شنو اقدر اشتري من سوق المباركية؟؟

[FuChSia]

السلام عليكم

ممكن تساعدوني :eh_s(22):

انا ناوية اسوي رحلة لسوق المباركية :eh_s(6): اشوف شنو فيه ما فيه!! و ماشالله اغراض العناية بالجسم و البشرة و الشعر ...الخ الموجوده بالمنتدى كثييييييرة (اللهم زيد و بارك :eh_s(3): ) فحابة انكم تنصحووني شنو اقدر اشتري من هناك واذا عندهم حوااي هناك اقدر اشتري منهم الاغراض المطلووبة؟

ان شالله ناوية مع بداية هالسنة اني اسوي نيوو لووك و اهتم بنفسي اكثر بكل شي فشنوو تنصحوني اشتري من هنااك


و شكرا

و ادري ماراح تقصروون

 

[supermarket]

تقصدين سرداب الشايع والا وين بالضبط المباركية؟

 

[FuChSia]

سوق المباركية بشكل عام..لاني ولا مرة رايحتله فمادري شسالفة

 

[FuChSia]

شدعوه ماكو رد ولا هم يحزنون

 

[FuChSia]

يا كويتيات وينكم

 

[شجووون]

والله المباركيه متروسه حوايين طبي وتخيري وانتي ان شاء الله لي رحتي وبتمشين بتشوفين

 

[أم وجيه]

اختي الحوايين متروسين انتي كتبي الأغراض مالت الوصفات اللي بتجربينها وروحي بتلاقين كل شي تبينه لأنه متروس
وبالنسبة لسرداب الشايع متروس أنواع وأشكال من المكياج طبعا مو ماركات بس أشياء وايد حلوه هناك تقدرين تشترينها
بالذات أنواع الشدو أشكال وأنواع والمخملي و القلوسات الناعمه
وعندهم بعد جناط حلوه واكسسوارات رووعه
يعني طبي وتخيري
ان شاء الله تتمتعين

 

[مزيونه وشقره]

شوفي يالغاليه

سوق المباركيه غرااامي يونس

اول شي المكياج

روحي سرداب المكياج عند سوق البشوت او يسمونه بعد سرداب الشايع

واشتري

اسفنجات الشدو المخملي وثانيه للشدو العادي وانا حاطه موضوع فيه مع صورهم

واشتري الشدو المخملي بعد تلاقين موضوع فيه 48 لون ويهبببل

اشتري حمر ماركة مبروك الورديه تهبببل ورديه عجيبه في موضوع انا كاتبه عنها

كحل سمايلنج الاسود لونه من برا اخضر وغطاه اخضر هذا واحد

وكحل سمايلنج الاسود لونه من برا اخضر وغطاه شفاف هذا 2

كحل من سمايلنج لونه اسود ومن بره اسود وغطاه شفاف هذا 3

واشتري بودرة بوتيك للمناسبات تهبل

====================

ونفس السرداب تحت في هنود يبيعون سوالف سنفرات وصابون وغيره


اخذي منهم ملح الحليب بس تاكدي الاصلي اخذي الـ3 بدينار وبالحواي يبيعه ب750 فلس اخذي منهم لايطوفج

وعندهم بعد صابون مغربي ماركة الطاووس سعره عندهم ب750 فلس وبره مو اقل من دينارين

وعندهم انواع صابونة البابايا

وعندهم زيت اللوز المر

وزيت الليمون

وزيت الجلسرين

والاسكينول بعد عندهم وقطن تنظيف البشره

================

ومن حواي السوق في واحد يمني احسن شي اخذي منه

زيوت الشعر والاعشاب والميرميه (تضعف وممتازه) وليفة الحمام المغربي اخذي الاصليه


وبعد مري على بو100 وشوفي شغلاتهم يونسووون

واذا تبين شي من عيوني



مع تحياتي يا حياتي

مزيونه وشقره​

 

[FuChSia]

مشكوورين و ما قصرتوو :eh_s(7):

بالنسبة لج يا مزيووونة شقررة انتي عين السيح صج ماعرفج بس من متابعي مواضيعج و احبهاا وايد مااشالله عليج ..ودي اصير نفسج سنعة :eh_s(9): ما قصرتي يالغالية :eh_s(22): و من اشد المعجبين بشخصيتج و السنع اللي انتي فيه << والله تستاهلين كل خير :eh_s(17):


باكتب لسته و اروح هناك ..:eh_s(8):

 

[ناني سيكرتس]

مشكوره مزيونه على هالشرح , جني بروح المباركيه .

 

[مزيونه وشقره]

مشكوورين و ما قصرتوو :eh_s(7):

بالنسبة لج يا مزيووونة شقررة انتي عين السيح صج ماعرفج بس من متابعي مواضيعج و احبهاا وايد مااشالله عليج ..ودي اصير نفسج سنعة :eh_s(9): ما قصرتي يالغالية :eh_s(22): و من اشد المعجبين بشخصيتج و السنع اللي انتي فيه << والله تستاهلين كل خير :eh_s(17):


باكتب لسته و اروح هناك ..:eh_s(8):

مشكوووره يالغاليه:eh_s(22):




:eh_s(21):

مع تحياتي يا حياتي

مزيونه وشقره​

 

[مزيونه وشقره]

مشكوره مزيونه على هالشرح , جني بروح المباركيه .

العفو يا قلبي ي ي ي ي:eh_s:



:eh_s(21):

مع تحياتي يا حياتي

مزيونه وشقره​

 

[رفرف]

عندج بسرداب الشايع سوالف المكياج والفرش طبي وتخيري ..
والحوايين بعد ..
وألعاب اليهال ...
واذا تبين بشوت أو فروة حق البر هم حلوين ..
ومحل عبايات السعيد عندهم خوش عبايات ..
ومحلات العطور والبخور .. في محل اسمه بشرى عنده خوش بخور كمبودي ..

 

[طال السكوت]

بالنسبه لبشرى

ترى موجود بالفحيحيل بعد

وانا احب اخذ منهم عطر رووووووووووووووووووووووووووووووعه

اسمه ترانيم بارد على بخور ومسك

واذا رحتى حبوبه هناك اسئلي عن محل عطورات الملكي بالمباركيه

هذا الله يسلمج كل ما راح المعرض... رحت وراه عنده عطر على مسك يهبل يهبل

 

[supermarket]

عندج القريشي اخذي منه روح البخور

ومن الشمالي مثبت فواح البخور

روووووووعة

 

[FuChSia]

مشكوووووووووورين واااايد ماااااا قصرتوووووووو