شنو اشتري هدية نزلة بيت؟؟؟؟

[laura mercier]

السلام عليكم ورحمة الله وبركاتة


يوم الاحد معزومة على بيت صديقتي الجديد شنو اشتريلها بس مو شي غااالي ؟؟؟

 

[فطووومة]

طقم مواعين

اجهزة كهربائية

اكسسوارات للبيت

ممكن هدية خاصة حق رفيجتج نفسها

او ممكن حلو كشخة وفلوس معاه

هذا اللي اذكره من زمان مارحت هالمناسبة

 

[آسيااا]

وعليكم السلاااااام والرحمه

يووووو عالهدايه تتعب خصوصا اذا ناس غاليه عليج انا شخصيا اتوهق من ناحية الهدايا
افضل شي تعطين فلوس لانه بجد تكون محتاجه الفلوس اكثر من الهدايا لان البيت الجديد ياكل الواحد اكاااال اسألي مجرب
وغير كذا اهيه بنفسها تشتري الشي اللي ناقص بيتها

 

[غربــــة اِحساس]

طقم مواعين

طقم استاكانات وفناجين مع مطارتين

اي جهاز كهربائي ينفع للبيت

او عانيه ( طرف تحطين فيه مبلغ )

 

[ƒédaîtn¥ ZoO'3a]

طقم مواعين

 

[laura mercier]

اشرايكم اييب لها كم دراعة على كم بجامة؟؟؟؟؟؟؟؟

 

[BaBy_SMiLe]

اشرايكم اييب لها كم دراعة على كم بجامة؟؟؟؟؟؟؟؟

لا ما ضن مناسب حق هديه نزلت بيت .. هذا رايي

مثل ما قالوا البنات اشتري اي شي متعلق بالبيت

حتى لو طقم جنيد الي مبخر ومرش و قراش دهن عود ويه مبخره .. يعني سعرها معقول وتنحط بالصالة شكلها حلو ومرتب

 

[اريام الحلوة]

على حسب
انا لما اختي نزلت بيتها جبت لها كواية بخار لاني اعرف ان اختي تحتاجها وكانت ناوية تشتريها
عشان ما تنقدون علي تقولون اختج نازلة بيت جديد شاريتلها كواية !!!
بس اختي كانت ساكنه بروحها وراحت سكنت عند حمولتها يعني بشقة وبعدين انا مو موظفة
<<< مزهبة الدوا قبل الفلعة

 

[أم عامر]

طقم مواعين

 

[ناتشوو]

اشرايكم اييب لها كم دراعة على كم بجامة؟؟؟؟؟؟؟؟

لا بصراحة مو حلوة
50 دينار حلوة اذا مو قريبة حيل منج
وافتكي من فرارة السوق
وكل الهدايا اللي اذكروها البنات حلوة

 

[قوت الأرواح]

اشتريلها طقم فناجيل وبيالات هذيل صج ما يضيعون

 

[الأنوااار]

روحي سنتربوينت أو هوم سنتر

 

[قطوة@@]

رد : شنو اشتري هدية نزلة بيت؟؟؟؟

اشتري شي لها خاص .. تراجي الماس مثلا او ساعه

 

[خبيرة اعشاب]

رد : شنو اشتري هدية نزلة بيت؟؟؟؟

نزلة بيت اكيد محتاجة فلوس قبل كل شي

حطي لها 50 دينار اذا مو رفيجتج حيل بظرف مع حلو كشخة و قولي لها كنت بشتري هدية بس ما عرفت شنو اجيب لج

 

[laura mercier]

والله الحمد لله ما عليها قاصر... بس الظاهر باخذ لها استكانات كشخة ومبخر كشخة اشراايكم؟؟؟؟؟؟

 

[LuLiTa]

انا اقوول اشتري لها شي شخصي احسن او حتى على قولة البنات مجموعة مباخر و دهن عود

 

[cawcaw]

شوفي في مواعين التقديم اشكال حلوه وتقدرين تاخذين لها طقم كامل منهم على حسب عندج سنتر بوينت مسوي سيل الحين يعني الطقم مايطلع وايد عليج وفي فياصل وايد حلوين وتستفيد منهم بالمناسبات ومايكلفونج وايد