شنو الحل مع اللوعه ؟

[# غنوجة بيبي #]

السلام عليكم

بنات هذا ثاني حمل لي بس نفس طريقة اللوعه

احس لوعه بدون ترجيع

بس متضايقه حيل من اللوعه كل ما اكل شي او اشرب ماي اكشر ويهي و تلوع جبدي

تقدرون تفيدوني؟!!

 

[مرت الغلا]

روب
او علج اللوعه بالصيدليه
واذا كلش كلش حبوب اوندا للوعه

 

[# غنوجة بيبي #]

مرت الغلا مشكوره حبيبتي

 

[fofowa_q8]

جربي سفن اب وليمون

انا اقتنعت ان اللوعه مالها حل الا الصبر ثم الصبر ثم الصبر

 

[Mrs.H]

الله يعينج صراحة احتسبي الاجر..
لكن اللوعة اول شي يبيلج انج تفهمينها وتحطينلها نظام
اهم شي ممنوع يكون بطنج خالي.. لان لما تكونين مو ماكلة وقت طويل -حتى لو مو جوعانة- هالشي بيزيد اللوعة
ثاني شي الماي الوايد اييب اللوعة فشربيه على فترات.. ربع قلاص الحين.. نص قلاص بعد ساعتين.. والماي البارد احسن لان الماي الفاتر والدافي اييب اللوعة
الاشياء الحامضة تزيد من اللوعة والاشياء اللي فيها دهون انحاشي عنها .. هم الجاي والقهوة والعصاير الحامضة
اذا حسيتي بلوعة ارتاحي وقعدي بمكان فيه هوا بارد.. الحرورة تزيد اللوعة
واذا تبين شي يخفف اللوعة اكلي برد عجييييب وحدة بوحدة
وحبوب اوندا ممتازة بعد

 

[نبض السعاده]

الله يعينج كلنا جذي

 

[حـوراء]

اللوعة عبارة عن ارتجاع العصارة الصفراوية بسبب لخبطة الهرمونات ، إما تطلع وانتي بكرامة يعني ترجعين أو تخلينها تنزل بالمعدة لان اهيا تكون على المعدة وهالشي يسبب لوعة
علشان لا يصير ارتجاع حق هذي العصارة ، خلي عندج بسكوت اي بسكوت ناشف يعني مافيه كريما أو ككاو وأول ما تقومين من النوم آكلي جم حبة ولا تشربين ماي
لا تظلين مو ماكلة فترة طويلة وشربي ماي بارد وإذا تقدرين حطي فيه ثلج وشوي ماي لقاع صج يوخر اللوعة
وخري عن الدهون والمقالي كللللش
بنت خالتي الدكتورة كتبت لها حبوب تاخذهم على الريج تخليها ترجع هالعصارة وطول اليوم ما تحس باللوعة بعد
الله يعينج يا ربي

 

[# غنوجة بيبي #]

مشكورين والله حسيتكم مثل خواتي

يعطيكم الف عافيه عالنصايح

 

[tota77]

لازم تاكلين

انا كنت جذي اللوعه مازمتني حتى الماي يقلب جبدي

الدكتوره كتبتلي حبوب مشت معاي اسبوع او اقل بعدين مااستفدت منها لان اللوعه ملازمتني ..

بس الي صج يخفف علج البان .. هذا كان ملازمني وين مااروح والحمدلله فترة وعدت على خير

 

[lawyara]

الحل اتكلمين دكتورتج تصرفلج حبوب نافيدوكسين حق اللوعه واهي حق الحوامل عموما
واذا قعدتي الصبح اكلي بسكووت مالح او شابووره اتخفف عليج

 

[Bloom]

انا الي كلش ما اقدر افيدج من اصبح لين امسي لوعه وترجيع ! ودخلت الرابع وهذي حالتي نفسها الحمدلله على كل حال

 

[# غنوجة بيبي #]

مشكورين عالردود فديت خواتي

 

[مآيكبرني نك]

مابآ احطمج

بس كل هاﻻشياء حلؤل مؤقته

وﻻ ليش الجنه تحت اقدامنآ لنه تعبنآ من قلب ^.^

 

[# غنوجة بيبي #]

كا يكبرني نك اي والله

الله يتمم علينا على خير

 

[Aloe Vera]

انا خذيت حبوب نافيدوكسين
ممتازين
يخففون اللوعه بشكل كبير

 

[OM BADER88]

انا بعد لوعه بدون ترجيع ولي صرت يوعانه بعد تصير ألعن وماقدر اشم ريحة الاكل حتى .. اخذت حبوب اوندا ع المدح وايد ريحتني بس كاتبين حبه باليوم وانا اخذ حبتين ماقدر ع اللوعه تروح وترد​