شنو افضل حيوان غير القطط للاطفال عمر 3 سنوات

[say yes]

مراحب بنات ابي حيوان حق ولدي بس ماادري شنو اخذ وشريت ارانب بس كل مره تطلع ريحه بالبيت بس اسويلها شور تمووووووووووووووت شنو السالفه انه الارنب مايتسبح او اشلون واللي عندها طفل مستانس على حيوان شنهو والف شكر

 

[سكارف.فوشي]

ممممممممم
هامسترات
او سلاحف
او قطيوه صغيره

 

[ليل مامي]

انا رايي انك تاخذين له ... هامستر أو سلحفاه ... وشوفي وش يختاار
اتمنى اكون افدتكـ

 

[ســكــّر]

اهلين حبيبتي
صح كلامج مايصير الارانب تتسبح لانه بسرعه تموت مناعتها حيل ضعيفه وحساسه

..

شوفي حبيبتي الهامستر نفس الارنب ممكن يتاذى ولدج منها لانه عضتها تذبح ولها ريحه بعد

والسلاحف حركتها بطيئه يعني مراح يستانس عليها

..


مالج الي العاصفير الزينه الي اهيا البادجي اكتبي بقوقل البادجي صور اهو ببغاء حلو وهادي وترى مو مزعج

والوانه حلوه ومايوسخ ولا شي بس يبيله نظافة كل اسبوع مره


..


والافضل بعد والاحسن لما يدخل المحل انتي خليه على راحته لاتقولين شي شوفي شنو الي يجذبه اكثر شي في المحل



ماكو الي الطيور افضل له بس ان شاء الله مايطيرهم اول يوم :dddds:


والله يخليه لج ويحميه

 

[fatosha]

الوبر والهامستر والكتاكيت والقطآوه والسلحفآة

كلها تصلح حق اليهال لكن لازم انتي تراقبينهوم

 

[ديمة الحلوة]

مممممممممم القطوة صعبة عليهم ممكن تنقل لهم أمراض الحين أشتري لهم كتكوت أو هامستر عشان السلحفاة ما بتونسهم كثير عشان السلحفاة بس تأكل و تنام و إذا بتشترين لهم كتكوت أشتري لهم أثنين عشان الكتكوت يموت إذا كان لوحده من دون كتكوت ثاني يلعب معه ويضاربه كذا يسمتعون وايد

 

[الكرزي]

مادري شوفي سمك الزينة او السلحفة او طيور الحب وايد حلوين

 

[Kawaii GiяL]

حبيبتي من صجج !! @@

3 سنوات ,, روحي اشتريله لعبه مو حيوان ,, هذي روووح و انتو مسؤولين عنها و راح تتحاسبون عليها ,,

شعرفاه يفقص ابلحيوان و لا يعطيه اكل غلط و لا يحسر فييييييييييييييييه

ما كثر الالعاب ما انصحج كللش .. و لا مع الفكره ..

و الهامستر ممكن يعض ولدج اذا فقصه او سوه حركه غلط .. و عضته تعور سألي مجرب و لا تسألين طبيب ..

مالح الا العصفور على الاقل بقفص ما يأذيييه بس يسمعه و يتكلم معاه و بوجودج يعطيه اكل

 

[Aboosah]

انا مع اختي كاوي الياهي مايدي يمكن يفغص بهالحيواناات او يدخل صبعه بعين الحيوان

اخذي ياسمج علشان مايقدر يمسكهم او عصفووور علشان يطالعهاا ويشوف حركتهااااااااا

 

[ابي قطوة ميوووو]

رايي من راي النات

 

[miss yoyo]

انا اختي صغيره عمرها 3 سنيين وعندها هامستر
لكن انا حاطه ببالها من يوم ماجبت الهامستر ان لو طلعت الهامستر من القفص ولا ضربته راح يطلع من البيت ولا راح يصير معها هامستر
والحين هي واايد مستاانسه علييه وتوكله جزر وكذا بس بدون ماتطلعه لان مصدقه انه راح يطلع من البيت لووول

يعني جيبي
هامستر او عصافير او كتاكيبت بس علميه انه لايطلعهم من القفص

 

[وردة-الكويت]

حرام تجيبين حيوان حق طفل عمره 3 سنوات انتي راح تستاثمين فيه

ومثل ماقالت اختي كاوي اشتري لهم للعبه افضل

 

[hellokitty3307]

ولدج وايد صغير حبيبتي احسن شي تيبينله شي محطوط في قفص .. يعني طيور احسن شي .. ويوكلهم حزة اللي انتي موجودة معاه .. اهم شي لا تيبين له كتكوت .. ترى الجنة متروسة ارواح كتاكيت من كثر ما انذبحو
حتى لو ولدج ماشاءالله فاهم ومب شيطان .. تو الناس عليه على تربية الحيوانات ..

 

[بمبة المفترسة]

اخذي له فيل ولازرافة لوووووووووووول

 

[دمي مـטּ ذهب]

هههههههههههههههه أهم شيئ الفيل والزرافه
انا من رايي اذا تبين تييبين له حيوان حرصي عليه انه مسؤول عنه
والأفضل انه ما تييبين له شيئ يمسكه لأن راح ينقل له أمراض
شوفيه شنو يحب من ألعاب وييبيله وايد أحسن

 

[ღ Prettyღ♥ღWoman ღ]

ما انصحج بالهمسترات لانه حجمهم صغير وممكن يفغصهم وبنفس الوقت عضتهم تذبح

اهو على حسب ولدج اذا اهو هادي تقدرين تاخذين له اي نوع من الحيوانات

يمكن احسن شي القطاوه وتكون نثيه مو ذكر لانه النثيه بطبعهاا حنوونه اما الذكر على حسب في بعضهم يشمخوون اليهاال

 

[jo0ry]

انا راايي يبي له هامستر او طيور


انا عن نفسي جربت الهامستر عجيبين وبسرعه يتكااثروون بس يبيلهم كل اسبووع تغيير الخشب الي تحتهم بس والله يونسوون خصوصا لما تقعدين تراقبينهم ..