شنو اللي ينزل الدورة ؟ جاي ولا اعشاب ولا اي شي ثاني ؟

[( المـلاك )]

السلام عليكم ..

حبايبي انا وايد اسمع عن اشياء تنزل الدورة

اذا كانت متأخره شوي

او تحسين انها معلقه و معانده مو راضيه تنزل و اعراضها و الامها واضحه


سمعت جاي نعناع و سمعت الماي الحار و بعد خرابيط وايد والله ماذكرهم

فـ بنات اي وحده عندها خبر عن هالاشياء اللي تنزل الدورة تكتبها لي

و ماتقصرون =)

 

[miss-winter]

حبوب الي اعرفها تنزل الدوره من الصيدليه وكل شي حار شربي

 

[أم لولووأخواتها]

والله أنا ما نفع معاي شي غير حبوب من الطبيب يلا نزلت وبعد ما نزلت بلشت شغلات حاره

 

[a.aljowder]

دارسين
شربي او اكلي اي شي على دارسين وامشي

 

[princess89]

رد : شنو اللي ينزل الدورة ؟ جاي ولا اعشاب ولا اي شي ثاني ؟

حبووووب نوووو والله مو زييينه

انا اختي ما نزلت عليه واقولهاا شربي دارسين مااسمعت وراحت لدكتوره عطتهاا حبووب والله بس شهرين اللي اختي زاااد وزنهاا حييل تخيلي كاان يووم تزوجت 49 كيلوو ومن عقب الحبوب الحين 75 فمااا أنصحج فيهاا


شوووفي اخذي تمر وطلعي نوااته وحطي عليه سمن شوي وفلفل اسوود كثري منه وحبه سووده وكموون وحلبه وعجنيهاا وسخنيهاا ع الناار واكلي منهااا حده عجيييب وشربي داارسين مع زنجبيييل ون شااء الله تنزللل

 

[( المـلاك )]

لا حبايبي مابي حبوب

انا الحمدلله الدورة تنزلي كل شهر

بس مرات تعلق يعني اسبوع تتأخر
و انا الحين جذي
طول الاسبوع عوار بطن و ظهر و صدر

و امس نزلت علي نقطه بس
و انا ابي ارتاح
يا تنزل يا توقف
لانه رمضان وصيام
وانا متأذيه

و قالولي اكلي اناناس شربي دارسين و تدفي و شربي كل شي حار
ف ابي بعد اشياء جذي

و مشكوووووووووورين كل اللي ردووو

 

[شندوخه]

رد : شنو اللي ينزل الدورة ؟ جاي ولا اعشاب ولا اي شي ثاني ؟

الزعفرااااان
والله مفعوله موطبيعي اصلا ينظفج عدل واذا في شي واقف او منسد ينزله
وطريقته عادي حطيلج جم شعره من الزعفران بالجاي
بس عاد مو تستخدمين زعفران مو اصلي وتقولين نصيحه شندوخه خرطي
لان مثلج عارف اغلب زعفران الاسوقه صاير مغشوش ومو اصلي

 

[فرفشه منعنشه]

رد : شنو اللي ينزل الدورة ؟ جاي ولا اعشاب ولا اي شي ثاني ؟

ما جربت ولا مره

 

[_Pure_]

اللي اعرفه حبوب برومليوت

جربتها مره وحدة عشان اروح الحج ماتعبتني

 

[أنفاسي دخون]

اول شي شيكي انش مو حامل واذا النتيجه نيجاتيف فوحي دارسين مع ماي لين يغمق لونه واشربيه انا لا تأخرت علي شربته وعلى طول تنزل

 

[sweet-rose]

لا حبايبي مابي حبوب

انا الحمدلله الدورة تنزلي كل شهر

بس مرات تعلق يعني اسبوع تتأخر
و انا الحين جذي
طول الاسبوع عوار بطن و ظهر و صدر

و امس نزلت علي نقطه بس
و انا ابي ارتاح
يا تنزل يا توقف
لانه رمضان وصيام
وانا متأذيه

و قالولي اكلي اناناس شربي دارسين و تدفي و شربي كل شي حار
ف ابي بعد اشياء جذي

و مشكوووووووووورين كل اللي ردووو

السلام عليكم

حللي يمكن حامل ... نا صار لي نفسج وطلعت حامل

 

[( المـلاك )]

السلام عليكم

حللي يمكن حامل ... نا صار لي نفسج وطلعت حامل

مشكورة حبيبتي عالتنبيه
انشالله باجر احلل
و عقبها اشوف

=)

 

[( المـلاك )]

و مشكورين بنات
ماقصرتوا =)

 

[الريشة]

اذا مو حامل شربي شاي البردقوش أو مرمية
تدرين إن المرقدوش يحمي من تسمم الحمل ، يعني لو تشربينه و انتي ما تدرين انج حامل ما يضر
هذي المعلومة من الشيخ البناي

 

[جوف الليل]

شـآي الدارسين ..

 

[متوترة]

الدارررررررسين والزعتر يمدحونهم واجد

..
..

وماتشوفين الا كل خير ان شاء الله