شنو الدليل ان الانتحار حرام :"(

[دموع الظلام]

صرت ادعي ع روحي :eh_s(2):

ماعندي احد بهالدنيا استغفر الله

عندي مشاكل تصير معاي ومااقدر اقولها حق رفيجاتي شاطرين حق تنقل الحجي انا غلطانه اني حبيتهم مره قلت سالفه مضايقتني حق وحده استغلتها ليش الناس مافيهم خير بس يحبون يجوفون غيرهم يتعذب
صار خلاف بيني وبين وحده شي عن المذاهب قاطعتني وقعدت تحرض البنات علي
انا امي وابوي منفصلين وكل واحد مذهبه غير عن الثاني
وهم سبب انفصالهم عن المذاهب ليش جذيه مانقدر نتقبل غيرنا ونحاربه لان غير عنا :eh_s(2):

مشكلتي اللي خانقتني انا عايشه مع امي و خالي اخوها
لكن مايحترمني من فتره صار معاي موقف كنت اكلم واحد و سمعني من عقبها كله يزفني ويطقني ويشك بكل شي اسويه اعترف اني غلطانه بس خلاص
المشكله امي ماتحبني مخليه اخوها يسوي فيني اللي يبي وكله يطقني ليش ع شغلات تافها ولمن اقول حق امي تقول مالي شغل فيكم صار لها فتره مسافره واحس عمري وحيده صح وجودها قبل كان من عدمه بس احين حسيت بقيمتها
وهو ياخذ راحته بالاهانه لي لان ماوراي من يحبني

انا محبوسه بالبيت وبس اذا قلت ابي اطلع يعطيني محاضره يحسسني اني مسويه منكر واقوله اذا ماتبي اطلعني بطلع مع خالتي وبناتها مايخليني يقول الشباب اذا جافوا بنات يلحقونهم اذا مو معاهم واحد شدددددددددددددددددددخل :eh_s(14):
وكله يطعني بشرفي ويتحلف فيني يقول بس ابي اجوفج مخربطه مع واحد :eh_s(2):
وفوق هذا عنده رفيج ملقوف كله يتحكم فيه يقوله لاتخليها تطلع بالمناكير شكو :eh_s(4):
قبل احط واطلع فيها ومره خالي حط لي مناكير بيدي الثانيه احين كل مناكيري حذفها بالزباله وصارت من الممنوعات لان رفيجه عطاه امر والمصيبه اسب رفيجه يروح يقوله اني سبيته ويضحكون علي :eh_s(4):
وانا لمن اقوله شي مايسويه لكن اذا نفس الشي رفيجه قاله يسويه ويقعد يمدح الشي وانه عاجبه لكن مني لا
ويحب يعاندني ويفرض علي رايه ع اتفه الاشيا كنت اجوف التلفزيون ياخذ الريموت من عندي انا اكون قاعده قبله انا اسكت بس مره سحبته من ايده وحذفته عالارض عقاب له ورحت غرفتي ويلحقني ويزفني وانا مارد عليه قالي ارجع اعطيه الريموت مارضيت جان يشيلني بدفاشه واطقه بس مااقدر عليه
احين منو الغلطان استغفر الله :eh_s(14):
انا وايد متضايقه من هالعيشه وانا احس ان ماعندي ام ياريت انا بنت قطوه جان بتحبني وبدافع عني احس روحي يتيمه واللي مضايقني زياده رفيجاتي مبتعدين عني يعني ماعندي اهل ولا اصدقاء

كتبت بعض الشغلات اللي تضايقني عشان ارتاح منها و يمكن افكاري مو مرتبه لان علي طول كتبت
بس هذا اللي بقلبي عشان ارتاح

 

[لصبري نهاية]

