شنو اقتراحاتكم لسفرتي بهالصيف ان شالله ؟ :)

[تولين]

مساء الخير ..


أنا توني متوظفة و بيني مبلغ حلووو في الصيف (اذكرووواا الله )
وأبي أدلع روحي بالسفرااات .. أحس متعتي بالسفر ..

وأبي دولة تستاهل بس مو عربية و لا دول شرق آسيا ..
رحت الصين و هونغ كونغ و تايلاند ..و رحت فرنسا و لندن .. واغلب الدول العربية ..

ولا تقولوون لي ماليزيا و سنغافوووورة .. كل من هب ودب راحلهااا وكلها عرب ... وعموما شرق آسيا مو ستايلي ..






ومابي أمل بسرعة منها .. وأبي تذكرون شنو مميزات الدولة و عيوبها ...؟


وميرسي

 

[شهدQ]

مشاركة: شنو اقتراحاتكم لسفرتي بهالصيف ان شالله ؟

ماشاء الله ماخليتي شي

ورغم انك قلتي ماابي دول شرق اسيا ومارحتي ماليزيا وتقولين لاحد يقولي ماليزيا

انا بقولك ماليزيا ههههههههه لانها دوله ماينمل منها واخر 8 راح يقلون عدد السياح روحيلها بهالوقت وترى جوها حلوو بهالوقت

وعندك جنوب افريقيا يمدحونها

 

[mooomooo]

مشاركة: شنو اقتراحاتكم لسفرتي بهالصيف ان شالله ؟

عدل شهود حنوب افريقيا حيل يمدحونها بس يقولج بليل تخرع


المهم


دشي على هالموقع وشوفي تجارب الناس وتقاريرهم والدولهخ اللي تيوزلج


www.traveler4arab.com/vb

 

[لموية العسولة]

مشاركة: شنو اقتراحاتكم لسفرتي بهالصيف ان شالله ؟

روحي النمسا والمانيا والمغرب واسبانيا ..شرايج ترى رووووووووووعة وجنوب أفريقا وايد هابين فيها بس لا تنسين تاخذين معاج مضادات ومبيد حشرات حق البق

 

[New Mum]

مشاركة: شنو اقتراحاتكم لسفرتي بهالصيف ان شالله ؟

امريكا

 

[ظلال القرآن]

مشاركة: شنو اقتراحاتكم لسفرتي بهالصيف ان شالله ؟

روحي النمسا كلمن يمدحها

 

[bnt q8 in usa]

مشاركة: شنو اقتراحاتكم لسفرتي بهالصيف ان شالله ؟

هولندا _فيينا_استراليا_وحياج عندنا بامريكا

 

[خبيرة اعشاب]

مشاركة: شنو اقتراحاتكم لسفرتي بهالصيف ان شالله ؟

ليالي الانس في فييييينا نسيمها روضه من الجنه ......

يا حلو فييينا حق الرومانسيه

اسبانيا روووعه ...

بس اذا تبين وجهه خياليه .....اتعيشين فيها كانج ملكه ...اليونان صدج ما تملين منها ...و اخذي croisiere يفرون فيج على يخت كل مناطق اليونان ....
كل هذا و انتي عايشه على البحر

صدج قممممه بس لا تاخذين وياج عيال صغار يبلشونج و ما تستانسين ..هههههه

 

[تولين]

مشاركة: شنو اقتراحاتكم لسفرتي بهالصيف ان شالله ؟

شاااااااااااكرة لكل وحده ردت علي ..

وحلوة اقتراحاتكم .. شهوووده ماليزيااا رطوووووووووبة بنت خالتي ردت ويهها منفر اهي وريلها .. و بعدين أنا جربت شرق آسيا حلوة بس الجو عادي و وصخين حتى أكلهم يلوع الجبد ..

خااااس بطني من الفيش ميل مالت ماكدونالدز .. حسيت كانت سفرتي حلوة بس فيها جهااااد

وبنت الكويت في أمريكاا نطري خل تكبر بنتي و اييج لا تردين الحين هههههههههه
انتي في اي ولاية .. انا ريلي كان يدرس هناك وبنات خالتي و عيال خالتي .. اهي حلوة بس يبيلها قرووب و عائلة و إلا شرايج ؟


و على جنوب افريقيااا فيها امراض بعد الحين يقولون محد يروحلها إلا بتطعيم ..



