شنو الأمتحانات التعجيزية اللى يسونها الشركات حق القبول فى الوظيفة

[يحبنى الله *]

مراحب


يا حبيباتى منو بالقطاع الخاص


أبى وحدة تقولى شنو الأمتحانات اللى قاعدين يسونها للمتقدمين للوظيفة


أو حتى الموظفين اللى يبون يقيمونهم



ترى فى شغلات بالكمبيوتر بس ما اعرف اسمائها

 

[shayoma89]

على حسب المكان الوزارات بس مقابلات

القطاع الخاص بعضهم بس مقابلات وامتحان عن التخصص وبعضهم بس مقابلات و بعضهم امتحان انقلش وكمبيوتر

بس الكمبيوتر حيل عادي سهل تسوين ملف كتبين بالورد وجذي سوالف

 

[ذات الهمة العالية]

خوووش موضوع ...يالله فيدووونا ...

 

[ghalyah91]

والله حبيبتي الدرجة ما تفيد!! اهم شي الواسطة

انا قدمت اختبار بالقطاع الخاص ويبت فيه 97% ومعدلي بعد الحمدلله وايد مرتفع!!

قدمته شهر 4 تخيلي!! ولما الحين محد اتصل علي وكل ما كنت ادق عليهم يقولولي لما الحين مافي شواغر!! وانا رفيجتي قدمت معاي يابت بالاختبار 60 بس يابت واسطة وتوظفت شهر 6!!

بس الحمدلله انا بالاخير توظفت بمكان احسن ! ولا منتهم يولون

 

[ضــمــاد]

انا جربة البنوك ، يحكمون عليج من

١: الشهاده ٢: المظهر ٣: الكلام ٤: الثقه بالنفس

طبعا اول شي امتحان ، وبنك عن بنك تفرق امتحاناته

ولما تنجحين بالامتحان تكون المقابله

١: عرفينا بنفسج

٢: شلونچ بال e

٣: ذكري لنا موقف صارلچ قدرتي تتحكمين فيه باعصابچ

٤: هل كنتي بيوم سبب بحل مشكله بين شخصين ، واذا قلتي ايه ، يقولون شنو كان الحل

واسألتهم كلها تكشف شخصيتچ هل انتي انسانه صبوره متعاونه ايجابيه قياديه عندج القدره على تفهم الناس الخ ...

 

[ms_5ajoola]

اب اب ا ب

 

[يحبنى الله *]

للرفع


هل الأمتحانات نفس امتحانات القبول بالجامعة

 

[ضــمــاد]

لا

عندج البنك الدولي .. امتحانه كله بالانقلش ، وعالكمبيوتر ، اول ما تقعدين ، يفتح لج الموظف صفحة الامتحان ويعلمج الطريقه

كله اختياري ، ومن بين هالاختياري يعطونج قطعتين او ٣ وعليها اسئله ، والامتحان فيه اسئلة رياضيات بس بسيطه مثال عليها

يقولج السؤال عندچ ٣ قطط و بطتان و فيل و ٤ احصنه فكم مجموع ارجلهم ؟

الاجابه

القطط ٣ وارجلهم ٤ فنقول ٣ * ٤ = ١٢

البط ٢ وارجلهم ٢ * ٢ = ٤

الفيل واحد فعدد ارجله = ٤

الحصن ٤ * ٤ = ١٦

بعد الضرب ، نجمع النواتج ( ٤+٤ + ١٦ + ١٢ = ٣٦ رجل )

ف تختارين رقم ٣٦ بالخيارات


.......


بيت التمويل

اختباراتهم فيها تحويل عملات

- مثلا يعطونج عمله ويقولونج عملة اي دوله

- يعطونج مثلا ٥٠٠ درهم ايماراتي ويطلبون تحولينه ل اي عمله ثانيه مثلا الدينار البحريني


......


بنك بوبيان

امتحانهم سهل وحلو نص انقلش ونص عربي ، وفيه رياضيات بس سهل ، وفيه مثل خريطه مكان ما او منطقه ما مثلا السالميه عليها اسئله

مثلا يقولون لج انتي الحين واقفه عند هالمكان شنو اقرب طريچ يوديچ للمجمع لفلاني ، الخريطه عشان يعرفون تعرفين توصفين وتدلين الناس ؟

والانقلش سهل اختاري الكلمة الصحيحة ( gogle / google / googel / gogele ) فتختارين الكلمه الصحيحة اللي هي google

وفي أسئلة ذكاء بس بالعربي ، والامتحان كله جزء صغير صح وخطأ والباقي كله اختياري

هذا اللي اذكر حالياً

 

[يحبنى الله *]

يا حبيبتى يا ضماد الله يجزاك خير ويوفقك يارب


هذا اللى قصدى شلون استعد لأمتحانات الدوام بأى وقت لأان عطونا امتحانات


وتقريبا نفس الشىء يسمونه امتحان القدرات

 

[يحبنى الله *]

مافى بالكمبيوتر او اليوتيوب نماذج عن هالأمتحانات

 

[ضــمــاد]

حبيبتي أجمعين


انتي مقدمه على بنوك ولا البترول ولا شركات خاصه ؟


انا اعرف للبنوك لاني مجريه ، ماني عارفه اذا في عالنت او اليوتيوب


بس أنصحج تراجعين الانقلش

الازمنه والضمائر وحروف الجر والقواعد البسيطه مثلا الماضي المضارع المستقبل

 

[ضــمــاد]

تذكرت من ضمن أسئلة بنك بوبيان

في جزئيه للملاحظة

يعطونچ كلمه ويقولون تتكون من چم حرف طبعا لازم تنتبهين لانه المسافه تنحسب مثلاً wa t er

الكلمه تتكون من ٧ ( ه حروف ومسافتين قبل t وبعدها )


ويعطونچ بعد كلمه مكرره مرتين الأولى مثلا ( ******* ) والثانية ( Twit ter )

المطلوب منچ تختارين جم حرف مختلف

لوبنشوف الكلمه الثانيه فيها اختلافين عن الكلمه الاولى ( w سمول لتر + المسافه اللي بين t )


طبعا يعطونج كلمات طويله عشان يضيعونچ بس ركزي ، الاجابات اللي يحطونها لچ من ( 0 , 1 , 2 , 3 , 4 , 5 , 6 )

بالنسبه ل مثالنا نختار رقم ٢ ، وترى في كلمات ما فيها اختلاف فرككزي


وسلامتچ

 

[يحبنى الله *]

الله يسلمك من الشر


لا موظفة بس كل فترة يعطونا نفس هالأمتحان

بعجزونا

وبيشخلون الشركة والله المستعان