قال تعالى :{ ولا تقتلوا أنفسكم إن الله كان بكم رحيما * ومن يفعل ذلك عدواناً وظلماً فسوف نصليه ناراً وكان ذلك على الله يسيراً } ، وقال تعالى : { ولا تلقوا بأيديكم إلى التهلكة } . وقال تعالى : " ولا يقتلون النفس التي حرم الله إلا بالحق . . . إلى قوله تعالى : " ومن يفعل ذلك يلق أثاماً * يضاعف له العذاب يوم القيامة ويخلد فيه مهاناً " ،

جاء التحذير في سنة نبينا محمد صلى الله عليه وسلم حيث روى أبو هريرة قال : قال رسول الله صلى الله عليه وسلم : " من قتل نفسه بحديدة فحديدته في يده يتوجأ بها في بطنه في نار جهنم خالدا مخلدا فيها أبدا ، ومن شرب سماً ، فقتل نفسه فهو يتحساه في نار جهنم خالدا مخلدا فيها أبدا ، ومن تردى من جبل فقتل نفسه فهو يتردى في نار جهنم خالدا مخلدا فيها أبدا " [ رواه مسلم ] .

و بحثي في الانترنت بتحصلين اكثر .
______________
اول شي خالج معاه حق
لان اللي سويتي غلط و خلاه يفقد ثقته فيج
تذكري انج برقبته و لو صار ما صار اهوا المسؤول عنج
و اهوا اللي بينلام
و يمكن هالشي خوف عليج لا اكثر
لا تطالعين الدنيا بنظرة سوداوية .
ما في ام ما تحب بنتها حاولي تتقربين منها
و تتوددين لها .
و كل ما حسيتي انج متضايقة او غلط عليج استغفري ربج ليما يهدأ غضبج
و لا تيأسين من رحمة الله و طلبيه ما خاب من رجاه .
بعد شي .. لا تحاتين ترى للحين الدنيا بخير
و فيها الطيب و فيها الخبيث
و للحين اكوا رفيجات بس ! لازم تعرفين منو تختارين
و اذا كنتي تحسين انج مظلومة و مالج يد بهاللي يصير
فرشي سجادتج و ادعي و تذكري ان كل هالدنيا و كل هاللي قاعد يصير
شي مؤقت

 

[NoOoFa ~]

الأنتحار يعني عدم الرضى بالقدر و القدر الي كاتبه الله
ايمانج بالله مرتبط بإيمانج بالقدر والرضى فيه

الإيمان يكون الإيمان ب الله وملائكته وكتبه ورسله واليوم الآخر والقدر خيره وشره

لاتعتقدين ان خالج يكرهج بالعكس خايف عليج خصوصا انه شاف من موقف ولكل فعل رده فعل

طولي بالج واذكري الله ومردها مشاكلج كلها بتنحل

 

[victoria95]

ديربالج تسوين شي يغضب ربج ولازم نؤمن ب القضاء حبيبتي
ادعي ربج واستغفري وتوكلي ع الله وماتضيق الا تفرج صدقيني
وخالج يبي مصلحتج لانه هو فقد الثقه فيج حاولي تتقربين من امج صدقيني بتحن لج !
وتذكري ربي مايضيع دعوة احد
توكلي ع الله

 

[فيونكاq8]

روحي عيشيي مع ابووچ دام خالچ يطقچ وامج ماتدري عن هوا دارج والله يعينچ

 

[بنتmbc1]

اولا الانتحار حرام و الاخت لصبري نهاية وفت و كفت بالدليل

اما الكلام الباقي ان يبي مصلحتها و انها فقد ثقته فيها بسبب موقف هذا اكثر كلام ينقال و يزيد الرجال قوة و جبروت علينا و هم يسوون الغلط و محد يكلمهم و ماشين بالدنيا و يكلمون بنات و كل شي

البنت ما غلطت و اهي اكيد ما الجأت تسوي هل الشي الا انها محتاجه احد يسمعها و اهي اعترفت و تابت عن غلطتها اذا ربنا يسامح و يغفر احنا يا بنو ادم ما نسامح ولا نغفر

