شنو اشتري من مشهد؟؟؟

[miss t]

:68_asmilies-com:

قووة بنات\حررريم

شخباااركم
عساكم بصحة وعافيه

انا يوم الخميس بأذن الله رايحه مشهد
وابي اخذ لي الشغلات الي ماتنوجد الا عندهم
والي توصلنا ونشك انها مو اصليه
من كريمات مواد تجميل زيوت
ادوات تجمليله

يعني سوالفنا يالحريم


وادري فيكم مابتقصرون

والي تامر على شي لايردها الا الكيبورد:ggdw:

ومشكووورين مقدما

يلا همتكم​

_03BA:​

 

[miss t]

شدعوووووووووووووه ولا رد

 

[صفاءء]

نسألج الدعاء عزيزي

 

[ولاية علي]

تروحين وترجعين بسلامة

 

[miss t]

منا الدعاء ومنه الاجابه صفاء حبيبتي

والله يسلمج حبوبه ولاية علي
والله يحفظكم


ماقصرتوا

 

[Muwaly12]

لا تنسين تدعيلنا امااااااانة عند بوالحسن حبيب القلب فديته ,,

 

[WarDa_7aMra]

هلا حبوبه

اذا عن كريمات:
عندج كريم الكافيار و صابونه الكافيار وايد حلوه وتشد وتصفي البشره
عندج كريم اللوز
تاتو حواجب يصير بقرشه صغيره حلو وناعم


الحلويات:
سوالف القز والساهون ماكو غيره
واللحين ياييبين ساهون بالكاكاو لذيذ
وشعر البنات على كاكاو يصير دوائر


واي شي ثاني حاضرين


ولاتنسينا بالدعااء

 

[كوب قهوة]

نسألكم الدعاء
اولا ،، نروحون وترجعون بالسلامة وزيارة مقبولة ،، والله يبلغنا اللي ببالنا بحق اللي بتزورونه

ثانيا ،، مشترياتنا

المواد الغذائية
الزعفران
السوهان بانواعه )=(السادة ، بالفستق، العسل / الخ)
الكز( حلاوة بيضاء مخلوطة بالفستق على شكل مربعات ومغموسة بالصحين) واسمها الثاني ،، المن والسلوى عند البعض
الفواكه المجففة ( عجييييييييييبة ،، التوت الاسود والاحمر المجفف ،، جوز الهند المجفف ،، الموز ،، التفاح ،، الاناناس ،، )
الخضراوات المجففة ( خضار مرقة السابزي الايرانية مجففة ومحطونة جاهزة للطبخ ) بس نصيحة حطيها بكرتونة مو بشنطة الملابس عشان الريحة
وطبعا المكسرات بانواعها
عندهم كاكاو اسمه ( aidin) عجييييييييييييييييييييييييييييييييييييييييييييييييييييييييييييييييييييييييييييييييب ،، وكل انواعه حلوة ،، يعني مثل الجالاكسي والكادبوري ،، في منه انواع وايدة ،،، بس فعلا ،، مو طبيعي ،، تحصلينه في سوق الغدير بالمطحنة اللي بالسرداب

انصحج طول ما انتوا تتمشون بمشهد عليكم بالفالودة والبستني ،، في واحد يبيع بستني على الطريج من فندق الغدير باتجاه الحرم ،، عجييييييييييب
مطعم فندق قصر وايد حلو اكله ويمدحونه
وهذا اللي يحضرني الحين

الملابس
قطنياتهم حلوة ،، بيجامات البيت خصوصا حق اليهال وايد حلوة وغسل ولبس

الفنادق
اطلس -قصر- اعيان - الغدير ،، هذول اللي مجربتهم ،، واذا عندج احد من اهلج عنده بيت ،،، يكون زين على زين

وسائل النقل // التاكسي ،، بس لالالالالالالالالالالازم يكون معاج ريال والا حرمة كبيرة بالسن ،، تحسبا للطوارىء ،، لان الايرانيين يخرعون بصراحة

الصيدليااااااااااااااااااااااات

كل شي فيييييييييييييييييييييهااااااااااااااااااااااااا ،، لا وصفة طبية ولا هم يحزنون ،، كل شي تبين موجود ،، مستحضرات التجميل عندهم روعة ،، كريمات الحماية وايد حلوة ،، الكحل البودرة ،، (التاتو) ،، تشترينه مع فرشته الزين فيه انه ينغسل بالماي ما يظل عشان الوضوء ،، وفي منه درجات ،، مو كله اسود ، الكريمات المرطبة ،، كريم الكافيار لتحسين البشرة وايد حلو ،،
ادوية ثانية منها حبوب الشبنت حق اللي يسوون ريجيم زينة ،ادوية المعدة مثل الزنتك العلبة بالكويت على 11 و13 دينار وهناك وايد اقل ،، وغيره وغيره

السجاد والتحف

الاسواق (بازار رضا -اكسسوارات وكماليات واحجار كريمة )
الغدير (مكتبات اسلامية ومحلات سجاد وتحف ومطاحن ،، وفي محل واحد اعتقد يبيع اطقم سفرة واطقم تقديم صناعة ايرانية شغل ايد )
سوق بلور ( للحريم اللي يموتون على المواعين واطقم السفرة ،، وعن جد اذا بتدخلين هالسوق عالاقل يكون بجيبج 250 الى 300 دينار حق المواعين والجدور ،، تيفالهم عجييييييييب
سوق زيست خاور ،، مدحولي اياه بس ما رحت له ،، وبالتوفيق ولا تنسينا هناك

 

[BlackRose]

