شنو اشتري حق عاشر بالضبط ! #متوهقه نوعا ما...

[* شوية أمل *]

السلام عليكم

انا يوم الاحد اصير عاشر لوول ;p
او مادري شنو المواد وشنو اشتري دفاتر بالضبط !!

وكل ابله جم تبيلها دفتر وجم عدد الاوراق

اللي ب 11 و 12 ياليت يفيدونا
لانه كل رفيجاتي راح يستفيدون من هالموضوع اهما ماعندهم اكاونت وقالولي حطي موضوع بنعرف شنو نشتري وشمانشتري..
وطبعا ودي اشتري ثاني يوم مدرسه بس ماكو وقت وراح ارد هلكانه مادري ليش اول يوم مدرسه تعب حييييل !!
وبعض الابلات يدرسون من اول يوم

وتشكراات ♡.

 

[DR.MEME]

وعليكم السلام يا هلا

شوفي حبيبتي يختلف كل مدرسة غير في مدارس يعطون مذكرات وجذي

واذا دفاتر بيعطونكم اسطوانه كل سنه انكم كبار وكل وحده كيفها تجيب الدفتر الي تبيه

بس عموما عربي 100 ورقة
رياضيات 80
اسلامية 60
فيزيا كيميا 60 او 80
احياء في دفتر له "دفتر علوم" انا احس انه احسن بس براحتج اذا تبين دفتر عادي
اجتماعيات دفتر اجتماعيات الي يكون مقسوم

طبعا اقولج تقريبا يفرق كل وحده وخطها وجذي
وسلاممتج حبيبتي
موفقة عمري وان شاء الله تكون بداية خير لج ولرفيجاتج وللكل
​

 

[آسمـآا]

هلوو حبيبتي انا رايحه ١١ بالنسبه لدفاتر عاشر 1- العربي ١٠٠ صفحه
2- الانجليزي ١٠٠طبعاً تشترين الدفتر الي مقسم
3- الاجتماعيات ٨٠
4- الاسلاميه ٦٠
5- الرياضيات مالا داعي ابلتنا ماكانت تعطينا بالدفتر شئ
6- الفيزيا والكيميا ٦٠ لان راح تعطيكم اكثر شي اوراق عمل
7- الاحياء اورااق عمل بس


اخر شئئ والمهم انج لاتنسين الاوراق الصغيره حق واجب الرياضيات والعربي مهممم وبغيت انصحج لاتهملين الامتحانات الشهريه لان المعدل التراكمي راح يصدمج بينزل درجتج عشرين او عشر لي تحت (
ولا تنسين الملفات لان عاشر دسسمه كلها اوراق عمل والله يعيينكم

 

[ليمونه:)]

ماشاءالله شكلكم في الكويت تعتمدون الدفاتر وايد
احنا في الإمارات نادرا ما نشتري دفاتر يعني حريه
موفقه الغاليه

 

[Madrideya ~]

امممممممم شوفي الدفاتر عشان يكفونج طول الكورس وما يخلصون وتتوهقين بدفتريين حق ألماده
هذول اللي راح يكفونج اخذيها مني

العربي والرياضيات ١٠٠ ورقه
هالمادتيين كتابتهم واااايد وراح يكون حدك حدك بعد لوووول
الكيمياء والفيزياء على حسب أبلتكم اذا تكتبكم وايد او لا
بس عموما الفيزياء فيه كتابات اكثر من الكيمياء لان الكيمياء كلها معادلات وأرقام
يعني ٨٠ ورقه يكفونج

والأحياء والدين والاجتماعييات ٦٠ ورقه

وبس موقفه شدي حيلج عاشر احلى سنه
بس يبيلها مجابل ؛)

 

[حلفت عℳري*ｼ]

حبيبتي كل مدرسة غير في تعطي مذكرات و فيه لا حياج معانه بتجمع طالبات الصف العاشر

 

[سّرآبْ]

وعليكم السلام



كيمياء وفيزياء والاسلاميه وإحياء واجتماعيات دفتر أبو 60-80
رياضيات دفتر مربعات أبو 40-60
عربي دفترين واحد أبو 80-100 وواحد 40