شنو التجهيزات لرمضان؟؟

[دمــــــوع]

طبعا الكل يعرف ان رمضان باقي عليه ايام وليالي قليله ويهل هلاله

وجتني فكره وبنفيد بعض فيها ان شالله

كل وحده تقول شنو تجهيزاتها لرمضان ومن وين تسوقت الاغراض وبكم الحساب طلع وشنو سوت من اطباق وجمدتهم

الغرض من هالموضوع ان كل وحده يمكن مو عارفه من وين اتسوق احنا بنساعدها

ابي تفاعلكم معاي

 

[دمــــــوع]

طبعا رمضان مو بس نجهز له الاكل والاغراض نجهز انفسنا بعد على الصيام والقيام والله يجعلنا من المقبولين

أنا عن نفسي بما اني جهراوي تسوقت من الجهراء جمعيه العيون مسوين خصومات على اصناف معينه طلع الحساب 120دينار واحنا تري موعايله كبيره بس اربع اشخاص بالبيت

وشريت مواعين من رامز بالشويخ 30 دينار دوالاك وقلاصات وقفشات بس

وشريت بعد مواعين النايلون كل الاحجام وكلاسات الحلو النايلون اللي يجي مع كل علبه غطا

أما التجميد:

سوينا كبه عيش وكبه برغل
وسويت المنتو
واصابع حلو
واصابع زعتر
ومخدات حلو ومالح نوعين وجمدتهم

ناطره ردودكم

 

[رشا القصيم]

الله يبلغناه واحنا باحسن حال
والله ياقلبو لسه ما استعدينااا له
اما انا ما اطلع ولااشري الله يخليلي امي وابوي واوخيتي يجيبون الاغراض لعندي

 

[ساره أمها كويتيه]

مباارك عليج الشهر حبيبتي وكل عام وانتي بخييييير
وبالنسبه للتجهيزااات مثل كل سنه
المهم نستغل هالفرصه لنكثر من العبااااادات والدعااااااء والصلاااااااااااااه وقرأءه القرآن
لأن ماااانظمن أننا نبلغ شهر رمضاااااان السنه المقبله
والله يعيننا على صيامه وقيامه

 

[دمــــــوع]

حبيباتي نورتوا الصفحه بمروركم

يعطيكم العافيه