << جنه باجر !!!!



ملل × ملل​

 

[سمسميه]

كويتيه صغيره
ما شاءالله عليج جدولج حلو ومرتب
انا تقريبا سويت لي جدول مشابه لج من اعمال التنظيف والعنايه الشخصيه
بس للاسف ما خصصت وقت للقران الكريم ببدي اخصص لي وقت ان شاءالله
اما الياهال
فبناتي مو مال نوادي يبجون وايد لاصقين فيني!
علشان جذيه مبتلشه كل يوم طلعه مره بيت اهلي مره خواتي مره مجمع مره مطعم
بس تعبت من الفراره والمصرف!

بطاطا
ههههههههه ضحكتيني
الله يوفقج بامتحانج يا رب

 

[لوكريسيا]

يا حليلج يا سمسمية

ولدي دخلته النادي العلمي و باجر اخر يوم .. و انا اشتركت بنادي صحي و خليت وقت النادي مثل وقت نادي ولدي ... يعني كل سبت و اثنين و اربعا اودي ولدي النادي الساعة 5 العصر و اروح النادي اخلص من النادي ارد البيت اتسبح و اروح اخذ ولدي

بالنسبة حق ننوش الصغير ماكو اكتفيتيز كلش ملش

و الأيام اللي ما نروح فيها النادي تكون طلعات متنوعة:
* بيت اهلي
* بيت اختي
* شاليه
* و بدق على امهات ربعه اللي كانوا معاه بالروضة بقولهم نودي اليهال ( شلة الأنس ) حولي بارك على الاسبوع الياي بإذن الله

* بشوف ملابس المدرسة و اغراض المدرسة بحاول اجهز من الحين قبل الزحمة و قبل لا الناس ترد من السفر

 

[سمسميه]

لوكريسيا
ما شاءالله شي حلو انج تتعرفين على امهات ربع ولدج
انا بناتي مو اجتماعيين وايد اكثر شي مع بنانت عمهم
والحين صاير عندنا ازمه لانهم مسافرين
وبناتي مطلعين لي قرون الله يحفظهم

 

[لوكريسيا]

صارت صدفة .. عنده اثنين توأم بنفس الصف و كل ما نطوف بالسيارة على بيت فيه قرميد يقولي يمااااااااااا هذا بيت فلان و فلان (عن التوأم ) .. ينني الف بيت و بيت فيه قرميد

عاد يوم من الايام كنت رايحة اخذه من الروضة على الهدة و لا اشوف ربعه التوأم .. قلت لهم تعالوا انتوا وين بيتكم ؟؟ يوصفون غلط و كله يقولون لي فيه أحمر (قرميد و مو عارفين اسمه ) قمت و طلعت ورقة من جنطتي و كتبت رقم موبايلي عليها و قلتلهم عطوها أمكم خل تتصل عليي ادليني بيتكم .. و لما قلت لهم جذي صفوا عليي ربعه الباقي احنا بعد نبي نعطي أمنا رقمج و عطيتهم و تواعدنا في بيت وحدة فيهم يم بيتنا .. و قعدنا تعرفنا و سوالف و جاي و معجنات و اليهال يلعبون و يتشيحطون جدامنا


بس

 

[سمسميه]

كما شاءالله
الله يتمم عليكم
وترى الاجانب كله يسوون جذيه!