شوفى حبيبتى سافرت ب 2006 مع عيالى الاثثنين والحمدلله ما تعبت معاهم كلش
اول شى رحت لدكتورهم و سالته عن الادويه و التطعيمات المناسبه عطاهم تطعيمه والله نسيت شنو اهى بالضبط
و كتبلى على دوا علشان ينامون بالطياره و بخاخ بالانف علشان ما تلتهب اذنهم من الضغط
و ماشالله ما فاته شى سالنى بتروحون جزيره قلتله اى رحنا لنقاوى 3 ايام كتبلى على بخاخ للنامس و البق ارشه على جسمهم
و الادويه اللى خديتها معاى ادويه حراره و كريم نيبو و فكس و دوا كحه بس الحدلله ما احتجت ولا شى منهم
وطبعا جهاز لقياس الحراره
بالنسبه للملابس حاولى تاخذين اللى ملبوسين و نص عمر على قولتهم واللى مليتى منهم غلشان تلبسينهم و لا خلصتى تقطينهم بالزباله منها تفتكين من الغسيل ومنها تفضين الجنطه للملابس الجديده اللى بتشترينهم
مممممممم و شنو بعد
اى و كنت شاريه فيتامين سى و اشربهم منه علشان تقوى مناعتهم و ما يمرضون على بس انتى استشيرى دكتورتج احسن
و بالنسبه للاكل لا تاخذين معاج ولا شى بقالاتهم هناك تهبل و كل شى فيها ووين ما تمشين تلقين بقاله جدامج و كله مكتوب عليه حلال خمى من هالبساكيت و السناسكس و التوست و الجبن السلايز و عصاير وة خليهم معاج على طول لان الجهال اذا جاعو مشكله يستعسرون و يضيقون خلقج معاهم
واهم شى اخذى جنطت ظهر وانا افضل الظهر اريح علشان ايدج الثنتين تكون فاضيه تمسكسن عيالج والا تصورين . وين تعابلين جنطه ذيك الحزه وغير جذى يلبسها رجلج بدون احراج غير لما تكون جنطه نسائيه كبيره بيستحى يشيلها
و يكون كل شى فيها مناديل و معقم ايد و كلينكس و اكل و ماى و عصير للجهال و اهم شى التلبسه حقه المرحاض وانتى بكرامه تلقينهم كود بالجمعيات
خخخخخخ جنى قرقت واجد
و اى سوال انا حاضره
