شنو الحل مع شيباتي :(

[Flower20]

السلام عليكم بناات

اختكم عمرها 22 ومشيبة :33_1185028183:

كل يوم اكتشف شعرة بيضا يديدة:cxxxp: للاسف وراثة بالعايلة الكريمة

المهم ابيكم تشوررون علي شسوي لان الشيب صار واضح يعني مو داخل الشعر

والحنة اذا حطيته يقلب الشيب برتقالي

كنت بجرب الكتم بس لم سأت عنه يقولون يقطع الشعر وانا مو نااقصة

و ودي اصبغ بس خااايفة لان شعري نوعه يتأثر ويطيح بسرعة

منو فيكم شعرها نفس شعري وصبغت ؟؟ وشنو الصبغة الي استعملتها وما اثرت على شعرها ؟؟

 

[caramil]

شوووفي انا ماعندي خبره كافيه بس ماحبيت اترك الصفحه بدون ما اقولج كل اللي اقدر عليه :

1) سمعتي بالحنه السوده ؟؟ ليش ماتجربينها؟؟

2) عالجي بعيادة خاصه انبولات تكثف االشعر وتقلل تساقطه وتقويه علشان حتى اذا فكرتي تصبغينه مايتأثر وايد ويكون شكله
صحي ..

3) قصي اطرافه بإنتظام..

انا عن نفسي من وانا صغيره اصبغ شعري الحمدلله ماتضرر وايد وسويت له كيراتين والحين الحمدلله كل اللي يشوفونه
ينصعقون لأن انا طبيعة شعري مو ناااعم..

انشالله البنات يفيدونج..ولا تتضايقين شيبات ولا فليفلات

 

[Flower20]

رد : شنو الحل مع شيباتي

لوووووووووول
بيني وبينج يصير فليفلات اذا تسبحت وما مشطته كيرلي طبيعي لووول


الحنة السودة ما سمعت فيها صراحة
وين يبيعونها ؟ طبيعية ولا فيها مواد

مشكورة حبوبة على الرد

 

[زبــــــــدة]

جربي حطي كتم ...وبعده حطي دهن وهالسوالف ...

اذا صبغتي يزييييييد الشيب واااايد ...وايد بنات بعايلتنا من كثر الصبغ الشيب يزييييييد وااايد درباالج

 

[Flower20]

رد : شنو الحل مع شيباتي

زبدة يعني الكتم ما يقطع الشعر مثل ما قريت عنه؟

مشكووورة

 

[روعه 99k]

رد : شنو الحل مع شيباتي

واااى ابتعدى عن الحنه السودا والكتم
والله بيندمر شعرج

ولا تصبغين جذيه بتزيد مساحة الشيب

تبين الشيب ما يزيد حطى حدا هالزيتين :

يا دابر املا او زيت الاس الاصلى

هذول صج يسودون الشعر

وانتى بكيفج اختارى اللى يريحج

 

[Flower20]

رد : شنو الحل مع شيباتي

مشكورة حبيبتي بس المشكلة عندنا عرس قريب

ومحتارة بهالشيبات وين اخشهم وما يمدي استخدم زيوت عرفتي

انزين عطوني اضافات احطها مع الحنة تخلي الشيباات بنية مو برتقالية

 

[Goss!p G!rl]

me 2
الشيب all over my 9maaa5 لوووول
انا 21

وامي ما ترضى اصبغ
ومابي احط حنه
ومبتلشه بعمري لوووول

 

[Flower20]

رد : شنو الحل مع شيباتي

Goss!p G!rl

انا عادي عندي اطلعهم بالطقاق لووول عايشة حياتي بس المشكلة وراي عرس شيقولون الناس عني مخرفة مثلا لوول

 

[Goss!p G!rl]

اصلا اصلا الشيب وقار شفيج
كاظم الغزالي قال
عيرتني بالشيب وهو وقار
ليتها عيرتني بما هو عار

شفتي شلون
اصلا موضة الصبغ الحين ابيض او رمادي
احنا من الله مو لازم نصبغ

 

[خالة ساره]

رد : شنو الحل مع شيباتي

انا اقولك الحل تعرفين داج اليل جيبيه وحطي منه على الشيب بس ماهو على الشعر كله
لا على الشعره الى لونها ابيض تحل موضوعك
انا على كذا لااني اصبغ شعر ولما تطلع المنابت وتكون عندي مناسبه اعمل الطريقه هذي

اذا ماتعرفي داج اليل عن العطار و
تاخذيه وتحطي شويه منه وتحطي عليه قليل ماء
وبا الفرشه الي معاه تغمسيه في الخلطه وتمشطي فيه الشعر الابيض وبعد ربع ساعه اغسليه
ملاحضه ترى يوسخ اليدين البسي قلفز

وسلامتك

 

[**عهد**]

رد : شنو الحل مع شيباتي

:tongue22:انا عن نفسى دايما اصبغ الواان فاتحه عشان ان طلعت الشيبه من بعييد كأنى مسويه بلياااااااااااااااااج

 

[Goss!p G!rl]

ناظم الغزالي
مو كاظم ‏
سوري لوول

 

[um khaled]

ما كملت ال 30 وشيبي مبين وواضح
وآخذ صبغه لوريال او غارنييه او كوليستون
لون بني شوكولاته او بني غامق
انا اصبغ جذور بس كل شهرين او اقل

اخواني ما يورثون فلوس وحلال ورثوني شيب
ههههههه

 

[الـــدفـــشـــة]

امبيه عاد والله توني ماسكه المنظرا واعد جم شعرا بيضه بشعري ماشاءالله اللهم لاحسد وااااااااجد هههههههههههههه

صبغت اشقر وقام يطلعلي شيب

واعتقد ماله حل يعني صبغتي حنه صبغتي بصالون طالعين طالعين < كلش ماحبطتج

 

[زهر الرمان]

هالشيب معاناة العموم
انزين بنات اذا قصيناهم بالمقص يزيدون؟ وله عادي؟

 

[Flower20]

رد : شنو الحل مع شيباتي

Goss!p G!rl

ربعنا الحريم ما يعرفوون هالسوالف وقاار ما وقار بيسووني مصخرة العرس وموضوع العام لووول:s141:

زهر الرمان ما اظن يزيد اذا قصيتيه يعني ما قطعتي الشعرة من العرج؟ مجرد توقع

مشكووورين حبايبي على الردود وان شالله بدور داج الليل واجربه واعطيكم النتاايج:hjy5jewf:

يالمشيباااات لوووووووول:eh_s(11):

 

[راجيه عفو ربها]

اب
اب
اب

 

[وروود]

ماكو حل الا الصبغ

 

[qa6wa_q8]

انا مثلج شيب لاا ونص شعري

شنو اسوي

كل شهر اروح اصبع جذور شعري بصبغة لوريال بدون امونيااا نهائياا ما تاثر على الشعر صارلي فتره طويله جذيه كل شهر اصبغ الجذور وبين فتره وفتره اصبغ شعري كله او اسوي رنسااج

وعنايتي كل اسبوع جلسة كريستاس وكل شهر جلسه كفياار
وهذاا كله اسوي بصالون توني اند غااي بلكورنيش