شنو الأحسن ؟ مفيد للبجريات والامهات بعد

[om_7sonty]

السلام عليكم ,,
شلونكم خواتي

حبيت اسأل كل وحده سبق لها الولادة اكيد جربت يا ابرة الظهر او الكمام او البنج الموضعي مع الكمام

شنو الاحسن والاريح للام وخاصة لنا احنا البجريات لان موعارفين شنو نختار :bbbiu:
واللي تقول تجربتها خل تقول لنا بأي مستشفى


انا سمعت ان عادي اذا باخذ كمام يعطوني ابره تخدر من الريول وتحت صج ولا كلام


فيدونا


والله يعطيكم العافية :yaaaaaarb:​

 

[om_7sonty]

افا والله 10 دشو وقروا ولا وحدة ردت معقولة ؟؟

 

[Petite]

ياليت يفيدونا البنات صج سؤالج وايد احاتيه

 

[ام زهقانه]

الصراحه اخذي ابرة الظهر اي المطوره وما تدوخ نفس الكمام وترا اهي اخف من الابره العادديه​

 

[مدرسة مستقبلا]

انا حامل بجرية بس بصراحة اخاااف اجرب ابرة الظهر مو أي احد يتقنها خصوصا اذا مستشفى خاااااص
خليج على الكمام أحسن ​

 

[(((امورة)))]

اختي الله يقومج بسلامة وتولدين بس ما انصحج تاخذين ابرة الظهر لاني انا اخذتتها بجري وكنت مثلج ما اعرف بس طحت اسبوعين ما امشي بس الحين انا تمام بس مرات يجيني عوار بظهري ومعاي وحدة بدوام مرت اخوها خذتها وونعميت اسم الله عليج وعلينا بس انتي اقري قران وقري سورة مريم والزلزلة والله يسهل عليج وكل حامل

 

[Mednight Rain]

انا مثلج بجرية وموعارفة ومتخوفة من ابرة الظهر مهما امدحوها اكيد لها اثر جانبي خليج على الكمام وادعي ربج

 

[Diva-Q8]

ابرة الظهر زينه اختي خذتها الحين صارلها 7 شهور والده تقوول ساعات مكان الابره يعورني بالذات فترت الدوره

وريولها تتفخت وظلت 3 اسابيع ماتقدر تمشي من العوار بس الحمدالله الحين مافيها شي ومازالت تنصحني فيها

سمعت عن قصص اللي انشلت واللي انعمت صراحه ماصدق

انا بجريه ومافكر اخذها امي تقول عوار الولاده ساااااعه منسيه

كلها ساعة زمان وتنسين السالفه كلها وقررت بس اخذ كمام

كل الحريم اللي ولدو قبل بدون كمام ولا ابرة ظهر ماماتوا من العوار ليش احنا مانتحمل يعني على راسنا ريشه مثلا

 

[أميرة موناكو]

افضل كمام من ابرة الظهر

عوار ساعه ولا اشهر والله يسهل علي الجميييييييع