و بعدين شهل الام اللي قاطه بنتها و مو مهتمه فيها صحيح ان اكيد امها تعبانه نفسيا بعد طلاقها هذا شي كل المطلقات المظلومات يحسونه

انا ما اقولج طلعي عن شور اهلج بس تحسبي على كل من يظلمج و ربج رح يأخذ حقج منهم و حاولي تتواصلين مع ابوج
و اذا انتي عمرج فوق 15 او 18 اعتقد انج تقدرين تختارين اذا امج او ابوج تعيشين معاه
جربي عيشي مع ابوج و بعدها شوفي منو احسن حياة و عيش معاه

 

[نبض شرياني]

مع اختي لصبري نهايه

عليج بالاستغفار وقيام الليل

ولاتفكرين تتحسبين او تدعين ع امج وابوج لان غلط

وخالج يمكن رده فعله شوي قويه بس خايف عليج انتي لاتتراددينه خليج لينه معاه واكسبيه وشوفي النتيجه

 

[رتبه دبلوماسيه]

الاخت لصبري نهايه

كفت ووفت

معاها

 

[فطوم 84]

حياتي الغاليه وينج وين هالغيبه
اشتقت لج

افا والله افا

جذي تقطعين ولا جني رفيجتج

علي فكره بنات. هالبنوته انا ماالومها. لانها صج ماعندها احد لااخ ولااخت وتمر بظروف. الله يعينج حياتي
واهي رفيجتي من فتره

يالقاطعه
ليش مادشيتي علي خااص
ادري انج تدشين بالبوق وخالج صاك عليج بس عاد لاتقطعين دشي علي خاااص
مو كنتي تقولين انا مثل اختج

متي ماكنتي فاضيه كلميني خاااص بسولف معاج واخذ اخبارج

وخلي عنج سوالف انتحار. ماانتحااار لااجي انا واذبحج ههههههه افا عليج. اذا ماعندج احد كا. انا. فطوووم اختج. ترا ماارضاها لج والله تعرفيني اعزج

اذا فج. عنج خالج. كلميني خاااص

 

[ms_kakawa]

حرام الانتحار وبعدين الكل يبي يدش الجنه

اصبرري كل شي بيتعوض انشالله

 

[Denya-3'areeba]

كلنا نمر بمشاكل ونكره الساعه اللي انولدنا فيها بس ماتضيق الا تنفرج بإذن الله
وخالج مرده بينسى هالسالفه وصدقيني ماكو أم تكره بنتها بس تلقينها لاهيه .. ترا الطلاق مو هين على أمج فعذريها لانها قاعد تعاني من هالشي حتى لو تبين لكم العكس
ولو شفتي مصيبة غيرج بتهون عليج مصيبتج .. تفاءلي و ربي بيعوضج بالأفضل إذا أحسنتي الظن فيه

 

[تذكر خافقي رمحك]

نار الدنيا ولا نار الاخرة
تعايشي مع وضعج ليما الله يفرجها
محد خالي من المشاكل بس سؤال
واعذريني عاللقافة ابوج وينه ؟
ليش ماتروحين عنده

 

[عـيّــآره]

تقولكم يهينها ورفيجه يتحكم فيها وتقولون يحبها؟؟؟​

لامايحبج ​

بتمين جذي فتره طويله وبتندمين على السنين الي تمر وانتي مضيعه حقج​

لايبا لاتعايشين مع وضع جذي ولاتتحملين شي يتعبج ويوصلج مرحله انج تفكرين بالانتحار​

توقفينه عند حده لاتسكتين ردي عليه اذا انتي معاج الحق لاتسمحين حق احد يفرض عليج قوانين ربي ماحرمها​

شخصيتج مع خالج لازم ماتكون ضعيفه هو قاعد يستغل ضعفج ويطلع امراضه النفسيه فيج ومسووي فيها البطل ​

