شنو اهي نظرتكم للبنت الدكتوره بصراحه ..؟؟..حياكم ..نبي مشاركة الكل ..

[dr.maha]

السلام عليكم

شلونكم بنوتات و شلون رمضان وياكم حبايب قلبي ..:wqedqw:

احم انا اول مره اكتب موضوع بمنتدى كويتيات ..و أتمنى ألقى تفاعل ..:eh_s(22):


شنو اهي نظرتكم للبنت الدكتوره الكويتيه ..؟؟

طبعا مثل ما انتو عارفين ان في بعض دكاتره ..يداومون الفير ..و خفارات و حاله ..و اختلاط مع الرياييل 24ساعه ..

فـ هل ممكن ان هذي تكون ام ..و زوجه ..مسؤوله عن بيت و عيال و زوج ..؟؟

اللحين للي يقرون الموضوع خل نفرض انج ام ..و عندج ولد ..ممكن انج تخطبين له دكتوره ؟ بصراحــــه ..؟

و تدرين انها ممكن ترد من دوامها 1 او 2 بليل ..هل انتي راضيه تدش عليج البيت هالحزه؟؟

و تدرين ان زملائها رياييل ..و لازم تختلط وياهم و تناقشهم بحالة المرضى ..


و انا طرحت هالموضوع ..عشان شسمه ..:eh_s(22):

بعرف نظرتكم لي لا تخرجت و صرت دكتوره ..:eh_s(4):

علماً بأن انا خجوله حيييييييييل مادري شلون بتافهم مع الدكاتره و مادري شلون بتأقلم مع وضع الأختلاط بكلية الطب..:eh_s(22):

بنتظار ردودكم يا عسولات ..:eh_s(22):

 

[حقوقجيه]

اكيييييييييييييييييييييييييد الدكتوره حالها حال اي مراه ثانيه مدرسه مهندسه محاميه اكيد فيها حس الاممه وتصلح تكون ام واكيد بنت اصول وتعرف توازن بين بيتها وعملها وبالعكس انا اتمنى اخذ حق اخواني كله دكتورات عشان يدخلون علينا جينات ذكاء لووول

 

[dr.maha]

لووووووووووووووووووووول

اشوه يعني نظرتكم للدكتور اوك ..الحمدلله الحمدلله ..

بانتظار باقي الردود ..: )

 

[zoozoo]

و الله الدكتور غير عن كل الوظايف ..

و كافي ان مهنة شريفة

و أكيد أشوفها بنظرة احترام و تقدير

قبل كانت الظروف غير .. و الدكاترة الكويتيات شوي مو مثل الحين ماشاء الله


فالوضع صار طبيعي

 

[فرفوقه]

انا اشوف ان الدكتوره نفس اي وظيفه ثانيه ويمكن احسن
انا اتمني اصير دكتوره ,,,, بس انا حيل غبيه لوووووووووووول
اللله يوفقج وتصيرين احسن دكتور

 

[كرز حالي.]

رد : شنو اهي نظرتكم للبنت الدكتوره بصراحه ..؟؟..حياكم ..نبي مشاركة الكل ..

والله اتشرف ان زوجة ولدي دكتوره وفتخر فيها بعد
بس الناس اللي تفكر جذي متخلفه ورجعيه
والمره المره الحين ايااااا كانت وظيفتها لازم تتعامل مع الرجل بهالوقت

 

[MiSs Roma]

انا دكتورة و عااادي وايد انخطب مافيها شي لا تحاتين

>>> ما عليج الدكتورة حالها حال أي مراة ثانية و بالعكس مرغوبة

بس لا تتخصصين تخصص تتعاملين مع ريايل وايد لان الرياييل يغارون لول

بعدين شفيج مطفوقة على الزواج ههههه درسي و خلصي بالاول << اتغشمر مو تزعلين

* الله يوفقج و يكتب لج النصيب الزين يا رب *


----

 

[Loutes]

رد : شنو اهي نظرتكم للبنت الدكتوره بصراحه ..؟؟..حياكم ..نبي مشاركة الكل ..

