شنو افضل عدسات طبيه ملونه؟؟

[M!SS CHARISMA]

قووووه بنات شلونكم شخباركم...........:33_1185028183:


انا عندي مشكله عيوني واااااااااااااااااايد حساسه وتدمع :cxxxp:وانا اموووووووت على شي اسمه عدسات

ياليت حبايبي تقولون لي شنو احسن نوعيه عدسات طبيه ملونه ماتبهدلني واستعمالها يومي او تطول صلاحيتها !!!

عفيه ناطرتكم :tek:

 

[زهراء]

والله آنا اسنخدم فريش لوك خفيفة وتينن

 

[M!SS CHARISMA]

والله آنا اسنخدم فريش لوك خفيفة وتينن

مشكوووره بس حبوبه هذي اشتريها جاهزه ولا شلون؟؟
للعلم انا نظري ضعيف فابي طبيه ملونه وين اسويها ؟؟

سوري بس ما اعرف اول مره ودي اجرب _shh_:

 

[زبــــــــدة]

ادور حلوة مريحه
وتراي كلر

انتي روحي هناك وياخذون نظر ويسوونلج نفس اللون اللي تبينه ^_^

 

[أنــثــى]

حبيبتي انا مثلج ينيت مع العدسات اللي لعبوا بعيوني لعب لين لقيت عدسات اتطول 5شهور
مالت جونسون اند جونسون اسمه surevue
فيها نسبة اكسجين عاليه عشان جذي يصير تنامين فيها
انا انام فيها اشهر انظفها كل شهر مره بس
او اذا حرقتني عيني لإني نايمه واايد انظفها وبعد جي 4 ساعات البسها
وعاادي
اخذتها جاهرزة ب10 دقايق يابوها لي ب10 دنانير بس
وفي منه اتوقع ألوان واايد درجات يعني انا جربت ازرق سماوي وجربت العسلي الرمادي
وشفت عندهم الوان فاتحه حييل جنها بيضه اتوقع رمادي فاتح واخضر عسلي وغيره

في من جونسون نوع يطول شهر يعطونج 3 ازواج كل زوج 10 ايام ونفس الطريقه اتنامين فيها وزينه اسمه acuvue2

بس انا تميت عالأولى واايد مريحتني

ونفس المواصفات في ماركة cliwell بس اتطول 3 شهور وفيها اكسجين ويصير تنامين فيها ..

وتحصلينهم بأي محل عدسات لإن جونسون مشهورة وااايد والأخيرة توني مجربتها..

أتمنى أكون أفدتج..

دعواتج لي حبيبتي

 

[أنــثــى]

دام انتي اول مره عيل لازم تفحصين اول بعدين يعطونج إما بنفس المحل أو بمستشفى العيون يعطونج نظرج جم من 6
انا سويت اول مره بنظارات بكيفان..

 

[noo7a]

مشكوووره بس حبوبه هذي اشتريها جاهزه ولا شلون؟؟
للعلم انا نظري ضعيف فابي طبيه ملونه وين اسويها ؟؟

سوري بس ما اعرف اول مره ودي اجرب _shh_:

انا بتليقف و اجاوبج
اذا انتي عارفه القياس الي تبينه
تقولين لها و اذا متوفره الدرجه عندها تعطيج ياها على طول
و اذا مو متوفره درجتج بتقولج تعالي باجر استلميها

 

[M!SS CHARISMA]

انثى مشكوووووووره وعسى ربي يسهل لج امووورج كلها ويحقق الي في بالج

بس يعني اروح اي محل نظارات واقول لهم ابي عدسات جونسن او اي ماركه ذكرتيها فوق ويعطوني بعد الفحص؟؟

نوحه يعطيج العااافيه لا وين ما اعرف قياسي اعتقد 1 من 6 لوووووووووووول حده موشي نظري

 

[بنوته86]

انا امجربة كل العدسات تقريبا
بس اللي ارتحت عليها عدسات توتي
صج ماكو عليها لو البسها يوم كامل مااحس اني لابسه شي
ومريييحه حييل انصحج فيها دام عيونج حساسه هذي احسن شي

 

[M!SS CHARISMA]

انا امجربة كل العدسات تقريبا
بس اللي ارتحت عليها عدسات توتي
صج ماكو عليها لو البسها يوم كامل مااحس اني لابسه شي
ومريييحه حييل انصحج فيها دام عيونج حساسه هذي احسن شي

مشكووووره :33_1185028183:
حبوبه اقدر افصل عدسه طبيه منهم؟؟

 

[خليج***]

جونسون علبه فيها 30 حبة
ب11 دينار
الالوان المتوفرة(اسود\بني غامق جددددا)

بس لو تشترين شهرية احسن هم ماركة جونسون والالوان عندهم رمادي وازرق .....الخ
جربي الشهرية اذا حسيتي انهم اوكي يعدين اشتري العلبة بو 30 حبة


ترا جونسون
وااااااايد مرحين وكانج مو لابسة شي

 

[noo7a]

نوحه يعطيج العااافيه لا وين ما اعرف قياسي اعتقد 1 من 6 لوووووووووووول حده موشي نظري

عيل لازم تفحصين
اول ماتروحين تقولين لهم ابي افصح قياس نظري عشان اخذ عدسات
و بس

 

[كوكتيل عسل]

حبيبتي

روحي محل النظارات وسوي فحص نظر عندهم
وبعدين قولي لهم ابي عسات ملونة طبية

وبيقولون لج شنو المتوفر وشنو اللي يقدرون ايفرونه لج


بالنسبة لي نظري واااايد ضعيف فصعب احصل كل الألوان
ولي حصلت انطر اسبوع الى اسبوعين لأنهم يسوون لي طلبية

المهم انا شريت نوعين
فريش لوك الرمادية وطلع لوونها رمادي غامج (تقريبا نفس عيون زينب في مسلسل لحظة وداع) المهم انه لونها تهبل
وجدا مرييييييحة وما احس فيها وجنها طبيعية على عيني


وجربت تراي كلر الأزرق ، هي مريييحة بس فريش لوك اريح منها ، ولوووونها حلو بس تبين اني لابسة عدسات

الأخضر من تراي كلر جربته في المحل ما عجبتني لأنه لونها ما طلع على عيني صارت سوداء


شوفي انتي المحلات وان شاء الله تلقين اللي يعجبج



مودتي

 

[FiOnKa]

تراي كلر حلوة و مريحه