شنو اسوي مع هالجاره،،ساعدوني بليز

[om fairoz]

:eh_s(2):ابي حل مع جارتي,,,,ساعدوني
السلام عليكم ياحلوات

بنات انا ساكنه بشقه وانتو عارفين شقق هالايام كله بنيان تجاري المهم جارتي كل يوم تبخر بيتها الصبح فبخور يلوع الجبد ويخنق يعني تصوروا تقومون الصبح الساعه 7:30 على هالريحه الخايسه:eh_s(11): وحتى بلويكند مو قادرين ننام اليوم قاعدين من الساعه 9 على هالخنقه،،،،ابي حل معاها
ملاحظه تراهااا ملسونه :eh_s(2)::eh_s(2):وعادي صوتها يوصل بكل العماره

 

[وردة الدوحه]

goly laha anh 3yalj fehom rabo

o 6ol ellel yk7on

klmeha bthrabh

w itha qalt adbha ishtiky 3lyha !!

 

[granted]

ويع بسم الله شنو هالدخون الله يستر عليكم
اختي خلي ريلج يحاجي ريلها هذا حل
حل ثاني قوليلها شنوع البخور التستخدمينه و عطيها شي من عندج يكون ريحته حلوه وخفيف
وقوليلها ترى الروايح القوية ممكن تجلب الشياطين لبيتكم هذي المعلومة صحيحة والله


الا اذا بخورها من نوع معين الله يستر lol

 

[khawla&tito]

ان شاء الله احد يفيدج

 

[كنوشة 2009]

قولي حق الحارس او صاحب العمارة يكلمها

 

[معزوفة عشق&]

اعوذ بالله وش هالبخور لا يكون تسوي بلاء في خلق الله > يادافع البلاء ..

خلي زوجك يتفاهم مع زوجها واذا ماسمعت الكلام لكل حادث حديث ..*_*

 

[دلوعة أبوهآ]

كلمي صآحب العمآره وهو يكلمهم

 

[أعشقه]

شدعوا عاد تبخر شقتها والريحه تجي وتخنقكم
شغلي مروحة شفط عشان ماتختنقين ..
وماتوقع الريحه بتجلس مده طويله
وسعي صدرك ولا تسوين لنفسك مشاكل او عطيها من بخورك قولي لها تشوفه او تجربه او اذا جات لك بخريها من بخورك
وهي بتشوف الفرق
واذا الريحه توصل بهالشكل انتي بخري من بخورك وبتوصل لها الريحه ومود تسالك عن بخورك وتهون ماتحشركم من بخورهااا

 

[ابدا يالغالي مانساك]

اب
اب

 

[ونات الخفوق]

سبحان الله وبحمده

 

[Patcholli]

والله اختي انا اقول لاتكلمينها ولا شي خاصه واهي ملسونه على قولتج وتحملي يعني اهي قاعده بشقتها ويمكن هالبخور حرمل او حلتيت او صبر وتبخر فيه يمكن تعاني من مرض روحي وتحتاج تبخر بهالبخور .. مالج شغل فيها و انتي حطيلج شفاط بشقتج خل يشفط الريحه شتسوين بعد ماتقدرين تقولين حق المره لاتبخرين فبيتج ..

 

[جلكسيه اس 3]

مثل ما اهيا تستعمل بخور
انتي بخري شقتج و كله رشي من المرشات. بعد شتسوين

 

[عيوون ابووي]

لاتكلمينها ولاشي يمكنها لكلمتيها حطتش براسها وقعدت تعاند معاش وتجيب لش المشاكل الحل الوحيد والمناسب شوفو شقه ثانيه بعيد عنها ولو في عماره ثانيه احسن بعد والله يستر عليش ويوفقش

 

[حنان الحربيه]

الله يعينك
مثل ماقالوا البنات كلمي صاحب العماره
يقولها الجياران متاذين من الريحه
او اهديها بخور واي شي معه علشان
متحرجينها يمكن هي على بالها انه حلو
الناس اذواق وماتدرين وش نيتها شاده حيلها بتضبط بيتها

 

[لولوه أخت دانه]

الله يعينج

لا تكلمينها ولا تشتكين للحارس

حطي بمدخل بيتج منقي هواء

يسحب الريحه الشينه

 

[حلااي]

لاتحاجينها ولا شي
عزميها عندج واهديها بخور حلو هدية من عندج وقولي لها جربيه وخلصت المشكله

 

[om fairoz]

اشكر لكم مروركم ونصايحكم حبايبي
والله تعبت قمت اكره شقتي من الريحه وزوجي نفس الحاله وماكو فايده قمت ابخر مرتين فاليوم وقامت تسوي نفسي شكلي باخذ بنصيحتكم واهديها بخور مع رشوش بس اخاف تردني لان بس بينا السلام مالي علاقه فيها كلش
وبروح اشتري منقي الهواء ماكو الا جذي
فديت اراءكم انا مشكورين

 

[ms_kakawa]

يمكن شي بعد مو بخور الله يستر الدنيا مافيها امان

 

[سميتكـ _ غلاي]

سبحان الله وبحمده

 

[swanyway]

اذا بس بينكم سلام اعزميها واهديها