الوضع عادي يا حبيبتي تصيرين ام واحسن ام بعد

 

[Miss.6Mo7]

كلية الطب بآب العنوسـة .. لول < كلمة أبلتــي ,

بس أنآ ضــد هالشي , لان كل شي بيد ربنآ سبحآنه , وطبعاً بتكون نظرتي لهـآ نظرة إحترآم وفخر

 

[Natasha]

وليش مانرضى ناخذ دكتوره

ماكو احلى من جذي

بعدين اشفيها الدكتورة بنت ناس واصل وفصل وتربية واخلاق ولا ماطلعت دكتورة

جان زين اخوي ياخذ دكتورة

 

[♥MaSteRiyA♥]

رد : شنو اهي نظرتكم للبنت الدكتوره بصراحه ..؟؟..حياكم ..نبي مشاركة الكل ..

لووووووول ضحكتيني الله يهداج بس
الدكاترة يا عمري جـــــــــــــــــــــــــذي :eh_s(15):

الله يوفقج ويوفقنا ان شالله​

 

[جلاديلياس]

بالعكس الدكتوره ملااااك الرحمه وانا اقدر واحترم الدكتووووره وااااايد واحسها ام حنووونه واكثر

 

[dr.maha]

انا دكتورة و عااادي وايد انخطب مافيها شي لا تحاتين

>>> ما عليج الدكتورة حالها حال أي مراة ثانية و بالعكس مرغوبة

بس لا تتخصصين تخصص تتعاملين مع ريايل وايد لان الرياييل يغارون لول

بعدين شفيج مطفوقة على الزواج ههههه درسي و خلصي بالاول << اتغشمر مو تزعلين

* الله يوفقج و يكتب لج النصيب الزين يا رب *


----

اممم لا انا ابي بشري و البشري ابو الأختلاط ..

لا لا ههههههههههههههه شكو مطفوقه ..ان شاء ناوين نخطب حق اخوي دكتور فـ من جذي قاعده اشوف رايكم ..

اساسا انا راحت علي محجوزه هههههههه

وليش مانرضى ناخذ دكتوره

ماكو احلى من جذي

بعدين اشفيها الدكتورة بنت ناس واصل وفصل وتربية واخلاق ولا ماطلعت دكتورة

جان زين اخوي ياخذ دكتورة

حياج الله اختي رايج على راسي من فوق ..تسلمين يا قلبي

 

[dr.maha]

حبايبي البنات اشكركم على مروركم ورايكم ..

تسلموووووون حبايبي ..

 

[MiṦs ♥ fĩẍ]

اشرف مهنه و احسن وظيفة و اقوى معاش اكو احسن من الطب لا تخافين و لا تحاتين نظرة الناس للدكتورة زينه و انها بنت شريفة و بنت ناس و شاطرة و ذكيه
و لا تخافين و لا تحطين بال نصيبج بييج بييج لو شنو درستي ما راح يوقف بطريجج شي و الناس اللي ترفض الدكتورة على ابو التأخير بالدوام و الاختلاط اسمحيلي بس هالناس متخلفين و رجعيين و ضد نجاح المرأة

انا بعد طموحي اصير دكتورة و انشاءالله الله يوفقنا و نصير احسن دكتورات بالكويت قولي امين

 

[dr.maha]

آآآآآآآآميييييييين

مشكوووووووورين حبايبي

 

[n.m.3.k]

عااااااااااادي مافيها شي والله بنت خالتي دكتوره ورجلها دكتور وعايشين عادييييي وبالعكس هاذي المهنه الكل يحترمها ويقدرهااااااااا حييييييل
والله يوفقج ياااااارب.

 

[خوآطر خفوقي]

بالعكس نظره المجتمع الكويتي للدكتوره حلوهـ ..

مافيها شي كفايه انها تقوم بمهنه شريفه ومحترمه ..

عسى الله يوفقج .. ويوفق اخووج ..

 

[G!RLooNa]

انتي تخرجتي من الثنويه ولا الجامعه؟؟ اذا من الثويه بعد وراج درررررب على ما تصيرين دكتوره لووول و على فكره ترا الحين خفارات الليل انلغت حق البنات بس حق الشباب البنات خفارتهم العصر هم هذا شي زين... و اذا انتي مستجده بالكليه يعني انتي وياي اشوفج هناك نكست يير بس انا صيدله مو طب

 

[نيولوفر]

نظرتي للدكتوره كلها احترام و تقدير و فخر و مهنتها مهنه شريفه