شنو اشتري من البحرين؟

[زيزو]

باجر بسافر وابي الاشياء اللي مو موجودة بالكويت

 

[زيزو]

للرفع

 

[SupeR-GirL]

البحرين معروفه بالحلوى والمتاى وماي اللقاح والسمبوسك الصغار اللي داخله مكسرات
بس هذي البحرين مافيها الا الاكل
وتروحين وتردين بالسلامه

 

[daloO3a]

والله الكويت فيها كل شي و احلا

بس اللي اشوفه ايبون حلوى و متاي و خرابيط

انشاالله البنات يفيدونج

 

[بنات حواء2]

ترى البحرين مافيها شي اكثر شي ييبونه حلويات شويطر على قولتهم حلوه و عندج الدرابيل المحشيه بالجحلوه و عندج السمبوسه المحشيه بالمكسرات و اذا لقيتي شي عجبج و انتي تتسوقين لا تحطين شي في خاطرج يا بعد عمري
و تروحين و تردين بسلامه

 

[زيزو]

ماقصرتوا

 

[مريوما الحلوه]

حبيبتي في محل بالسيف اسمه سيفورا ما عندنا بالكويت عجييييب مكياج وسوالف وعندج جنيد دهن عود وبخور

 

[NoWay2know]

مثل ما قالوا البنات

تروحين وتردين بالسلامه

 

[اوركيدا]

اول شي حياج الله بتنور البحرين ..

شنو تدورين بالضبط؟ في بالج شي معين ؟؟

الاسواق عندج السيف او العالي .. السيف كل المحلات نفس مجمعاتكم ..

العالي في نفس العربه تبيع اجار .. احنا دايما نييب حق اهلنا بالكويت او دايما يوصونا .. اجبان على اجار او اشياء وايد غريبه ..

الحلوى احلى شي اللي بسوق لمحرق شويطر تييج حاره .. اخذيها باخر يوم ..

عندنا محل سفورا بالقسم اليديد من السيف .. او محلات ثانيه ..

في كافي يم العالي اسمه ليلو لايطوفكم وايد اكله لذيذ والحلو ماله روعه او قعدته حلوه وايد ..

قوليلي شنو فبالج او انشاءلله بدليج​

 

[أغلى حبيبه]

روحي سوق المحرق

واشتري عبي اشياء تينن وارخص من الكويت

 

[المجره]

تروحين وتردين بالسلامه

 

[ايفيان]

انا توني راده من البحرين

يحلوها ويا حلو ناسها

شوفي يا طويلة العمر

رحت سوق المحرق واخذت حلوه ومتاي من محل اسمه الخلود والله ان حلوته عجيبه

وشريت ملافع من محل اسمه النامليتي

ورحت السيف وشريت عبايه من الزمرد مع ملافع

وخرابيط حق اليهال من محلات اللي نفس محلات الشايع

وان شاء الله تروحين وتردين بالسلامه

 

[موني موني]

يالغالية ..

عندج الحلوى و المتاي و ماي اللقاح و المرقدوش

الحلوى من .. يوسف شويطر عنده الحلوى الملكية وااايد الذ من الحلوى العادية .. اما ماي اللقاح .. ماركة الجسر

و عندج بشارع المحرق محلات العبي عجيييييبة طبي و تخيري كل انواع العبي .. و ارخص من اي مكان ثاني ..

و مثل ما قالوا البنات عندج محل سيفورا للعطور و المكيااااج ماكو منه بالكويت حده عجيييييب ..


و عندج بعد مجمع الشيراتون فيه محلات الماركات البوتيكات .. فندي و هالسوالف .. اذا تبين من الماركات ..


و جنيييد طبعا لا يعلى عليه .. دهن العود الكمبودي و رشوووش مثبتلت البخور .. و في ناس اتحب تشتري من عنده رشوش اسمه (( البيت الخليجي )) روعه للبيت مع البخور ..

و عندج محل اصغر علي .. عنده عطر يهبببببببببببببل اسمه الخلود وااايد روعه مع البخور ..

و في مجمع الدانه اهو مجمع بسيط بس فيه سوالف حق اليهال محلات يهال مو موجوده عندنا بالكويت ..



و ااااخر شي لا تنسين تسلميلي على اهل البحرين و اهل المنامة عادهم يذكروني ) احبهههههههم

 

[موني موني]

اي و نسيت لا اقولج عندهم محل بس ما اعرف شنو اسمه اني سئلي عنه .. يبيييع قرص العقيلي صغير بالكاكاو و مغلف وااااايد راقي و ذرب و لذيييييييذ

 

[.]

سيفورا ..

وجنيد و اصغر علي شي جذي للعطور..

والعبي والملافع..

وتروحين وتردين بالسلامه يارب..

 

[.]

وفي بنات مثل بنوكه وشربوته حاطين مواضيع عن البحرين شوفيهم راح يفيدونج ان شاءالله..

 

[زيزو]

مشكورين يابنات الله يعطيكم العافيه

 

[موني موني]

مثل ما قالت رونه شوفي التقارير المصورة راح اتفيدج وااايد

و تروحين و تردين بالسلامة يالغاليه

 

[انا بطة]

فديت البحرين حلوه و مزيونة لو مافيها شي جااان مايو هل العالم من الخليج كله طق مطاقق عشان يوصلون انجوي يور تايم

 

[بنت من الكويت]

عبايااااات عبايااااات ثم عبايات ...