شنو المرض اللي في قطوتي ؟؟؟؟؟؟؟

[أم سلطان 2009]

الله يسلمكم ....... قطوتي عمرها 3 اشهر
ومن فترة شفت فيها فراغ في ظهرها على شكل دائرة ... طبعا ما كو شعر
يعدين طلعت بقعة ثانية في ايدها ... وديتها البيطري وعطاني كريم واستعملتة وما نفع
عاد اليوم فيها حمى وشكلها حتى مو قادرة تمشي
ما ادري البقع هذة اهي اللي يسمونها ( القراع ) ؟؟؟؟؟
ساعدوني شسوي

 

[shayo0oma]

اختي هذا اسمه فطريات شوفي اهوا ترى يصير بكل القطاوه النظيفه والوصخه
عليج انج ما تخلين اليهال يمسكونها وانتي اول ما تمسكينها غسلي ايدج وعزليها بمكاااااااااان بروحها واذا عندج قطاوه غيرها وخريهم عنها
وعليج انج تدهنين هالمكان بالكريم الي عطاج اياه الدكتور وروحي الصيدليه البشريه اشتري لها شامبو اسمه بيوزرال سمعت انه منقطع في واحد اسمه فافو سبحيها كل يوم بهالشامبو ونشفيها عدل علشاااان ما تاخذ برد
وترى الفطريات تعدي دربالج بس علاجها سهل وما يخوف
مثل ما قتلج عزليها بمكان بروحها وكلها 10 ايام اسبوعين ويرووووح

 

[أم سلطان 2009]

رد : شنو المرض اللي في قطوتي ؟؟؟؟؟؟؟

شكرا لكي شيووومة
وبشتري لها الشامبو

 

[a7la-86wa]

اختي الشامبو مو موجود مقطوع من اللسوق

اشتري بخاخ عند البيطري مال الفطريات

البخاخ احسن لانه اسرع خصوصا بالاماكن اللي فيها شعر وايد يكون اسهلج بدال الكريم

وترا الفطريات ماتطول اذا عالجتيها صح

من متى شريتيها؟؟واذا شريتيها واهي جذي المفروض تردينها

______________________
حبوبه انتي كنتي تستعملين الكريم غلط عشان جذي ماراحت الفطريات

لما تحطين الكريم فركيه خفيف على البقعه ولما بتحطين الكريم مره ثانيه بقطنه امسحي الكريم القديم لان بيكون كله فطريات ونظفي البقعه عدل

بعدين حطي الكريم مره ثانيه (لما تحطين الكريم تلقين خلال فتره يتغير لونه يصير بني هذا لان الفطريات طلعت من الجلد وصارت على الكريم)

وانتي المفروظ تمسحين الكريم القديم ...اذا انتي تحطين الكريم فوقه كل يوم جذي انتي قاعده تنشرينه بجسمها

 

[shayo0oma]

اي صح البخاخ وايد زين
وثاني شي اشتري هالشاااااااامبو وحته واهيا مافيها فطريات سبحيها فيه انا جذي اسوي بقطوني كنوع من الوقاااااااايه
علشان ما يصير فيها مره ثانيه

 

[أم ادم]

رد : شنو المرض اللي في قطوتي ؟؟؟؟؟؟؟

حبيبتى روحى لمستشفى الدهماء بيعطونها ابرتين وحبوب بنفس اليوم سعرهم 8 دنانير وراح تشفى تماما بعد اسبوعين ان شاء الله مع استعمالك للحبوب فى دكتور هناك اسمه اندرو فلبينى اسألى عليه ممتااااااااااز