شنو الاشياء الي ماتدخل الطياره

[جنون العشق]

هلا حبيباتي :ggdw:




بسافر باذن الله الي استراليا واختي بتسافر الي النمسا بس بغيت شنو الاشياء الي ماتدخل الطياره سواء بالشحن او داخل الطياره نفسها وتعرفون انا ست بيت ممتازه يعني باخذ قهوه عيش عدس زعتر مرميه شامبو شور معكرونيا صلصه عصير لليهال بسكويت يعني مابي اتوهق وانحرج جدام الاوادم



واذا كنت ناسيه شي بعد ذكروني وشكرا:tek:

 

[[Q8TYA]]

وييييييه حبوبه عباله ماخذه معاج كل هل سوالف بالسفر .. ترا كل شي متوافر اهنااك فبدال لاتاخذين ويصير وزن عليج

بس المهم الشغلات اللي ماتدخل داخل الطياره كل شي سائل ويكون حجمه فوق 100ملي

وبما انج رايحه استراليا ترا حيل يشددون على هل سوالف
يعني قبل لا توصلون الديره بالطياره يوزعون عليكم مثل ورقه تكتبين فيها شنو الشغلات اللي حاطتهم معاج بالجنطه
وكتبي كل شي يايبته من اكل ومعلبات وقهوه وهل سوالف لانه اذا ماكتبتي ماتسوى عليج بالمطار راح يبطلون جنطتج ويفتشونها تفتش .. حتى لو اهوا كاكاو كتبي بالجنطه في كاكاو

وانشالله اكون فدتج وتروحون وتردين بالسلامه واحسن اختيار انج بتروحين استراليا لانها تينن

 

[ميســـا]

حبيبتي

ترا كل شي متوفر الحين

على الاقل اخذي عيش وبهاراتج والقهوه وباقي الاشياء متوفره صدقيني

 

[جنون العشق]

مشكورين عالردودد جبيباتي



انا وحده ماحب عوار الراس واتعرفون كل شوي طالبعين بقوانين انا رايحه 26 يوم ومعاي يهال يعني باخذ عيش شور كريماتي مكياجي قوه مادري اشياء وايد ببالي بس بعرف شالممنوع




ويزاكم الله الف خير

 

[جنون العشق]

ومنكم نستفيد :ggdw:

 

[الاخلاص]

ماتاخذون عطور بجنطتج اذا تبين عطور حطيهم بجنطة الشحن اما جنطتج اليدويه لاعطور لامقص لا اي شئ فيه حديد

 

[جنون العشق]

ماتاخذون عطور بجنطتج اذا تبين عطور حطيهم بجنطة الشحن اما جنطتج اليدويه لاعطور لامقص لا اي شئ فيه حديد

مشكوره حبيبيتي عالرد:tek:

 

[نطوووعه]

امبيه شدعوا ماخذ كلونيا معاي بالجنطه و اذا بغيت ارشرش شلوون اخذ اقل من 100 مل عادي؟

 

[جنون العشق]

والله الواحد بيروح المطار وخايف كانه ارهابي ههههههههههههههههههه

 

[*ستار*]

امبيه شدعوا ماخذ كلونيا معاي بالجنطه و اذا بغيت ارشرش شلوون اخذ اقل من 100 مل عادي؟

حبيبتي حبيت انبهك انه حرام تتعطرين وانتي طالعه برى البيت ترى المتعطره كانها زانيه والعياذ بالله ماتسوى الدنيا ترى

 

[جنون العشق]

حبيبتي حبيت انبهك انه حرام تتعطرين وانتي طالعه برى البيت ترى المتعطره كانها زانيه والعياذ بالله ماتسوى الدنيا ترى

جزاك الله الف خير علي التنبيه