وهو اصلا بدون شخصيه ​

ورفيجه يتحكم فيه ومن يكون رفيجه عشان يفرض قوانين عليج والله سالفه يديده ​

قوي شخصيتج وفرضي رايج لاتخافين منه واجهيه وامج الله يهديها بريها وسولي اللي الله مصوينه عليه اما خالج ​

بقووة شخصيتج بتوقفينه عند حده​

 

[رَوآن]

" ولا تقتلوا أنفسكم إن الله كان بكم رحيما "

اقري الآية كم مرة ، تدبريها عدل ، شوفي سبحانه الرحيم شيقول ..

إذا أمج بعدت عنج والدنيآ كلها ضاقت فيج ,, الله هو الرحيم فيج

اللي بيرحم ضعفج ، وحدتج !

نصيحتي : القرآن خير صاحب ولو خذلك الأصحاب ، وخير جليس ولو ابتعد عنك النآس !

ابدي حياتج من جديد .. انتي غلطتي واستوعبي انج غلطتي لكن توبي ولاتعيدينها ولاتيأسين، الله رحمن رحيم

الله أرحم عليج من أمج من أبوج من كل اللي حولج ,,

صدقيني ان ماشكيتيله الحآل لمنو بتشكين !
وان مابجيتي وطلعتي اللي بقلبج عنده منو بيرحم دمعاتج غيره !

بقولج حديث له معاني كثيرة صدقيني ناس واجد جربوه وتغيرت حياتهم !

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:
"مَنْ كَانَتْ الْآخِرَةُ هَمَّهُ جَعَلَ اللَّهُ غِنَاهُ فِي قَلْبِهِ وَجَمَعَ لَهُ شَمْلَهُ وَأَتَتْهُ الدُّنْيَا وَهِيَ رَاغِمَةٌ وَمَنْ كَانَتْ الدُّنْيَا هَمَّهُ جَعَلَ اللَّهُ فَقْرَهُ بَيْنَ عَيْنَيْهِ وَفَرَّقَ عَلَيْهِ شَمْلَهُ وَلَمْ يَأْتِهِ مِنْ الدُّنْيَا إِلَّا مَا قُدِّرَ لَهُ"

ماراح اشرحلج الحديث ابيج انتي تفهمينه وتدورين عن شرحه ،

حبيبتي ، عيشي حياتج وخليج واثقة ربي بيعوضج خير بالدنيا والآخرة ! إن رجعتيله

الخلاصة : ( الصلاة هي السعادة والله بالسجود اشكي له همج قولي يارب مالي الا انت من لي غيرك )
1- كل يوم خلي همج الآخرة ويوم موتج و يوم القيامة وقولي انا بعمل لهذا اليوم اللي الله بيعوضني خير عن دنياي كلها !
2-عيشي مع القرآن خليه هو صاحبج لانه هو اللي بيشفعلج يوم القيامة وربي بيباركلج بحياتج
خليلج خطة مثلا : الفجر 7 صفحآت
العصر 7 صفحآت
العشا 7 صفحآت ,, او انتي على راحتج بس كل يوم خلصي جزء ،ولاتخلين احد ياخذ وقته خليه هو صاحبج اللي لاقعدتي معاه تنسين همج
3- أمج بريها وتقربيلها حتى لو بعدت عنج ,, خالج طبقي هالآية معاه :" وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَـــكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ "
أحسني له حتى لو ضرج

آخر شي ودي اقوله :" (وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى )
ضنكا = يعني حياته كلها ضييييييييييييقه قهرررررررر


عسآ ربي يشرح صدرج ..

 

[مُخملْ]

حبيبتي أنتي طارحة الموضوع قبل
كم شهر والبَنات ماقصّروا ،
http://www.q8yat.com/t997719.html

-يُغلق-
( الخَاص مفتوح لج بأي وقت :eh_s(17):)