الله يوفقج

اذا رحتي عند السلطان ابو الحسن ادعي لي

الله يرضى عليج ويتقبل زيارتج

واتمنى اني ازوره بالقريب العاجل

البنات ما قصروا كفوا ووفوا

وفي بعد يم فندق جنت سوق السجاد لوحات عجيبة واتيين على سجاد ايراني شي خيال ويهبل واسعارهم على 300 الف تقريبا 100 دينار بالبرواز بس صج صج شي يسوى

غير باجي الاشياء اللي ذكروها البنات

وعندج زيت النمل اللي ما يطلع الشعر مرة ثانية
وعندج زيت الروز ماري هم عجيب
وعندج مكان اسمه كلجان زماني
هذا الله يسلمج مكان يصنعون فيه ماي الورد ويبيعونه بس مكان عجيب عجيب عجيب لام مو بس ييبعون ماي الورد لالالا كل شي
مثل ماي النعناع ناي الحصرم ماي الدارسين والزنجيبل ماي الهيل ووايد وايد اشياء فوق 100 نوع
وعندهم نشرات ومكتوبة بالعربي ان كل ماي مفيد حق شنو وطريقة الاستخدام

وماي الورد تحسينه طاااااااااااااازج وريحته عجيبة

امانة لا تنسيني من الدعاء حق وحق عيالي

 

[حليب بالموز]

وناسه ساعدني موضوعج انا رايحه بعد لسبوع الياي انتي متى بتروحين ؟؟

 

[نوراء]

نسألج الدعاء تروحين وتردين بالسلامة

 

[حساويه]

قلدناج الدعا والزياره

 

[miss t]

منا الدعاء ومنه الاجابه
فديتكم والله ماقصرتوا

عسى الله ينولكم مرادكم وتزورون قريب ان شاء الله

حبيبتي حليب موز اسمج عجييييييب لوووولز
ان شاء الله الخميس ماشيه على خير

ومادري وين بنسكن بالضبط بس مابنغير عن مشهد 10 ايام ان شاء الله ورادين
اذا بتروحين هالفتره خل نتلاقى

الله يحفظكم جميه يارب

 

[miss t]

بلاك روز عسى الله يسهل لج زيارته قريب يارب

وان شاء الله بدعي لج من كل قلبي
واذا تبين بالاسماء رسلي لي على الخاص

ماقصرتي حبيبتي
--
ورده حمراء

مشكورة ياقلبي وماقصرتي عسى الله ينولج مرادج ويسهل امورج

--
كوب قهوة فديتج مشكوووورة
ماقصرتي والله
كفيتي ووفيتي
عساج سالمه
والله ينولج مرادج عاجلا غير اجل

 

[miss t]

نوراء & حساويه
منا الدعاء ومنه الاجابه
الله ينولكم مرادكم ويسهل اموركم

ولايردني خايبه

 

[دانة الكون]

رووحي اييي صيدليه بوييهج قووليلهم ابيي حممر ( وشوفي الواانهم اخييييه عوااااااااار قلب ومو اي شي الاصلي وبتحتارين منهم )

تكون من بره فضيه بس صج صج صج خيااااااال انا حمراتي اغلبهم من هناك مشهد ولوونهم خيال كلمن يسألني عنهم موبي اقوولج لون محدد حلوو الانه كلهم بصرااحه روعووه وعدساتهم بعد من الصيدليه حلوووو وتطلع لج ب 3 دنانير كويتي بس لووونهج خيااال وهذا اللي ذاكرته الحيين بسس تروحين وتردين بالسلاامه انشالله

 

[zalabia84]

حبيبتي تروحين وتردين بالسلامه ونسااالج الدعاااء لا تنسينا وو عن الاشياء الي تشترينها من هناك واايد في زعفران عندهم بس الحين صاير سعره نااار وو الحلو مثل الساهون والقز خيااال وو في كريمات اللوز و الخيار حق البشرة عجيبه وو عندهم زيت النمل وزيوت ثانيه حق منع نمو الشعر ووو في مدينه اسمها طرقبه عندهم هنااك احسن انواع المكسرات وو الخضار الناشفه والتحفيات ... واهم شي انا عندي لما اروح مشهد طبعا بعد الزياااره اروح مجمع زست خاور عندهم بالسرداب محل يبيع عدسات وحده الي تبييع امبييي خطيييييييرة الالون والعدسات مو طبيعية وبلاش طبعا فرق السعر واايد ... وان شاءالله اكون افدتج

 

[miss t]

الله يسلمج حبيبتي
مشكورة ياقلبي ماقصرتي

بس ماذكر قريب من الحضرة اكو صيدليات ؟؟؟
ياريت لو تقدرين تحددين لي اقرب وحده من هناك

وبكون لج شاكره
ولو ماتعرفين
هم مشكورة حبيبتي مامنج قصور

 

[¤§ زيتونة §¤]

حبيبتي

تروحين وتردين بالسلامة

وبقلدج الدعاء لي ولبنتي واهلي وريلي

وان شاءالله الامام ينادينا باقرب وقت ونروح له





والله مااعرف وايد انا بالتسوق هناك لاني لما اروح زيارة ما افتر اتسوق الا من البازار اللي يم الفنادق



ماشاءالله البنات ما قصرو وفادونا كلنا





عليج بالعافية حبيبتي

 

[Sadf2000]

قلدناج الدعا والزيارة وعليج بالف عافيه بس لا تنسينا بالدعاء هناك ، ادعيلي الله يكتبلي زيارة واروح ، صار لى 7 سنين ما رحت :0bee2e8d89:

تروحين وتردين بالسلامه