شنو الحل ويا خالتي!!!!!

[بزه المرتزه]

السلام
بنات انا من قبل فتره كنت اشكي عن خالتي
وطبقت نصايحكم وحاولت اداريها على كثر ما اقدر
بس هم ليلحين ماكو فايده :eh_s(11):
تعبت منها والله
اشوه اني بعيده والا جان صج ينيت!!
المشكله ان ولدها يموووووووووووووت عليها
ومصفي النيه عليها ويصدقها بكل شي!!
ادري هذي امه غيير وما احط راسي براسها بس الواحد يكون حقاني!
لما اشوف حماي ومرته الله يتمم عليهم اتحسر على حالي
ماشاءالله شلون يداريها وزين ما يوكلها
كل هذا خالتي ما غارت منها
بس انا الي ولدها ما يدري عني وما يسوي ولا شي جدامها نغار مني!
على شنو مادري
و والله اني اداريها مداراة
وحاولت اني اكسبها على كثر ما اقدر
اييبلها هالهدايا بمناسبه و بدون مناسبه
بعيدميلادها اذكرها واييب لها كيكه عشان تستانس
وبكل مناسبه ما اخلي وايي اوجبها
عكس مرت حماي الي ما توجب ولا تيي
مع هذا يعاملونها نفسي!!!
لا وعقب ما يابت ولدها غلت بعينهم زود!
ولاني ليلحين ما يبت عيال احسها ساعات جنها تحرني بالياهل!!
تلعبه وتطالعني
وتقول حق ريلي شوفه وشوفه
مادري شنو قصدها بالضبط!!
هذا مو بيدي بيد الله
بس الواحد شيقول
والحين اتخذت قرار ان بغير من معاملتي لها
ماني مداريه احد
وماني موجبه كل وقت
وحتى هدايا ماني يايبه
لانها بصراحه مو كفو
وايد حارتني

 

[mannawy]

هههه جربي يمكن تظبط معاج بصراحه هالنوعيه تقهر ساعات لي تمت على نفس حالها لو شنو ماسويتي.
شوفي عزي نفسج وزوريها بس مو كل مره خل تفقدج ولما تسال عنج لاتطولين بالمكالمه كلش يعني حاولي تحيرينها انتي بشنو مشغوله وانتي الهي بنفسج سوي كل شي ناقص عندج وطلعي واستانسي وسويلج جدول مع ريلج وكل يوم طلعوا والحين الجو راح يتعدل ان شاء الله عاد مره شاليه مره سينما مره الجاخور اذا صار الشتا ومره سافروا ومره فندق ومره سبا وهالخرابيط ومره مركز سلطان ترا يونس ويضيع الوقت واذا ماتبين تصرفين وايد حطيلج بساط وجنطه ليلى وقعدوا عالبحر. وبجذي تبعدين عنها وماتصير شغلج الشاغل. يعني بالعاميه تطلع من مخج
وتالي اهتمي بنفسج اذا بتضعفين سوي رجيم واذا بتمتنين اكلي واذا شعرج اصفر خليه بني واذا اظافرج مو حلوه اهتمي فيها المهم قعدي جابلي نفسج وحورفي فيها لين تصيرين على سنقه عشره وبعدها زوريها مره خل تتفاجأ ان نفسيتج غير وشكلج غير وبس عيشي حياتج ارضائهم صعب المنال. واهم شي بالدنيا امج وابوج واهلج هذول لاتقطعينهم كلللللش

يا بنت الناس احنا نشور ومانلزم اخذي من كلامي اللي يناسبج ويناسب حياتج والباجي قطيه بحر
والله يسهل عليج

 

[om MaRyooM]

مشكلتج تطالعين غيرج وتقارنين حياتهم بحياتج

شدراج ان حماج مستانس ومسوي مرته يادهينه لاتنكتين !!

حبيبتي البيوت اسرار

ودايما لازم تحمدين نعمة الاستقرار في بيتج . . ماتدرين شنو مصايب غيرج لاتحكمين عالمظهر

والعيال رزق من الله .. الله بيرزقج انشالله بس لاتستعيلين


اما سالفة خالتج

مالها حل . . لوووول
لأن ولدها ماتقدرين تغيرين شي خل يباريها ويداريها بالنهاية اللي في خير لأهله تأكدي ان بيكون فيه خير لج ولعيالج

وبالنسبة لتعاملج معاها خلج رسمية

لاتقولين تفاصيل حياتج

ووجبيها بالهدايا فقط بالمناسبات

خلج ثقيلة ورسمية مع الكل

صدقيني بترتاحين

وخلي همج رضا ربج وسعادة زوجج
فقط

 

[Gifts&Occaions]

لااااااااااااااااااااتقارنين راح ترتاحين

 

[al-musk]

عامليها بما يرضي الله والي تحبين لما الدنيا تدور جنتج ومرت ولدج تعاملج فيه
انتي لما تكونين زينه فلان انتي زينه مو لان تبين الناس تقدرج اكثر .. الواحد لما يقدم شي زين يقدمه لذاته ولنفسه بالدرجة الأولى عشان هو يكون سعيد

السعادة بالعطاء مو بس بالأخذ .. وكفاية ريلج شايف وعارف..
وخالتج من داخلها عارفه ..