بصراحه شوقتوني الحين على فيينااا و اليوناااااااااااان ..
seule12 سفينة كرووز طلعت باليوناااان ؟؟؟؟ أنا سمعت عن هالسفينة يمدحونها و الشخص تكلفه تقريبا الفين .. بس ما سمعت انها باليونان .. اقترحت على زوجي اليونان ؟

شوقتيني عليهااا ..
وحطيت في بالي فيينااا بعد ..
اللي راحتلها تتحجى عنهاااااااااااااااا




و يعطيكم الف عافيه

 

[لموية العسولة]

مشاركة: شنو اقتراحاتكم لسفرتي بهالصيف ان شالله ؟

خلاص توكلي على الله وعزمي على النمسا تهبببببببببببببل وخصوصا زلمسي ...جنة الله على الارض ماشاءالله

واذا عزمتي بلغيني عشان نفيدج بكل شي عنها وتقدرين تطلعين منها لألمانيا وايطاليا وفرنسا يعني اخذي تور كامل

 

[لموية العسولة]

مشاركة: شنو اقتراحاتكم لسفرتي بهالصيف ان شالله ؟

خلاص توكلي على الله وعزمي على النمسا تهبببببببببببببل وخصوصا زلمسي ...جنة الله على الارض ماشاءالله

واذا عزمتي بلغيني عشان نفيدج بكل شي عنها وتقدرين تطلعين منها لألمانيا وايطاليا وفرنسا يعني اخذي تور كامل

 

[جكورة]

مشاركة: شنو اقتراحاتكم لسفرتي بهالصيف ان شالله ؟

أنصحـــج إستراليــــا يمدحونهـــا كل البنات ...

أو النمســــــا... أسبانيــــــا.......

 

[bnt q8 in usa]

مشاركة: شنو اقتراحاتكم لسفرتي بهالصيف ان شالله ؟

حبيبتي انا بولاية اكبر مول بامريكا كلها
منيسوتاااا شي وبعدين افتري روحي ميامي دزني وكاليفورنيا وشيكاغو وسان فرانسيسكووو

وبعدين حتي لو انتي وريلج وبنتج كافي مايبلها لاقروب ولا شي

 

[زيـنـه]

مشاركة: شنو اقتراحاتكم لسفرتي بهالصيف ان شالله ؟

استراليا - جنوب افريقيا - امريكا

و بالتوفيق

 

[Queen-q8]

مشاركة: شنو اقتراحاتكم لسفرتي بهالصيف ان شالله ؟

عن نفسي انصحج باستراليا لانها وايد بعيدة والتذكرة بروووحها مكلفة يعني مال تروحيلها مرة او مرتين بالحياة ووووايد طريجها طووووووييييل ..ز

بس عجيبة واحلى شيء باخر 8 او اول 9 عشان الصيف عندهم شتا يعني برد انا رحتلها باول عشرة كان الجووو ربيييع وحلو ...بس مافي مطر ...


بعدين احلى شي فيها الجووولد كوست وفيها موفي وورلد وسي وورلد وبعد دريم ووورلد

وفيها رحلات عجيبة يعني ما تملين لو تقعدين شهر ..

وسيدني بعد حلو بس مو مال تطولين فيها وملبووورن وايد يمدححونها بس حشافة مارحتلها وكانت النية ان نرووح ...




اما الديرة الثانية اللي رحتلها العام وكنت ودي ارروح لها هالسنه النمسسسسسسا

وايد زل ام سي عجييبة تحسين عيووونج ترتاح من كثر الخضار والجووويينن بارد ومطر ..
وهمن سالزبورج وميييونخ بعد حلو ...

وممكن تاخذينلج فرة على الدير القريبة منها وتصييير رحله اوربية ...


بس جد زل ام سي ما تتطوووف كأنج في منتجع صحي ... النفسية والجو والثلج والمطر والبحيرة والجو المغيييم ..

وررووحي منها لالمانيا ميونيخ وايد فريبة منها وانسبورج وميلانو وفينيسيا ...

..

 

[طفوش]

مشاركة: شنو اقتراحاتكم لسفرتي بهالصيف ان شالله ؟

موزنبيق

 

[ظلال القرآن]

مشاركة: شنو اقتراحاتكم لسفرتي بهالصيف ان شالله ؟

طفوش يا كرهج

 

[شكشوكةمالحة]

مشاركة: شنو اقتراحاتكم لسفرتي بهالصيف ان شالله ؟

انا رحت لاستراليا رووووووووووعه واماكن التمشيات وايد
ورحت النمسا ريلاكس اكثر بس التماشي باستراليا اكثر

 

[ضي البدر]

مشاركة: شنو اقتراحاتكم لسفرتي بهالصيف ان شالله ؟

فعلاً النمسا روعة مناظر طبيعية خيالية ونظام ماشفتة بأي دولة ثانية،وأمان ماتخافين إذا رديتِ

متأخرة،تصدقين يقولون إن شرطتها أكثر من المدنيين أنفسهم عشان جذي أمان عندهم ..

سالسبورغ هي اللي فيها المناظر الطبيعية والبحيرات السبعة ومغارة الثلج ومغارة الملح .. رحلة تستحق بصراحةالقيام فيها.


ورحلة سعيدة

 

[تولين]

مشاركة: شنو اقتراحاتكم لسفرتي بهالصيف ان شالله ؟

مشكووووووووووووووورين بنااااااااااااااااااااااااااااااااات على ردودكم ..


اغلبكم تمدحووون النمساااااااااااااا ستبدأ خطه 555 و اطبقها على ريلي علشااااان اروحلهااااااااااااا ببدى حنه ورنة .. صج شوقتوني لهااا ..

استراليا وامريكا بنطر لما تكبر بنتي شوي