شنو الاحسن وزارة التجارة ولا التعليم العالي

[MISS.D&G]

بنات بغيت اسأل منو الافضل ..

طبعا وزارة التجارة بمجمع الوزارات بالديرة و دوامهم من 8 لي 2
و التعليم العالي مكانهم بالمنطقة الحرة و الدوام من ال8 لي 1 ونص ..
فشرايكم احد عنده فكرة ..؟
رايكم يهمني ...​

 

[$ عيون عليا]

قوه حبيبتي miss.d&g
..

شلونج ؟؟
انا بوزارة التجاره بس نقلت من الوزاره لمركز تابع للوزاره قريب من بيتنا
وبالنسبه للشغل ماكووووو لاشغل ولامشغله كله فاضين من ل8 ل2 بس اكل وقعده ههههههههه
هذا طبعا بالنسبه للمركز اللي انا فيه بس البنات اللي ناقليلنا من الوزاره يمدحونها والله
والشغل هناك حلو بس عذرهم للنقل الوحيد هو القرب فقط
وتقبلي تقديري ..

 

[Gilmore Girl]

نصيحه وخري عن التعليم الواطي لانه حرام يسمونه التعليم العالي

انا موظفة هناك والله انطر اليوم اللي اطلع فيه

وزارة اخر همها الموظف وراحته ولا في كادر ولا مكافآت ولا شي

لا يغرج انه مكانا بالمنطقة الحره ودوامنا يعتبر نوعا ما قصير وترا احنا من اقل الوزارت بعدد الموظفين مو لان يبيلها واسطات لان الناس قاعده تطلع بالهبل منها

بس سؤال شنو تخصصج ؟

 

[جوجو.]

التعليم العالي حزازات وناس تتناجر مع ناس خبرج مكان فيه تكدس حريم شيصير ؟

 

[MISS.D&G]

تخصصي اداب تاريخ و جغرافيا انا اصلا قابليني التجارة .. بس رفيجتي بالتعليم العالي و زرتها مادري حسيت المكان هناك واايد انظف من مجمع الوزارت و المكان واايد له دور يعني الدوام بمجمع الوزارات غير انه الطلعة الساعة 2 على ما يوصلون البيت إلا الساعة 3 و المصافط لوووعة و وايد زحمة و مصافط السرداب كل من هب و دب يسفط فيها

 

[MISS.D&G]

عيون عليا ... مادري انا كلششششش ما امدحولي المراكز إلي بالمناطق كلش

 

[Gilmore Girl]

ترا مكانا هذا مؤقت على كلامهم بودونا برج البابطين اللي جدام سوق شرق بالضبط

المكان اليديد وايد احلى وارقى بس برايي هذا مو كافي !

اهو يعتمد باي ادارة بحطونج والله يوفقج

 

[$ عيون عليا]

هلا والله miss.d&g شوفي رايي الشخصي اذا خلاص قررتي وزارة التجاره خليج بالوزاره نفسها صحيح
انها زحمة ودرب شطوله من المسافط لي المكتب بس افضل من المراكز لان هناك مثل ماقلتلج ممل جدا
وعن نفسي اللي مصبرني عليه هو القررررب فقط لاغير ..
وشكلج حبيبتي انتي حابه التعليم العالي وشايفته بنفسج ومرتاحتله حولي قبولج هناك واهم شي ترتاحين بالمكان اللي راح توظفين فيه لانه... اهم شي الراحه النفسيه وتكونين حابه المكان ...وعموما استخيري وتوكلي على الله
والله يوفقج حبيبتي وطمنيني عليج

 

[$ عيون عليا]

​

[color="gray[CENTER]"]هلا والله miss.d&g
شوفي رايي الشخصي اذا خلاص قررتي وزارة التجاره خليج بالوزاره نفسها صحيح
انها زحمة ودرب شطوله من المسافط لي المكتب بس افضل من المراكز لان هناك مثل ماقلتلج ممل جدا
وعن نفسي اللي مصبرني عليه هو القررررب فقط لاغير ..
وشكلج حبيبتي انتي حابه التعليم العالي وشايفته بنفسج ومرتاحتله حولي قبولج هناك واهم شي ترتاحين بالمكان اللي راح توظفين فيه لانه... اهم شي الراحه النفسيه وتكونين حابه المكان:sfg: ...وعموما استخيري وتوكلي على الله :eh_s(15):
والله يوفقج حبيبتي وطمنيني عليج :friends:[/color][/CENTER]

 

[باحثة قانونية]

حبيبتي عيون عليا تعرفين احد بالشئون القانونية شلون الوضع عندهم

 

[$ عيون عليا]

هههههههههههههههه مدري شفيه جهازي قام يكرر شكله قام يخرف
ههههههههه

 

[باحثة قانونية]

علي فكرة انا مرشحيني واحاتي البنات شلونهم والمسئولين

 

[q8_pearls]

التعليم العالي راحة بال والمكان اشرح

 

[bokubar]

السلام عليكم
باحثة قاونية انتي هونتي عن التجارة انا بعد رفضت التجارة ونزل ترشيحي بالتطبيقي وقالولي بعد في بالتعليم العالي والله انا محتارة بين التجارة والتطبيقي والتعليم العالي وشكلنا على ما نتوظف يبيلنا شهرين وانا ابي اتعين قبل الرمضان لان الحين حتى الوزارات العادية يبيلهم واسطة

 

[MISS.D&G]

gilmore girl >>>>>>>> مشكورة حبيبتي و اي سمعت عن المكان اليديد تسلمين

عيون عليا ما تقصرين انشاله الله يكتب إلي فيه الخير حبيبتي مشكوووووورة

q8_pearls تسلمين بعد عمري موفقة

 

[$ عيون عليا]

هلاوالله .. باحثه قانونيه..
لاوالله ياعمري مااعرف احد بالشؤون كلش ..

تقبلي تقديري ^^

 

[bokubar]

قوة
باحثة قاونوية انا اليوم رحت التعليم العالي وشفت الدوام اهناك دوامهم من 8 الى 1.30
المكان حلو بس الموظفة تقول كراف واتقول ابتعدي عنه وانت سألي وروحي بعد صاير بالمنطقة الحرة وشوي المكان بعيد

 

[MISS.D&G]

حبيبتي bokubar الحين الموظفة الله يهداها اذا على قولتها كراف و ابتعدي عنه !! اهيا عيل ليش قاعدة ؟؟ اغلبهم جذي لمن تسألينهم يتذمرون معنهم اهما هناك و ما يفكرون يطلعون كلششش بس >>>>>> ما يبون أحد .. و حطي البالج إلي يقولج المكان هذا مو زين ما يبيج !!