شنو الفرق بين الخياط الازرق والابيض

[عيون زوجها]

سلام بنات
عندي استفسار عفيه
انا الحين والده صارلي 7 ايام عوار نو طبيعي بالخياط بس الحمدلله
الحين اليوم صورت الخياط بشوف تحت شنو صاير والا فيه الخياط اللي على جنب صوب ورا منتفخ ويعوووور بس الخيط ابيض وجنه فيه صديد مع ان 24 ساعه اطهره المهم وشفت خياط داخلي لونه ازرق داخل فهمتو قصدي يعني من جدام
سؤالي الحين
الصديد عادي
وفيه نفس لحم متكتل صوب ورا معناته شنو انه تشوه والا معناته بس يبيله يلتأم
وشنو الفرق بين الخيط الابيض والازرق
وهل من اول بيبي البنت تتوسع والا شنو
مشكورين ماقصرتو عساكم ذخر

 

[ام زهقانه]

عادي الخياط نص ابيض ونص ازرق بس الصديد غريب ااف متهب روحي الطبيب

 

[قدســـاوية]

وااااااااااااااااي الله يعينج

تصدقين انا افضل القيصريه

عشان ما يتشوّه يا حسرتي

 

[عيون زوجها]

انا جربت القيصريه والله اهون الف مره
بس ما اتوقع التهاب لان قاعده اخذ مضاد حيوي

 

[شيــوخه]

ماعتقد انه صديد لا تووسوسين مدامج تاخذين مضاد حيوي وتشربين مره مايصير شي ان شاءالله

وعلشان تتاكدين وتتطمنين روحي للطبيب يشوف وهو يحكم ويعطيج كريم بيبو جنه اسمه جذيه ينحط على لخياط ويطيب ان شاءالله وماتشوفين شر

 

[عيون زوجها]

مشكورين حبايبي
يليت القى ردود اكثر

 

[sweeta77]

اصلا لازم تكون عندك مراجعه عند الدكتوره يوم عاشر
خليها تتاكد ان كل شي سليم
وما عليك الا العافيه انشالله

 

[shoshowh]

ماادري
بس ان شاءالله البنات يفيدونج

 

[عيون زوجها]

ماعطتني مراجعه

 

[قدســـاوية]

شيوخه اسمه ميبو الصغير تقريبا ب4 وشي والكبير ب7وشي

واصلا الصغير بروحه كبير


لازم تراجعين حبيبتي لا تسكتين على عمرج الزم ماعليج نفسج

 

[قوتشـي]

ميبو يهبل .. بس ما اعتقد لخياطج ينفع

يبيلج مرهم مضاد ... لان يمكن خياطج ألتهب من العطورات

واحسن تروحين لدكتور اللي ولدج وخاطج وتتأكدين اذا خياطج فيه شي او لأ

بالنسبه لالوان الخياط اعرف الابيض بس الازرق ما مر علي ... وقبل ٥ سنين في بجري كان الخيط اسود


راجعي الطبيب وان شالله ماكو الا الخير

 

[قوتشـي]

ميبو يهبل .. بس ما اعتقد لخياطج ينفع

يبيلج مرهم مضاد ... لان يمكن خياطج ألتهب من العطورات

واحسن تروحين لدكتور اللي ولدج وخاطج وتتأكدين اذا خياطج فيه شي او لأ

بالنسبه لالوان الخياط اعرف الابيض بس الازرق ما مر علي ... وقبل 5 سنين في بجري كان الخيط اسود


راجعي الطبيب وان شالله ماكو الا الخير

 

[kitty eyes]

الله يعينج

روحي راجعي الدكتور احسن علشان يعطيج مضاد وكريم

 

[ام نهارر]

لازم تراجعين ياقلبي عشان تأكدين من الخياط اوكيه او لا .. وان شاءالله مافيه إلا العافية ..

 

[ELFAD3Ah]

الحمدالله على سلامتج
اب

 

[%ورد طايفي%]

الله يعينك بس لاتقعدين كل شوي تشوفينه وتصورين راح توسوسين واهم شي ميبو كثري منه وغريبه ماعندج موعد? دقي على دكتورج وروحي جيكي ضروري وتطلعين بالسلامة

 

[كلاسيكال]

اب اب لعيوووووونج

 

[عيون زوجها]

مشكورين ماقصرتو انشالله انا بنطر ليه العاشر وتالي اروح لان اخاف يلعبون فيني عالفاضي
ادعولي بنات والله وراس عيالي عوار غريب انا بالقيصريه عانيت بس والله مقارنه بهالالم ولا شي
الله كريم

 

[واقعيـــة]

قد يكون الخياط ملتهب .. بس بالنسبه للتكتل اللي تقولين

لا تحاتين تاخذين وقت ويرجع شكل الجلد طبيعي .. هذا من الخياط بس مؤقت

الله يعافيج .. ويقومج سالمه

 

[alhnan]

روحي الطبيب جيكي