بس وين الفكرة ؟ لاتشتطين 24 ساعه وتضغطين على نفسج دايما عشانها وتكنسلين التزاماتج ومسؤولياتج .. كل شي عطيه وقته وكل شي حلو لما ياخذ حقه بعدال لا زايد ولا ناقص ..

وكلن على نيته يلقى توافيقه .. والله يرزقج الذرية الصالحه وطبيعي بتشط وتبي تشوف بسرعه عيال ولدها كل الامهات جذي فطاف طنشي .. مدامكم مو فبيت واحد

والاهم والمهم احتسبي الأجر لما تطوفين هالحركات والمغثات الي تنغثينها .. واجر جايج بدون تعب
ونصيحه لاتدققين وحمدي ربج والله في بالحياة مشاكل تشيب الراس وتغث وتجييب الهم وهذا ولا شي .. بذمتج في احد يدور عالهم والغم .. طااااااااااااااااااااااااااااااااااااااااااف

 

[فوفو22]

الموضوع مكتوب من اسبوعين

والاداره ماشاء الله توها تنزله

**************************

حبيبتي

1-المغالاة بالتعبير بالحب .......فيها مبالغه وردود فعل عكسيه لذاتج

بدليل اي تصرف ما يعجبج ......تتذكرين جميلج المبالغ فيه

2- بما انك عندك شعور نقص بانك ما حملتي ....هذا يخلق منك شخصيه حساسه.....

تفسرين الامور مو لصالحك .....لو انتي طبيعيه تفرحين بالبيبي وتبوسينه وتحطينه بحضن زوجك

وشايفه وضع خالتك حيل طبيعي ....ووضعك عليه علامات استفهام

3- قصه خاله تغار من جنّه .....قصه كوميديه جدا
الخاله لا هي بحاجه الجنه لا في طبخ
ولا استقبال ضيوف ولا بمواجيب ولا بحاجه راتبها وسوالفها
وكل خاله تتمنى زوجه ولدها تريّح ولدها وتسعده فقط لا غير
واذا في حالات مختلفه تكون محدوده جدا بسبب امراض نفسيه فيهم

فوفو

 

[iLLuMinaTion]

الله يعينج

 

[Morena]

حبيبتي انتي صايره حساسه وتدققين. زياده نصيحة عيشي حياتج ولا تفكرين شبسوي وهذي ليش وانا ليش جذي زوري ووجبي وحاولي بس تفكرين ببيتج وريلج

تري المحبه من الله

وكثرة التنبر والتدقيق تتعب صاحبها بس

 

[PuPa^^SWeeT]

يا حياتي


يمكن مو قصدها اتحرج بالبيبي



بعد اهي فرحانة فيييه و تبي تستانس و اتعبر عن فرحها فيه جدامج و جدام ولدها اللي اهو ريلج




مو بايدج انتي انج ماحملتي صح



بس همن اهي تبي تفرح بهالبيبي


لاتحسسين


بقى الهدايا و المواجيب


خلي لكل وقت و مناسبة مقدااار


لاتبالغيين ولا تقتريييين



اعتدلي بالمحبة



و ريحي اعصابج المشدووودة و صفي ذهنج


وبتحملييين ان شالله

 

[ناتشوو]

زين اشلون علاقتج بزوجج
احيانا ام الزوج
اذا كانت تشوف او ولدها يسولف لها ويتحلطم
انه مو مرتاح
ممكن تحاول تضايق الزوجة

 

[PuPa^^SWeeT]

^^^^^


ههههههه ناتشوووو


صاجة


ساعات الريال بعد يخرب علاقة الجنة بخالتها من كثر التحلطم

 

[الزيـــــ^^ـــــن]

خليج معتدله لاتعطين وايد ولاتقصرين صيري طبيعيه ولاتحرين نفسج
واذا زوجج بار بأمه والله هذا فيه الخير شجعيه ع هالشي بتكبرين بعينه

 

[كـويتية]

مثل ماقالت الزين

شجعي ريلج يبر بأمه وقولي له هي حسبت امي واحبها ومن هالسوالف

هني تكبرين بعينه وانتي اذا ييتيهم زوارة اسمعي هني وطلعي هني وخليج عاقله مو بأي كلمة ينرفزونج

