شنو البس مع هالقميص؟

[Cool Teacher]

مرحبا

عندي سؤال

عندي هالقميص كاروهات درجات الوردي مع ابيض ورمادي وفيه مثل خطوط صفراء رفيعه

شنو البس معاه؟

اهو مو واضح بالصور عدل بس اهو مخصر ونص دائرة من تحت وشكله احلى من الصور ...

بس بغيت اعرف شنو البس تحته او فوقه؟

وشنو احلى لون شيله يليق معاه

والاكسسوار بعد؟

 

[Dr.Nouf]

القميص حلو بيسط حق جمعية او يمكن مشاوير سريعة او شاليه بعد ينفع

اكسساورات عندج من choice يشووقون او من اكسسوريز


والبنطرون هابين بالبيج يشوق باللبس تلقين اب زارا + عندج بعد محل vero moda


وفوق لبسي كرديغان فيه جموم ( مو الي يكون حفر ) ، تلقين هالكارديغان اب pull and bear بالأفنيوز فوق انا شاريته اب 7 او 6 ماني ذاكرة


واللفة جمعية الفيحا فوق محل ( بن داوود ) بيج درجة البنطرون او افتح ، واذا تحبين ستايل الورود همن حلو

 

[Cool Teacher]

رد : شنو البس مع هالقميص؟

مشكورة حبيبتي على الرد

بس عندي سؤال اهو صج مو مبين بس ترا فيه درجه ابيض مو اوف وايت بس مو مبين بالصورة؟

يعني الابيض احلى ولا البيج؟

والكارديغان قصدج اللي يكون طويل ولا القصير؟

واهو مفتوح من فوق لغايه الصدر يعني لازم البس تحته شي نفس لون الكارديغان صح؟

 

[Dr.Nouf]

اي يكون طويل ، الكارديغان تقريبا طول القميص ،


يطلع مرتب ،

وجمومه طويلة بعد !


اذا تبين القصير تلقين اب زارا مكود

------------


الفتحة صوب الصدر تلقين فوق بجمعية الفيحا ، عند محل ماسكته مصرية حق الحجابات وملابس الخدم وجذي


يايبه من مصر


مثل قطعة خاام سترج ، دوااااريه ، يعني بس تلبسينها وتغطي منطقة الصدر ( مافيها جموم ولا شي بس دائرة وفيها مكان حق راسج )


جذي مثل ملوت اليهال




البيج طبعا احلى