شنو الحل مع ابلة الرياضيات حدي منقهرة* تم التعديل من قبل الاشراف*

[نعومة زوجها]

السلام عليكم بنات ابي رايكم ومشورتكم يوم الخميس ولدي اولى ابتدائي ماحضر الحصة الاولى الي اهي حصة الرياضيات وكان منخش تحت الدرج ولما خلصت الحصة دخل عادي وكمل باقي الحصص الابلة الظاهر خافت لانها اكيد شافته بالطابور وما فقدته الا بعد مابدت حصتها فعشان تطلع منها قالت خل اقول حق الاخصائية عسى ماشر ليش فلان ماداوم اليوم عاد هي قالتها بطريقتها لانها من الجنسية المصريه وهذي مصيبتنا انا لما سالت ولدي قال ماحبها تهاوشني وتصارخ علي ولدي كره شي اسمه رياضيات وتعقد من الابله الحين لو ولدي صاير فيه شي لو زالق بالحمام ومحد درى عنه او متغيفل الحارس وطالع برة المدرسة ها بنات شسوي اروح اشتكي عليها والا عادي تكفون ساعدوني عاد انا كلش استحي وماعرف اتهاوش بس ودي احسسها انه اسلوبها بالتعامل غلط وانها غلطانه تدخل الصف قبل لايدخلون الجهال حسبي الله عليها تكفون بنات ساعدوني شنو الحل

 

[القرآن ربيع قلبي]

لا عزيزتي لا تسكتين لا يعيدها ولدج وشوفي وين ينخش والا شيصير له مرة ثانية الله لايقوله
انا اقول مباشرة الصبح روحي للناظرة وشرحي لها الي صار وموقف الابلة
و لازم على طول تتواصلين مع الابلة والاخصائية بعد هالسالفة
الله يحفظ ولدج ان شا ءالله

 

[м!şş 3αşşόĻα]

لا تسكتين

بلغي الناظره عليها وقوليلها كل اللي بقلبك

وبعدين اولى ابتدائي صغار ليه تصرخ عليهم ..

هذا بدل ماتحببه بالماده تكرهه فيها

والناظره صدقيني مارح تخليها اقل شي بتعطيها تنبيه لاتصرخ على التلاميذ

وبالتوفيق

 

[أم عبووووود]

حبيبتي آنا من رايي تروحين المدرسة وتطلبين المدرسة وانت عند الناظرة وتشوفين شنو الموضوع بالضبط وتتفاهمون على الموضوع بحضور الناظرة ولازم الابلة تاخذ درس لو صاير بالياهل شي والله جان قالوا كان بالحمام وانت بكرامة ولا يشرب ماي او اي عذر بس مايقولون ان موحاضر الحصة

 

[كولوراديه]

كلمي المدرسه عند الاخصائيه وقولي لها ولدي يرتبك بحصتج وقام يتهرب من الحصه بسبب تعاملج

 

[نعومة زوجها]

شكرا للجميع على الردود الطيبه انا رحت اليوم الصبح وكلمت مساعده المديرة وقالت بكل برود امس ابوه ياني وكلم رئيسة القسم براسها وقالت راح اتابع الموضوع قلت اوكي انا يايه اشوف اصار على الموضوع ونادتلي رئيسة القسم وتمدح بهالابلة وانها زينه وحبوبه مع انه الاخصائيه بنفسها قايلتلي هالابلة عليها شكاوي وايد من الامهات المهم قلت لها كل الي بقلبي وانه المدرسة اهي الي تحببه وتكرهه بالمادة باسلوبها وانه انا ماودي وليدي يتعقد ويكره المادة واهو ممتاز بالمواد الثانية فقالت انها كلمت الابلة وانها قالت شاللي بيني وبين الولد عشان يسوي جذي فقالت رئيسة القسم انا راح اكلمها مرة ثانية وراح انبه عليها تغير اسلوبها معاه وان شاء الله خير وراح تلاحظين تحسن وبس وانا خايفة الابله تستلعن معاه وتنقس درجاته الله يستر حبايبي ماقصرتو ومشكورين على التواصل الحلو وهذا العهد فيكم ياكويتيات