والله يعينج

 

[Ms.A]

اذا انتي مرتاحه مع زوجج الحمدلله نعمه و مالج شغل باحد .. بالعكس ظلي على معاملتج الطيبه و احتسبي الاجر و تذكري ان ماكو شي يضيع عند ربج
و راح تشوفين الدنيا تدور و خالتج بتفضلج انتي و تعاملج زين لان مردها بتعرف ..
ابدا لاتتحسفين على خير سويتيه
و لاتوجهين كل طاقاتج انج تسوين اما شي يرضيها او يحرها..
سوي الشي اللي يرضي ضميرج و ربج وماعليج من احد ولا تشغلين بالج بردة الفعل لان اي شي تسوينه تسوينه لله
الله يعينج ياربي و يوفقج .. ادعي لهم بالهدايه

 

[بنات حواء2]

بصراحه اذا مو كفو تركيها ترى محد سوه الي انا سويته و اخرتها طعنتني بظهري هي و للاسف ولدها وماقول الا الله يستر عليهم

 

[حبيبي مالكني]

ليش تسوين وتعايرين
انتي المفروض اتسوين هالاشياء بدون مقابل
اذا تبين مقابل لا تسوين
خلي علاقتج رسميه
زخافي الله فيها عشان الله يوفقج بحياتج
وانتي موضوع تاخر الحمل مسويج حساسه حيل وتعتقدين ان الكل ينقد عليج
الله يرزقج بالذرية الصالحه
وخلج واثقة من نفسج
لا تتحسسين من هالامور هالشي بيد ربج مو بيدج

 

[Melazlaza]

حبيبتي ربي يرزقج الحمال يا رب عاجلاً غير آجل وتلهين بالبيبي عن كل العالم

انتي مو مقصرة بس انا ما لاحظت بكلامج اي موقف سيء بدر من خالتج
يمكن ليش انج وايد تعطينها فمتوقعه انها تعطيج
حبيبتي خففي العطايا وخلج بالمعقول وقللي الروحات الاحتكاك نص المشكلة و كتر السلام يقل المعرفة علي قولة اخوانا المصريين

 

[بزه المرتزه]

الموضوع مكتوب من اسبوعين

والاداره ماشاء الله توها تنزله

**************************

حبيبتي

1-المغالاة بالتعبير بالحب .......فيها مبالغه وردود فعل عكسيه لذاتج

بدليل اي تصرف ما يعجبج ......تتذكرين جميلج المبالغ فيه

2- بما انك عندك شعور نقص بانك ما حملتي ....هذا يخلق منك شخصيه حساسه.....

تفسرين الامور مو لصالحك .....لو انتي طبيعيه تفرحين بالبيبي وتبوسينه وتحطينه بحضن زوجك

وشايفه وضع خالتك حيل طبيعي ....ووضعك عليه علامات استفهام

3- قصه خاله تغار من جنّه .....قصه كوميديه جدا
الخاله لا هي بحاجه الجنه لا في طبخ
ولا استقبال ضيوف ولا بمواجيب ولا بحاجه راتبها وسوالفها
وكل خاله تتمنى زوجه ولدها تريّح ولدها وتسعده فقط لا غير
واذا في حالات مختلفه تكون محدوده جدا بسبب امراض نفسيه فيهم

فوفو

تخيلي ان من اول ما كتبته كل يوم اجيك وماكو شي!!
حتى شكيت بنفسي قلي يمكن مو دازته
مادري ليش هالتاخير منهم
حتى الواحد الي عنده مشكله ويبي مساعده تلقين مشكلته مخلصه واهما ليلحين ما نزلو موضوعه :flower:

 

[بزه المرتزه]

زين اشلون علاقتج بزوجج
احيانا ام الزوج
اذا كانت تشوف او ولدها يسولف لها ويتحلطم
انه مو مرتاح
ممكن تحاول تضايق الزوجة

والله حالي حال كل زوجه والمشاكل لابد منها
انا اتوقع من كثر ما علاقته بامه حيييل يقولها كل شي
بس المفروض اهي تهديه مو تغثني!!!

 

[اشلون يعني &]

ام زوجج مو معقوله تحرج
بس انتي لانه الموضوع حساس تفسرين كل حركه ونظره انها ضدج
بصراحه انتي حارثه نفسح بنفسج
بقولك شيء شخصيتك فيها حب التملك
تبين زوجج لج مايداري امه
تبين ام زوجج لج ماتداري مرت حماج
اشدعووووووه
تبينهم يحاربونها وزوجك يهمل امه علشان سواد عيونك
احمدي ربج. انهم محترميين معاج